usmb 2 - mac 3 ،، تعليقات من عندي

[islamsamir]

السلام عليكم

البارح كنت قاعد في الحومة مع 2 صحابي ، حابينا نروحو لستاد تع تشاكر و نتفرجوا partiya ، انا نسيبورتي البليدة و لاخر شنوي و لاخر خاطيه ، جاي شباح برك ،،

المهم 100da للدخلة في الشاتيلا biensur معدناش ، كي وصلنا كانت 2eme ميتو قريب تبدا ،، دخلت للستاد مع واحد شرى تيكي وليد حومتي لخطرش بتيكي يدخلوا زوج نورمال ،، امبعد زوج لخرين تع صحابي جاو .....

الملعب 98% بليدي ، نستنتج خوف الشناوى من القدوم و مشاهدة المباراة بسبب أحداث جميعكم تعرفونها ،، أرضية ملعب تشاكر من أروع ما يكون عشب طبيعي ، الجمهور نعسان و ما غناش بزاف ،، الجو كئيب

الأهداف

المولودية ----- 3 أهداف كاملة من الاعب باداش نكار خير البليدة بالإضافة إلى نخبة أخرى كزميت ، بابوش ، معوش و إلخ...... الذين كانوا لا شئ فأصبحوا في البليدة و بعد ذلك راحوا و تكبروا و طاروا بعيد

البليدة ---- الهدف الأول الاعب شهلول ، و الهدف الثاني إيدزينقى

مبارة عادية و غير ممتعة جدا جدا ، لاحظنا إمكانية فوز البليدة لولا التسرع و عدم التفكير و بذلك فازت المولودية لضعف الدفاع البليدي المسكين

عند إنتهاء المبارات سمعنا أمطار من الحجارة المتساقطة في الملعب و حفلات من الكلام الفاحش بشتى انواعه الموسيقية ،، و بعد الخروج ، أطلقت الشرطة الماء الساخن علينا بعدما سمعت عبارات قاستها في شرفها

و في الأخير ضاع و بكى فقط من ضحى بــ 100da في سبيل مشاهدة مباراة ممتعة ،، كما انا قد ضاع صوتي من كثرة التضباح الذين لم يفعل شئ

 

[عدلان باب الواد]

يا اخي لدي تعليقات حول ارائك .
الملعب تقريبا كله بليدي نفس الشيء سيحدث في لقاء العودة حيث الملعب كله شينوي و الكل يتذكر لقاء المولودية ضد الحراش في ملعب بولوغين .
باداش ليس نكار خير فاتحاد البليدة احتقرت اللاعب و اكلت له عرق جبينه.
بابوش في حياته لم يلعب في البيلدة و ان كنت تقصد بوقاش فهو من بين افضل اللاعبين المتخلقين في الملاعب الوطنية متله كمثل بوقجان ويخلف وبن شادي فالبليدة رمته في الاحتياط وقد اتى الى البليدة نجما من القبة و مع الاتحاد اصبح لا شيء.
زميت انتهى عقده مع البيلدة ويحق له تغير الاجواء .
معوش نحن في سنة 2008 وليس في 2006 معوش يلعب في البرج فكيف شاهدته انت في الملعب.
الشغب الذي تتحدث انت عليه لا اساس له من الصحة فالمدافع بليعد و الحارس الثالث سليماني ابناء حيي وقد قالوا لي ان المبارة انتهى تحت التصفيات و اقرا جريدة الشروق اليومي ماذا كتبت شغب ام تصفيقات .
الشرطة تستخم الماء الساخن هل هي طريقة جديدة لمكافحة الشغب في الملاعب ام ماذا .
اخي العزيز ومع كل احترامتي وتقديري لك انت لم تذهب الى الملعب ربما شاهدتها في عقلك او حكاها لك احد ما.

 

[mohamed-riadh]

أسمع مليح وتبع معايا

الستاد 100 بالمية بليدية ليست غريبة عالبليدية لانهم في ولايتهم
ملاحظة الشناوة لم يتنقلوا لانه ولله الحمد المولودية كل موسم لها 6 نقاط مضمونة باينين بلي مع البليدة حتى كي ريحت عام ماربحتش عاودت قلعت بالبليدة والعادة مع التكرار تصبح عبادة
ولا تنسى ان الشناوة فقط من يتنقلون برا وبحرا وجوا من أجل عيون المولودية

الجمهور باينة مايغنيش على خاطرش اذا غنى وانتم مامسيتوش البالون هذاك عيب en plus
الاعب باداش من تكوين نادي الاربعاء ونتفكروا مليح كي كان داير حالة واداه سعدي معاه لسطيف وكي جا سعدي للبليدة جابو معاه يعني مادرتولو والو باه ينكر خيركم
بابوش عندوا نسابو بليديين برك واحنا النساب خارجين من اللعب يعني رابحين رابحين
معوش اشهر من نار على علم مع اهلي البرج ثم اتحاد العاصمة باش جا للبليدة يعني مانكر خير ما خان عشرة

