واش راكم احبابنا في اللمة
لوكان نسقسيو اي واحد هنا سواء طفلة و لا طفل ....كبير و لا صغير....صالح او طالح...واش رايك في الصلاه؟؟
بصراحة تلقا الغاشي اكل يقولك و الله غير الصلاة مليحة و مفتاحك نحو الجنة و وصا بيها النبي صلى الله عليه و سلم و هي من اركان الاسلام .....و و و و و
بصح بصراحة هل انت تصلي كما امرك الله سبحانه و تعالى؟؟؟
هل انت تصلي صلاتك كاملة؟؟؟ في اوقاتها؟؟؟ هل تصلي كل الاوقات في المسجد-بالنسبة للرجال-؟؟
هل تصلي اصلا؟؟؟؟
و الي مايصليش واش يقولك ....يقولك ياخي الايمان في القلب....و ماعليش ضك نصلي
خلي برك ياو ربي يهدي.....يقولك لاه غير انا الي راني منصليش؟؟؟ يقولك راني نعرف واحد يصلي و يسرق و يدير الفواحش...و و و و و و تلقاه يدير حجج باه غير يغطي المصيبة الي راهو فيها....
بصح كل واحد يصارح نفسو لوكتا يقعد قاطع العلاقة بينو و بين خالقو؟؟؟
انا نقولك حاجة برك للي راهو مايصليش
انت تامن بربي؟؟؟ الشيطان تاني يامن بيه
انت تامن بالرسول؟؟ الشيطان تاني يامن بيه
انت تامن بالملائكة ؟؟ الشيطان تاني يامن بهم و بكري كان واحد منهم
مالا فكر من جديد......
و ربي يصلح لحوال برك
اختكم manita_a
