http://i41.***********/b4vsew.jpg
أخوتي أخواتي أحبتي الكرام أعضاء اللمة الجزائرية
هذا الموضوع خصصت لكـي أضع مجموعة من القصائد لي
متمنيا أن تكون في المستوى وتعجبكم
كما أنتظر انتقاداتكم بكل صدر رحب وأرجوا أن لا يرد على الموضوع حتى أكتمل من موضعه بالكامل
وقد تكون في القصائد بعض الألفاظ السوفية
الي مافهمهاش يكتبها ورايح نشرحهاله
وألف شكـر للجميع
http://i38.***********/11mggsk.jpg
القصيدة الأولـى بعنوان : الطلاق
اذا كان الراجل والمراة من الأول عقليتهم بعاد
نوصيك لاتتزوجها أخرتها طلاق
من اليوم الأولـى تخرج فيك عناد
وحياتك تولي ماتطاق
الي تبنيه الكل ترجع ليك رماد
حياتك تولي مرة ماتتذاق
مدله في دارهم موالفة على الرقاد
ماتخممش في المستقبل ماهيش تشوف للآفاق
دارت فيك الي من ربي مايتراد
لازملها ضربات على الراس ولا الساق
كاشما يهديها ربي وللطريق تتعاد
قبل ماتكون نهايتها ايتام وعليك انفاق
لكان سر داركم ولى في ايدين العباد
يتفسخ عقدكم ويتفسخ الاتفاق
حبيت تسترها وهذا ربي ماراد
وهي كي الحرباية تحتك دايرة أنفاق
حكايتك صعبت مكانش مجال للأتحاد
صعيبة باش تتستر صعيب التلفاق
نوصيك لاتتزوجها أخرتها طلاق
http://i38.***********/11mggsk.jpg
القصيدة الثانية بعنوان : راجل كبير في العمر شايب
دار الانترنيت وزاد حل السكايب . راجل كبير في العمر شايب
داير الأنترنيت وحل السكايب
ماهوش مهني عزوزه جاي من وراه غير المصايب
واذا طاب الفطور العشاء تحلف ماهو طايب
مسكينة مريضة شادتها الفشلة في الركايب
ملا عزوز ماكرة فيه ماتذوقاش الحليب الرايب
عندها الحق وهو يستاهل على رايه الخايب
يلاجي ويتصفح تقول عليه بغل سايب
------------
راجل كبير في العمر شايب
داير الأنترنيت وحل السكايب
------------
مرة في اللمة ومرة في منتدى الجلفة
والدواب اتاعه جعانين ماعندهمش الحلفـة
والنخل ليهم سنين خاصتهم علفـة
عايش بطال عايش على السلفـة
والأنترنيت يخلصها 150 ألفـة
سنيه طايحة قريب تريب
كون تخليه في الانترنيت ليلة يسيب
شايب رايح فيها والعقل ربي يجيب
صباح ربي مايشربش الحليب
يمشي جري يحل الميكرو يدخل للويب
المودباس مايغدلاشي ملا شايب ذيب
------------
راجل كبير في العمر شايب
داير الأنترنيت وحل السكايب
------------
مضيع وقته لاهي في الأنترنيت
والحيوط رشت من الماء الي يقطر من الستيرنات
لو كان ستر روحه وراح شرى ترنيتات
تحلب الشايب ولى يعرف المواقع والسيرفيرات
الأنترنيت يعرفها حبة حبة حفظ فيها الدورات
ملا شايب طايحة سنيه من الستينات
في الشات عشق تشادية
علباله رايح تزهاله الدنيا ويولي من المركانـتية
وراتله تصويرتها تجيب الشبه لشادية
قالها أنا شاب لباس بيا من القبائل الوادية
بابا ميقري وأمي عنابية
من الرعشة باش يبعض صورة ليه وهمية
بعض تصويرته وهو تحت النخلـة الشرقيـة
فاقت بيه وقالتله ماكش رايح تلعبها علـيا
كوبت عليها وحظراته من هاك الأمسية
غاضاته روحه وقال أشـح فيا
هذا حال من يحاول يخون العشرة الزوجية
كبير ومانحشمش نسيت عندي ذرية
من ثم حبس الانترنيت وحبس هالبلية
خلي نعيش احلام سوداء مانتلاحش للوردية
زمان السكايب ماهو زماني وعمره ماراح يكون ليا
وقتي راح وقت القعدة على الزربية والفاس والجطابية
------------
راجل كبير في العمر شايب
داير الأنترنيت وحل السكايب
------------
http://i38.***********/11mggsk.jpg القصيدة الثالثة بعنوان : المرأة ولت في زمانا عملة تسويق
المرأة في وقتنا حابة تخرج تخدم
ماهيش عارفة بلي في حلم الراجل راهي تردم
وين تسمع كاين منصب شغل تزدم
الي يخدمها عنده يندم
الي يبني فيه الكل هي ليه تهدم
المراة ولت عملة تسويق
ساعة قدام المراية تزويق
ادير في خدايم وخايفة راجلها ليفيق
ملى مصيبة وملى عليها تنوفيق
شاطرة في المطالبة بحقوقها شاطرة في النهيق
وتقول يزونا من الكلام شاهية تطبيق
تشوفها بالطالو طربق طربيق