اللعب الوحيد اللي نكر الخير هو محمد خزروني على خاطرش نهار جا للمولودية من البليدة جا حافي
امبعد ولا يسب في المولودية
ثم ان الملعب 98%بليديين فكيف لمناصرين من المولودية ان يثيرا الشغب وتستخدم الشرطة معهم الماء والقنابل والطائرات و و و ومانعرف الفيلم هذا وين شفتوا ؟؟؟؟

اخي الكريم
نتمنى حظا سعيدا للبليدة وان تلعب جيدا حتى لا تسقط فمهما قلنا هي فريق كبير لا يستحق اللعب عالمراتب الاخيرة
وشكرا

 

[islamsamir]

خويا عدلان باب الواد ---- خويا لعزيز اللاعب باداش من تكوين نادي الأربعاء و هو فريق غير معروف وطنيا ،، و علا هذي ماتقوليش ، سي باداش في البليدة ما ولاش حاجة surtou موسم كي كلاساو 2eme كي كانو على ديدناهم في 2003 je pense .... و ماركا 13 بيت و لا كاش جاحة و كان هداك الوقت المدرب إفتسان و الرئيس زعيم ، أمبعد هو بدا يتلعبن و الموسم الألي موراح مركى 0 في 0 aprés و راح mca و رد روحو حاجة و قال و قال و ga3 قرينا الشباك و تعليقاتوا المناهضة للإتحاد البليدي بعدما أصبح نجما في سمائها ،، نكار الخير و الخمير ...
و ثانيا و شكرا على التصحيح كنت أقصد اللاعب بوقاش الذي صح أتى من القبة نجما لكن في البليدة لم يجد نفسه او ربما من كثرة الأموال البليدية الطائلة لم يرد ان يجد نفسه و فضل عقلية راقدة و تمونجي ،، واما معوش كنت نهدر على يمات بكري ماشي دك ....
و المبارات ما قتلكش خلاصت بالأعمال الشغب بل إنتهت بوابل من الكلام الفاحش نحو أبناء حيك و فريقكم العريق الملقى بالعميد و ثانيا لا تصدق كل ما يكتب في الجرائد التي تحفظ ماء الوجه ،، لما خرجنا من الملعب رمى الجميع الشرطة بوابل من الحجر فأصبحنا في حرب و بدؤا برشنا بالماء الساخن من الشاحنة نتاعهم و تقدر تسقسي الناس ألي راحوا للستاد ماشي ألي كانوا في الستاد يلعبوا ،، parcque كاين défirence بينتهم
و en fin هذه هي الرياضة الجزائرية و هذه أسباب تخليها تبقى التالية toujours

 

[islamsamir]

أسمع مليح وتبع معايا

الستاد 100 بالمية بليدية ليست غريبة عالبليدية لانهم في ولايتهم
ملاحظة الشناوة لم يتنقلوا لانه ولله الحمد المولودية كل موسم لها 6 نقاط مضمونة باينين بلي مع البليدة حتى كي ريحت عام ماربحتش عاودت قلعت بالبليدة والعادة مع التكرار تصبح عبادة
ولا تنسى ان الشناوة فقط من يتنقلون برا وبحرا وجوا من أجل عيون المولودية

خويا هنا سمحلي نغالبك و نغالبك بالحجة و الدليل القاطع ،، ماشي بالهدرة برك و هاك و شوف بعينك

L'historique des rencontres entre les deux clubs:

USMB - MCA 2-2 (2006-2007)
USMB - MCA 2-1 (2005-2006)
USMB - MCA 3-1 (2004-2005)
USMB - MCA 2-1 (2003-2004)
En 2002-2003 le MCA était en D2
USMB - MCA 3-0 (2001-2002)
USMB - MCA 3-0 (2000-2001)
USMB - MCA 3-3 (1999-2000)
USMB - MCA 1-2 (1998-1999)

ربحتونا برك في 99 كي كانت كاينة équipe أسمها الشناوة .... و جيس نتا دوكا تقولي 6 نقاط مضمونة !!! علابالك بلي هذه إهانة .... و الشناوة مراحوش من الخوف ياك ماشي نتوما شناوة و على جالها تريسكوي في حياتكم - الشنوي كاميكاز مع الحمرة إديبلاسي -- و لا نتوما الريح في الشبك ؟؟؟

الهدرة بالدليل و الحجة و إلا ربحتوا ماتش ماربحتوش الشامبيونا ga3 هكذا ...