نبدأ بإليسا وهيفاء وهبي ونانسي عجرم

[aziz1989]

إليسا وهيفاء وهبي ونانسي عجرم راكبين ف التران، وكيهدرو على فارس الأحلام
قالت ليهم إليسا: أنا بغيت نتجوج بوليسي
قالت هيفاء: أنا بغيت نتجوج شينوي
قالت ليهم نانسي: أنا بغيت نتجوج كويري معروف
واحد سمعهم أشنو قالوا وجا عندهم قال ليهم: نعرفكم بنفسي، أنا العقيد شونج يانغ المعروف برونالدينو
​

هادا واحد الفلاح جات عندو صحفية تسولو على البقر​

قالت ليه: أشنو كتوكل البقر ديالك؟ ​

قال ليها: شكون فيهم؟ البيض أولا الكحل؟
​

قالت ليه: البيض
​

قال ليها: كنعطيهم العلف ​

قالت ليه: والكحل؟ ​

قال ليها: حتى هوما كنعطيهم العلف ​

قالت ليه: وفين كتدير البقر ديالك
​

قال ليها: شكون فيهم؟ البيض أولا الكحل؟ ​

قالت ليه: البيض​

قال ليها: كنديرهم فالحوش​

قالت ليه: والكحل؟ ​

قال ليها: حتى هوما كنديرهم فالحوش​

قالت ليه: إيلا سرحتي بالبقر ديالك فين كتديهم؟​

قال ليها: شكون فيهم؟ البيض أولا الكحل؟​

قالت ليه: البيض​

قال ليها: كنسرح بيهم حدا الواد​

قالت ليه: والكحل؟ ​

قال ليها: حتى هوما كنسرح بيهم حدا الواد​

تعصبات الصحفية وقالت ليه: واش نتا فينما نسولك كتقول ليا واش البقر البيض أولا الكحل ونتا داير ليهم كولشي بحال بحال؟ ​

قال ليها: لا، لحقاش البيضين دياولي​

قالت ليه: والكحلين؟​

قال ليها: حتى هوما دياولي​

​

واحد قال لصاحبو: بغيت ندير مفاجأة لمرتي بمناسبة عشر سنين زواج
قال ليه: واشنو غادي تدير ليها؟
قال ليه: غادي نديها للشينوا.
قال ليه صاحبو: الله ياودي! إيلا في عشر سنين ديال زواج ديتيها للشينوا، أشنو غادي تدير ليها ف العيد الخمسين د الزواج ديالكم؟
قال ليه: غادي نمشي نجيبها من تما​

​

هادا واحد الطبيب غادي يولد واحد المرا عندها تلاتة ديال التوام​

خرج الولد اللول لقاه ناعس، وبدا كيضربو حتى فاق وحطو​

مشى خرج الولد التاني، لقاه حتى هو ناعس، ناض كيضربو حتى فاق وحطو​

مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير زوج ولاد للي كاينين​

غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟​

 

[وافية]

ههههههههههههههههههههههههههههههههههه شكرا شكرا شكرا فوووووور

 

[aboura]

هههههههههههههههههه
يعطيك الصحة ​

 

[stelllo]

ههههههه عجبوني وباللهجة المغربية رووعه شكرا