ملامشية عليها تقول بطريق
قصيدتي عليك منسقها تنسيق
يلي ملي تخرجي ماكيش عاطية حق الطريق
بسروالها الهابط كناسة بيه للأرضية تليق
كل يوم بديكور ومشطة جديدة ومن فمها خارج الريق
كاشما تقول فيها كلمة تضيق
تنوض فيك تقول في شعرها شب حريق
ملا عقلية عندها وملـى تزنديق
ماليها غير يحبسوها ولا ينفوها لموزمبيق
حتى البطاطا ماتعرفش تقليها عمرها ماشدت ابريق
في كل بلاصة عندها صاحب مانحكيلكش قداه من صديق
كي نسمع كيما هكا نجي نتنفس نحصل في الشهيق
المراة ولت عملة تسويق
ساعة قدام المراية تزويق
- - - - - - - - -
والخو اذا ولت أخته استاذة
من دراهمها يشري دلاعة
و تعطيك مصروف يجيب بيه قارو وولاعة
مايخلي حتى حاجة ملا فم عنده بلاعة
ياكل ويتمتع وكي الكبش يبعبع
ويقولك الحمد لله على هالساعـة
نخليها ادير رايها وتخدم باش تاخذ رايي
وتولي واش نقول ليا تباعـة
ملي دخلت تقري ماشفتش التعب بأنواعه
- - - - - - -
بصح رد بالك لا تنسى وتظلم
كلامي ماشي على النساء الكل حكم
محلاها المرأة الفحلـة الأم
ماكبرت ولدها غير جاب راسها من الهم
ولدها كبدتها حبها ليه جاري في الدم
تحبله غير الخير وليه ديما راهي تلم
حملاته 9 شهر وهو مزال أصم أبكمـ
هذه المرأة الحقيقية وهذا هو المهـم
نحب من كل فتاة من ربي الرضى تطمع
كلامي استوعبيه وامضغيه مضغ
كلامي نتمناه يوصلك و مازلت نزيد نلبغ ...
حتى من حديثك ولـى متلغ
المراة ولت شخصية الراجل تنتحل
وفي خدمتها بكلام الفنانات تستدل
ربي يجيبلها خبطة كاشما تتعدل
تقول في عرس كل دقيقة قشها تبدل
هذا ماوصلنا ليه جايبتنا غير المهانة والذل
المراة ولت عملة تسويق
ساعة قدام المراية تزويق
http://i38.***********/11mggsk.jpg
القصائد البقية فيستكون في الردود الموالية
أرجوا عدم وضع اي رد حتى الانتهاء
وشكرا
القصيدة الرابعة بعنوان[FONT="] : [/FONT]مطروح في راسي هالتسؤال ؟
مطروح في راسي هالتسؤال
كثرت عليـا هالمشاكل
أسمعـوني ياالأحباب
من فيكم يعطيني جواب[FONT="] ![/FONT]
المسلمين داروهم ارهاب
ونسانا حابين يحرموهم من النقاب
والحجاب رجع موضة وستيل
هذا ماجانا من مصر هذا ماجاء من وراء النيل
رووسهم ممسوحة تقول طرحتها بوكلة ولا بيل
والمسكينة غزة الدموع من عينيها تسيـل [FONT="] - - - - - - - [/FONT]
ملا عرب والي سماهم هكا هرب
بيوتنا رايحة تتخرب من ثقافة الغرب
ساكـتين ورسولنا يتسب
ياولينا اذا حل علينا من ربي غضب
كي نجوا في السماء تلمت السحب
نجروا للجامع وندعوا يارب
استرنا من فيضان اذا المطر رايحة تصب
هاذم هم العرب يعرفوا ربي غير وقت الكرب
والراجـل فيه في وقت الحاجة يولي كي المراة يندب [FONT="] - - - - - - - [/FONT]
ذلـــونا الأسياد
هالسيناريو ديما يتعاد
ماهمشي محسبينا عباد
كل يوم نسمعوا واحد مات والعدد في ازيداد
واحد فينا متكلم شاطرين غير في الحداد
ملا أيام عايشنها رانا عايشين في سواد
طفل يبكي في فلسطين وطفلة في بغداد
والعربي يتفرجلي على روتانا متكي على الوساد [FONT="] - - - - - - - - [/FONT]
ملوا شاشاتنا بالفضائيات
من ميلودي لروتانا
أغلق فمك أحسن تدخل ذبانة
من أفلام الرعب المراة يطيح ولدها اذا كانت عيانة
ملا قنوات باسلة وجيفانـة [FONT="] - - - - - [/FONT]
الطرق الكل نشوف فيها رايحة تتسد
ياربي أمددنا بالمدد
وبنتى هالعرب رايحة تتحد ؟ [FONT="] - - - - - - [/FONT]
مطروح في راسي هالتسؤال
كثرت عليـا هالمشاكل
http://i38.***********/11mggsk.jpg
القصيدة الخامسة بعنوان[FONT="] : [/FONT]مأدبة عشاء
ياجماعة ارواحو اسمعوا ليا هالنداء
الحالة مسحبة والغيوم مليانة في السماء
دار صاحبي خطرة فيا مزية وعرضني على العشاء
رحنا للجامع وصلينا صلاة العشاء
وبعد ماخرجنا قالي نفوتو على السوق نشروا شوية اشياء
قلت الحالة مزردة فيها البيتزا زيد الشواء
وصلنا للدار قالي ريح شوي وجابلي المايدة
طول عليا نظن هالعقدة مافيها فايدة
هاتلي الله يرحم والديك فراش وزيدلي وسادة
هاو جاب الماكلة قالي صبلي كاس ماء
وانا درت بنيتي حتى قلب الشواء لطبسي حساء
هذه ماهيش عمايل رجالة هذه خدايم نساء
وين راه الشواء وين راه الخير وينهي الزردة
واش نقولك ياصاحبي الماكلة الي سجيتها طارت بيها اختي وردة
الحكاية باينة من الاول انت بديتها وكلمتها اختك القردة
نروح نضرب دورة خيرلي ونقصر في الجردة
جيت نلبس في صباطي زدت مالقيت حتى فردة
جاني يجري جابلي قطعة في ايده قالي هذا الي بقى
قتله بارك الله فيك روح ردها لا خوك ثاني مايرضى
قال هذا واش كتب ربي هذا القضاء
امالا قتله هيا تصبح على خير الى اللقاء
أدركت ذا الزمن الغريب فلا صاحب يؤنسني ولا قريب أكتسى الجميع شراب الحياة المسكر بالزبيب فتلاهى البعض منهم بمسامرة الحبيب واكتفى البعض الآخر بالعواء والنديب فما أدركت من فيهم الصائب اللبيب وبين ذا وذاك وقفة وقفة الحيران فظهر شخص على الشاشة يدعى أديب يروي الكثير لكـن قلما الهدف يصيب يذم ذا ويهين ذاك نسي وجود رب رقيب يرفع السماعة كل مرة وعلى الآراء هو يجيب كبير في السن لا مراهقا أدركه المشيب يقول مالا صحـه له يقول قولا مريب تكشف الستار ونظرة الناس له كل يوم تخيب وكما يقال : سيب شغلكـ أحسنلكـ سيب[FONT="] ![/FONT]
http://i38.***********/11mggsk.jpg
القصائد البقية ستكون في الردود الموالية أرجوا عدم وضع اي رد حتى الانتهاء وشكرا
http://i38.***********/11mggsk.jpg
القصيدة السابعة بعنوان[FONT="] : [/FONT]ياخي حال وياخي حال[FONT="] ![/FONT]
ياخي خال وياخي حال وصلـــنا لعصر الانحلال البنت باعضتها امها باش تقرأ والولـد داريلي الجـال ياخي حال وياخي حال البنت في الطريق ناصبة رادار والطفـل عليها كحــــال أمه متمنية ولدها يخرج طاير والابا يستنى من بنته في الـفال ماهو قاري وماهو تاع خدمـة بالزهر ليعطوله زبال في الاختبارات يدخـل فيها تنقال وكي تحدثه يخرج من فمه كلام مايتقال كي تقبضه ينقل تقله يزي يخرج فيك عينيه كي البـوم ويبدأ تفرعينه وتعنزيزه تقول عليه ملك الروم [FONT="] - - - - - - - - [/FONT] ياخي خال وياخي حال وصلـــنا لعصر الانحلال [FONT="] - - - - - - - - [/FONT] قدام الليسي تلقاه يدور ويحوم داير قارو ريم في فمه وذنيه غامها بالتيلفون يقولك خليني نزهـى خليني ننسى الهموم اذا ماماتش موتت ربي رايح يموت بهالسموم اذا شاف قدام بنت قلبه ينوض يخبط ملا مصدوم أقرا ياولدي مالا على روحك ورد بالك لتتحشالك البنت ماهوش عاجبها جالك البنت تعقب بيه الوقت ومن بعد تحشيهالك وفي جيبك هيا حدثي من الصرف واش بيقالك كي يجي المدير داخل لليسي يبالك مالا ماركة مقودة في باب الليسي حاطينهالك مالا فنزوزة تقول عليها قرعـة قازوزة بلاصتها ديما نفسها بلاصة في الكار ومحجوزة عيطوله كاش واحد العنزة تحوزه [FONT="] - - - - - - - [/FONT] ياخي خال وياخي حال وصلـــنا لعصر الانحلال [FONT="] - - - - - - - [/FONT] راني نوصيك غير أخدم الحاجة الي تهنيك ورد بالك لتكون كي الطلفة الي تبور والي كي تقلها كلمة فيك تثـور اذا قالتله البنت في الصباح بون جور تفوتله الحصص الكل فارح مسرور واذا نست ماقلتشي في العشية بونسوار يحس في روحه النقص يحس روحه محقور ملا فنزوزة عليه تقول سردوك مشوط في الفور تزيد هي تحله كي تقله[FONT="] j taime mon amour[/FONT] يتفكر تيتانيك و يتخيل روحه معاها في البابور يقله ياواش يسموك ببساطة انت هي الفور معايا تتهني راني مطلوب من كل الاندية حتى من الخور ملي عارفتك نصارحك نحيت من شمبرتي تصويرة نور وهي ماجت والو مخها خـــارب ولاطاي تاع ديــــناصور لازملها زوز من الناس يدزوها كي تحب ادير[FONT="] retour[/FONT] [FONT="] - - - - - - - [/FONT] ياخي خال وياخي حال وصلـــنا لعصر الانحلال [FONT="] - - - - - - - [/FONT] تقـوى الراجل ولى يقول[FONT="] j etaime mon princess[/FONT] الـي يقربلك نعاهدك نفرغ فيه سلاحي رصاص في الدار عاقل يتكلم لتلحقه ضربـة للراس مايخصك وقتها من كاس مصدي ولا طاس ياخي عقلية عندك تلعب تخاف على اختك وتلعب ببنات الناس كل يوم بوجـه تقـول زاورة دوبل فاس مستيكي روحه ربي يبارك من الساس للراس من راسك نحكي الكاسيكيطا خلي نشوفوك مليح يافرطاس وجت الطفلة مريقة روحها وفي رجلها لابسة الـ[FONT="] adidas[/FONT] قالها من قلبي حبيتك وحاب ندخل لقلبك أعطيني المودباس مالا داب محشمنا في الليسي بهيم وخاصه حلاس كي نهجوه بكلمات ظراف يقلي اربـي يزيني مانعاودش خلاص ذر مطايش وماتعرفش قيمة الحب يعرفوا غير يشوفو الكركاس قالها لازمني نزرب نجي نخطب كان مكانش يطير بيك المراقب ولا العساس ماتستني مني والو لا ذهب ولا ماس راكي مليحة كي يصحلك خاتم نحاس طفل قاعدلي في آخـــر الكلاس توقظ ياوليدي ماك لبــــــاس أغسل وجهك مليح كاشما يطير شوي نعاس [FONT="] - - - - - - - [/FONT] ياخي خال وياخي حال وصلـــنا لعصر الانحلال [FONT="] - - - - - - - [/FONT] تكـره من هذه تروح لهذه ماعندك حتى شغل رايح فاضي ماكلاه نفكرك في العفايس الي كنت ادير فيها في الماضي نفكـر برك لكـان توقع في مشكلـة والربطة مايحلها موس ماضي كي تجي رايح تلعب ببنت تفكر ربي تفكر كي تكون بين يدين القاضي وقتها علـى فعايلك يامصيبة لا للبعاد لا ربـي راضي [FONT="] - - - - - - - [/FONT] ياخي خال وياخي حال وصلـــنا لعصر الانحلال [FONT="] - - - - - - - [/FONT]
http://i38.***********/11mggsk.jpg
القصيدة الثامنة بعنوان : مراقب حقير
سأكبر ولن أبقى كما أن صغير
كلماتي يعني آهاتي ولو كنت سأنافس بها المدير
لو كنت ابن رئيس أو وزير
أكيد لن يكون لي نفس المصير
أنا انسان بسيط لـم أنم على فرش الحرير
ولم أعش ليحتقرني انسان مثلك حقير
هذا خطاب مني لك فلا تحتار ولا تحير
كلامي لديك أكيد له أكثر من تفسير
ماأقوله ليس بالخيال فهو واقع يصير
كيف تعمي بصرك وربي خلقك بصير
لـن أبقى دائما هكذا ولأأفكاري أنا أسير
لـن أغيب بعد اليوم ولو حصل سأجلب تبرير
وان لم يحصل فأفعل ماتشاء تعهدا أو تقرير
وكفاك نهيقا فما يفعل هذا الا بنو بعير
وان أصررت على عنادك سنرى من منا الفائز في الأخير
http://i38.***********/11mggsk.jpg
القصيدة التاسعة بعنوان : ملا رهوط يقروا معانا وملا رهوط
ملا رهوط يقروا معانا وملا رهوط
البنت تقول جاية لعرس طالعتلي للسبورة بسروال مضبوط
و باباها يشوف فيها فارح سعدي ابنتي مبسوط
وفي الشتاء تقول تخدم فشانطي تجي بالبوط
وبصباط الطالو تشوفها تقول شجرة بلوط
شعرها خارج من الخيمار تقول رجلين اخطبوط
الاستاذ ماينصحها وكي يكلمها واحد تقول تكلم في حيوط
ماأنتن ريحتها تقول بايتة في الكوري نظفي روحك ريحتك تسوط
في القسم ماتهنيش روحها كل مرة لحاجـة راهي تلوط
الذبان عليها محوط اقلبي هالمنظر تقول خبز محروق مشوط
باش تطلع للسبورة ادور القسم الكل تحوط
تاع عيب ديما تعايب في الذر لازملها كابل ولا سوط
ساعة لازمها بعد ماتخرج من القسم للهبوط
وكي تبدأ تتكلم تقول كلب ليه عام جعان مربوط
كي تطلع للسبورة صحباتها في بلاصتها يحشموا يصيبهم القنوط
هاك الشعر يتشاير في كل جهة منسل تقول قنوط
ملا فعايل عندك مايدروها لا الجنون لا لقطوط
لازمني ندير طلب للمدير يسحتها ولا يديرليها تقرير هالفرفوط
ملا رهوط يقروا معانا وملا رهوط
http://i38.***********/11mggsk.jpg
القصائد البقية ستكون في الردود الموالية أرجوا عدم وضع اي رد حتى الانتهاء وشكرا
القصيدة العاشرة بعنوان :ملا تلاميذ نقري فيهم سقاط ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
ديما نزيدهم واش يزيـهم
أولياء أمورهم باعضينهم ناقصين رباية باش نربيهم
ملا تلاميذ نقري فيهم سقاط
كل مانشوف وجوهم يجيني احباط
نحس روحي مخنوق انحي على كوستيمتي الرباط
من همهم كل يوم نجي بفردة صباط
واحدة ننساها في الشمبرة والاخرى تحت الوساط
خايف لكاش نهار نتقلق ويجيني في السكر افراط
شوف المصيبة من بنتهم لولدهم الكل بلعاط
وفي المولد يدروا فيا حالة بالنفاط
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
يسألو فيا غير الأسئلة البيزنطية
حاسبيني أقليدس ولا سقراط
في القسم حاقريني حاسبيني مادرية
كلمة زوز الشيخ راني رايح نجيب في الحسابة
واذا ماشي حسابة عندي قضية في الرقابة
معفسيني وحاسبين روحهم في غابـة
زيد ديما يسبوا فيا هالحديث الزايد واش جابه
العبد مايرضى بيه وربي ماراده
ندور على جنب نشوف غير حم مخرج فيا نابه
تقول شايفني فار يستنى ويقتاه يصطاده
ملا ماركات نقري فيهم ربي يستر عباده
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
ماهم تاع قراية يستنوا غير في كلمة اضراب
ولا يستنوا كي يقولولهم الأستاذ غاب
وتلقى هاك الطفل في الزنق ساب
يايطرح بالسكيلات يايتفارع مع صحابك كي الدواب
مايتهناش على روحه ياكل لحمه تقول كلب مجراب
مالا تلاميذ شادتني منهم الفطة
خايف لنهار نتكلاطى تجيني جلطة
وهالبنات كل يوم يجوني بحطة
كيلو مكياج في وجها داير لوجها خلطة
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
دارولي على كرسي الحبر
ياربـي أعطيني الصبر
وزادو بالزنين ملولي القجر
ومن ساحة الرياضة يحادفوا فيا بالحجر
وكي نقررهم واحد فيهم مايقر
وتكلملي سيدهم الراجـل عمر
وقالي ياشيخ باين عليك ناويلنا على الشر
قتله كي وليت هكا مالا غير اصبر
في ورقة الاختبار غير استنى الصفر
واذا تحب تقابلني اخرجهالي البر
بلاك بركة اديرلي عفايس الذر
وكي تشوفني تهرب وتفـر
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
قلت لتلميذة مابشع هالخط
ماشفتش كيفاه في حياتي قط
تقول حيط راشي مخبشه قط
قالتلي مادخلش روحك انت قريني فقط
واش دارتلي واش خرج من فمها كلام مايتقالش ربط
وهالبنية ماسمحها مشيتها تقول بط
رامت على بلاصتها ولت تعرف المربط
عينيها ديما مهزوزة عمرها في الارض ماتهبط
عينيها حمراء تقول عافية شاعلة ولا موقد
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
وجانا تلميذ من الأغواط ديما حاط الحطـة حاط
كابس روحه تقول عليه واط واط
شوافره مريقلها كي النساء باللقاط
سرواله عمره ماتشوفه طالع ديما ليه هباط
في ايده البراسلي وفي وذنيه داير أقراط
ملا مشية عليه تقول طراكتور طالع طبلاط
وكي يلبس الكوستيمة يرجـع جنبلاط
يهدنني ويقولي راني نهار الموس فيك باط
ماتداواش لا في سبيطارات الدزاير ولا الرباط
هيا امشي لنعفسك امشي أرضع داداك
كون تعاودها المرة الجاية نسيق بيك الحالة نمسح بيك البلاط
اذا ماربوكش أهلك انا نرجعك للطريق للصراط
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
قالي نتبع ستيل الهيب هوب
وكي نسمع كلام البنات نتحللل نذوب
امشي بعد من هنا ياخي ميكروب
الكلام مايجي خارج من فمك غير يروب
في الاختبار تولي كي الطلاب يانايب نوب
- - - - - -
وبنت نقري فيها ثاني من بجايـة
وعلى الساحـة هاي رايحة جاية
مرة بالسوني ريكسون ومرة بالراية
هيا معايا اسمع هالحكايـة
مرة قبضتها والبورطابل في الحصة يصوني
فيكـتهولها حتى قالت يوكـعني خلوني
شوف هالمصايب هالتلاميذ حابين يجنوني
سوفية وتحلبت تقولي خارجة من الحصة نكلم حنوني
كي يدخل المراقب ولا المدير بحسم يبهذلوني
من العام الي دخلت نقري من جرتهم ماحبوش يرقوني
ياخي تعليم ومن دخلته الذر كرهوني
مانيش راحهم حتى انا يانجيفهم يايجيفوني
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
ونقري في بنت لاصقة فيا ديما قراية
ماتنسلكش من أسئلتها وين نروح نلقاها كي السداية
وطفل سلفي قاعدلي في الكرسي الوراء في النهاية
لاملي ملمة وقلبلي مجلس العلم لوضاية
ربي يباركلك مش كي الاصناف الي سبقوه
يشرحلك القرآن أيـة بآية
ماتهزه في التلفزيو ن مراة ترقص ولا غناية
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
ولاخر مشغلي غناية آكون
ينخ براسه تقول جن فيه مسكون
اصحابه يضحوا عليه ملا عقون
واحد في القسم حالي البلوتوث
الدرس يوصله مبعوث
مابين اصحابه ديما منبوث
واحد على راسه دايرلي عروج
الدرس يلحقه بالأنفراروج
في الساحة تلقاه يسوج
تقول ضارب فيها قرعة روج
هذه ماهيش مؤسسة تربوية هذا عوج
الحالة خربت ولى يلعب فيها العوج
والبنت على فمها دايرتلي الروج
العشية تدخل غير بعد الزوج
ربي يعلم مع من وين كانت تلوج
في المكتبة ولا الرقابة واما تحت الدروج
سيناريوهم ديما ليا منسوج
ملي ندخل للقسم حتى الخروج
ولاخر لحيته مطراسي
و يعرف غير نسيت كراسي
واذا سألت سؤال يقلك ناسي
في الأختبار ديما يقاسي
وعلى حل تمرين راهو يساسي
خايف لنهار عليه نباصي
ملا تلاميذ نقري فيهم سقاط
مايقروش على رواحهم يعرفوا غير زيدنا النقاط
http://i38.***********/11mggsk.jpg
القصيدة الحادية عشـر : زوالي وفحل ومايعرفوني غير في تخريج الزبل
زوالي وفحل ومايعرفوني غير في تخريج الزبل
كي يجي يقلك هاك خرج الصاجي يقولوك صحيت يابطل
عارفين مكاين غير انا بالعفسة هذه رايح نقبـل
ويبدا وقتها كل واحد من جهة ليا يرطل
تقول تلميذ يستنى في الورقة باش ينقـل
ظهري من الثقل اتحـل ومن ماء الوسخ قشي الكل تبـل
وينتى نتهنى ويقتاه يكملوا الشناوة خدمتهم و هالمشكل يتحل
زوالي وفحـل ومايعرفوني غير في تخريج الزبل
يعطوني الصاجي الازرق باش يزيدوا يحشموني نولي نحوس على صاجي اكحل
وكي يشوفني واحد البر نحشم تقول دايرينهالي بلعاني باش نتبهدل
وتبدأ النار في قلبـي تشعل تقول واحد كيلاه الناموس لازمه قطرات خـل
دايرين فيا التير مفركيني بالروضة و ترادف سبـل
دايرين فيا التير ومايرحموشي حتى كون يشوفو الدموع تسيل
يحسبوا رواحهم هوما الملوك وانا الخدام تاعهم حاسبيني فيل
زوالي وفحل ومايعرفوني غير في تخريج الزبل
ارحموني راني عبد مانصبرش كي الجمـل
ومانيش تاع حلاسة مانيش بغـل
وكي مانخذش الراي مايخصنيش ربطة بالحبل
فاتو العقلية الجاهلية وتمادوا معايا في الجهـل
بالعقل عليا عظامي رشت وعلى بعضاها بدت تتنصل
وحتى في بيدون تاع خمس ليترات وليت نحصل
حابين يخرجوني من القراية وقالولي بالزهر لاتكمل هالفصـل
قالولي شفناك تصبر ياسر غير أعطينا شوي من هالمصـل
زوالي وفحل ومايعرفوني غير في تخريج الزبل
http://i38.***********/11mggsk.jpg
القصيدة الثانية عشر بعنوان : ملا طفلة تقول ورن
ملى طفلة كي الورن
وكل ماتجي خارجة تتزين
ماكلتها غير الزبدة والسمن
كل سمانة تزيد في الوزن
هاذم هم البنات تاع هالزمـن
دايرين في المدراس غير الفتن
وزايدين على أهلهم غير محـن
تخرج من فمها كلام تقولك لحـن
وهو ماجاء والو كلام عقـن
ملي نشوفها وقلبي يترغن
كابسة روحها من الكرعين للوذن
راسها فارغـة ماليتها بالتبــــن
صغيــــرة في السن
وماهي فاهمة في الدنيا ترن
تستنى غير في ساحة الرياضة باش تعرض
روحها تقول نشتي نتمرن
تلعب وتبدأ زعما تتفن
مافاقتش لروحها بدت تنتن
أحمـ أحم طاح الزنين من جيبها راهي فيه تلم
ملا سم باعضينه للمدراس وملا سم
الدنيا الكل فيها حابسة غير هاك الفم
ولو تملاه بواش تملاه مايضم
هات بركة واحد من الذر يقييمها
وترطله باش يقولها كلمة ليه راهي تحتم
وكون يقولها كلمة خايبة تقولها كنت نستنى في واحدة أحـن
ياخي مخبوطة في راسها ولازم في حوشهم تتسجن
ملا خلقة تقرا معايا ملى خلقة
ومن نشوفها النهار الكل قابضتني القلقة
تغلط معاها الزلقة بفلقـة
واذا ماكليتش طريحة تاكل الفلقة
لعبنا الجلة اكتشفت فيها موهبة انها جمـل
تقول طيارة تلاحت علـى الرمـل
ملا راس خشين عليها وملا عقل
هات نلقى برك نضربها لراسها بكيلو ولا رطـل
يابنت الناس أفهمي مليح كلامي
واذا انا اليوم حكيت عليك غير باش تفهمي المعاني
لعبتك خلاص ولت للغاشي مفضوحة
غير ماتلعبيهاش قدام المدير كي الطفلـة المجروحـة http://i38.***********/11mggsk.jpg
القصائد البقية ستكون في الردود الموالية أرجوا عدم وضع اي رد حتى الانتهاء وشكرا
http://i38.***********/11mggsk.jpg
القصيدة الثالثة عشر بعنوان : الدراسة في قسمنا
دع لومكـ عني ياصديقي فيوم الخميس مع الفيزياء لنا لقاء
يومها سنعرف من منا سيطرد ومن هو جدير بالبقاء
فالمطرود الأول معروف .... تتبعها .....الحمقاء
والثانية مجهولة الهوية خفيفة الظـــل عنقاء
أما البقية فهم .....و .....و .....نعم الأصدقاء
- - - - - - -
جانا يوم الامتحان ودخلـت وأنا مهول
وعلى العشريــــن أنا كنت معول
وفي التمارين بديت نحل أنا الأول
والأستاذ يدور على الغاشي ويتجول
تشوفه يمد في ايديه تقول عليه متسول
شافني نحل في تمارين تاع جهاز التبول
وثم على الصفر قاعدلي يتفول
ويقلي اذا صفرتك راهو الأول مايتحول
- - - - - - - -
كل ماندور لصاحبي نتسلف حاجة يفجعني
وكل مانسقسيه على تمارين مش واضح ينشعني
وصاحبي ورايا كل مرة يضربني قريب يكروعني
يزيد شوي ويقلي هذا الحل الصحيح تبعني
حتى وين قتله فكني وخليني نحل حاجة تنفعني
- - - - - - - -
ودارتلي سي لالـة قالتلي عاوني ياببح
وراني في كتيبة الحل بديت نضرح
قلتلها لالا ياأختي هذا يخاف يتفضح
قالتلي وانا نخاف نشوف الصفر عارفني بالخف نتجرح
زعما نور قلتلها راكي في النهار ماتشافيش وفي الليل تقول شبح
حتى من صوتك بحاح تقول كلب وينبح
يالطيف من سمعت كلامها والي كان في راسي تمسح
شافني المراقب نمد لصاحبي في ورقـة قالي يكفي
حتى ردت وراه تمعنيلي قالت أشح أشح
ياو قلت أقلبي وجهكـ الي شافك انت ماربح
شوف هالمصيبة سمعتني ولعبتها تكـح
كون ماشي عيب من ربي نرافاليك بلح
لسانها الله غالب فيه لكسيراتور خاصه مكبح ...
- - - - - - - - -
طاحتلي ورقة جيت نهز فيها قالي المراقب :
علاه راك تغش تحب نعطيك تقرير
ولى تحب نعطيك كفوف حتى تشد السرير
مانيش حاب نضربك وانت راك كبير
مالا مراقب حسبني انقلك وفي راني نحير
وعلاه راك تغش تحب نعطيك تعهد
نطردك من الليسي ونحرمك حتى من المعهد
خليك تلميذ طيب خليك قوي كي الفهـد
خليك في العلالي خلي في قلبك شوي زهــد
وعلاه راك تغش تحب نعطيكـ انذار
وتعقب السنين الي بقاتلك الكل فوريار
خلي طموحك عالي حاب نشوفك طيار
تولي صاحب همة وعندك ثلاثة داير
- - - - - - - - -
أيا قلت نبدل العقليـة !
والي كان يقربلـي معادش يدور بيا
حتى من سي لالـة والشيخ الي عس عليا
ياحسراه قداه قرينا وسهرنا ليـالي
وتو كبرت وتبــــدل حالـــــي
وراسي نظاف ومكان حتى شوشرة في بالي
تبدلت الأمور الدنيا قاعدة أدور
حامد ربي مانيش خايف من المستقبل واش مخبي
وأنت يالالـة سي فيني
غير بعديني وخليني غير عفيني
الي رتيـــه فيا يكفيـنـي
يابنت الناس أفهمي مليح كلامي
واذا انا اليوم حكيت عليك غير باش تفهمي المعاني
لعبتك خلاص ولت للغاشي مفضوحة
غير ماتلعبيهاش قدام المدير كي الطفلـة المجروحـة
- - - - - - - -
http://i38.***********/11mggsk.jpg
القصيدة الرابعة عشر بعنوان : الشعر تاعي راهو تمنع
عزيزي المستمع
الشعر تاعي راهو من النشر تمنع
كلامي خارج من القلب كي الغول يفجع
ولكل فاهم عندي ليه ابيات تنشع
قصايدي الكل منسقة في بدايتها جناس وفي الاخر سجع
اسلوبي حديث ومطور ماهوش كلام بشع
نكتب وراسي مرفوع تقول عليا طاير بجع
مانيش حاسد للغاشي وفي قلبي مكانش ذرة شجع
كلامي صواب وللطريق الصحيح يرجع
اسمع لكلام الله وآياته واخشع
واذكر ربي في صلاتك ساججد كنت ولا راكع
ماتحاولش تقلدني وانت مزالك لصبعك ترضع
الكلام الي نقوله قاوي عليك يخوف يفزع
عندي ليك كلمة اسمعها وافهمها اسع
ماتظلمش الناس لتولي كي العقرب الي تلسع
لسانك حصانك اذا ماربيته غير انزع
بين شعري وشعرك كلام طويل والفرق شاسع
أفهم ياالفاهم كلامي خارج من القلب أبيض ناصع
http://i38.***********/11mggsk.jpg
القصيدة الخامسة عشر والأخيرة بعنوان : عشت طفولتي مخصوص
زوالي وعشت طفولتي مخصوص ....
ورزقنا ربي بشكارة فلوس ...
قلت نجيب فيها لروحي عروس ....
وماخيرت من بلايص ربي غير بني مسوس
ماحبيتش نركب في كار دادي
صماطت وين نركبها علينا الذبان يبقى يدادي
يحقروني ومايحبسوليش كي نبقى نستنى قدام اولاد ميعادي
معليش نفوتهالكم ياولاد البلاد عادي
الدراهم في الجيب وطاكسي توصلني للوادي
بعد عليا ماتحلليش اجبد من موغادي
سقموا كارهم من بعد نتحدثوا بدلوا شيفوركم البوجادي
رحت حجزت مقعد في الدبيلة عند واصل
للا ربحـت الطريق الكل وأنا في التخميم حاصل
كل مانشد خيط في راسي يعقب الآخر ناصل
بذراع مارتبت أفكاري ودرتلهم فاصل
ملى شيفور يسوق بينا يمشي كي اللمانة باسل
ملـى بطل وفي سوقان الكار راجـ تقول زطـل
ملا كار مهللة ومن هالمرة مانزيدش فيه نركب ولو يقولي تسافر باطل
وليت في هاك الكار تقول نادل وكل وين ينوض راجل من بلاصته نروح معاه نتبادل
حومتها الكل كي رحت ليهم لصوص
وخواتها زايد الكل خوص
الراس الواحد يشوفوه عشرة رووس
و الحاجة طبست عليها قاعدة غير فيا تبوس
وأنا في هاك الكانابي مرصوس
قلتلهم ازربولي بالشروط فهالدار تقول محبوس
قالو جيبلنا داندية ودجاجة عربية وعتروس
ورولي هالمراة وبديت نشوف فيها وعينيا تنوس
قالتلي ياولد رد بالك لاتحسدنا على بنتنا خمسة وخموس
ضحكتيني يالحاجة واش رايح يعجبني فيها شوفي لسنيها واكلها السوس
ننصحها ادير عملية تجميل ولا تمضع عرق السوس
في الكورتاج الكات كات والله ماهي شايفتها ماتطمعشي حتى في الايردوز
ماشي هذه الي وريتولي تصويرتها بعدي عليا تقول دقلة ولا ملبوز
اعطيتـولي غير المهنتشة وشديتوا عندكم المفروز
تعبتوني وروحتولي عقلي بالسحور والحروز
ماكنتش كيما هكا كنت لباس بيا انتم الي رديتولي قلبي مطموز
حتى الطبيب دارلي ماكلة خصوصية خبز الشعير والروز
الذر تلموا على باطة الباتيسري الي جبتها وليت نحوز
ناضو يتعاركو مع بعضاهم واحد دارز ولاخر مدروز
ملا جعانين ونا قلــت أنا أناسبهم ملا بزوز
وتكلمتلي كبيرتهم تكملتي الشارفة العزوز
قالتي ازرب نعقدوا حابينك انت ببنتا تفوز
تخذيت وقلبي ترعش ولى مهزوز
أخرة واش درت فيهم لاحقيني بدبوز
زوالي وعشت طفولتي مخصوص ....
http://i38.***********/11mggsk.jpg
شكرا للجميع على القراءة الموضوع
بارك الله فيكم وربي يحفظكم
وهناك قصائد كنت قد وضعتها من قبل
من خلال طرحي للمواضيع لمن أراد رأيتها
يشرفني ان اكون اول من يرد على الموضوع فانا اعشق الشعر بجنون و قد لفت انتباهي العنوان
لم اقرا القصائد كلها لكنني سانسخها على الجهاز و اقراها في وقت لاحق
بالتوفيق و شكرا على المجهود
يشرفني ان اكون اول من يرد على الموضوع فانا اعشق الشعر بجنون و قد لفت انتباهي العنوان
لم اقرا القصائد كلها لكنني سانسخها على الجهاز و اقراها في وقت لاحق
بالتوفيق و شكرا على المجهود
نوقف عاجزة قدام هاذ الابداع
والله العظيم ثلاثا مبدع بكل معنى الكلمة
القصائد مقريتهمش كامل لاني رايحة نقرى لي عودة انشاء الله باه نكملهم
ربي يبارك فيك ويحفظك لوالديك
امتناني
نوقف عاجزة قدام هاذ الابداع
والله العظيم ثلاثا مبدع بكل معنى الكلمة
القصائد مقريتهمش كامل لاني رايحة نقرى لي عودة انشاء الله باه نكملهم
ربي يبارك فيك ويحفظك لوالديك
امتناني
......... مهمآ قلتـ لنـ أصلـ إلى مستوى كلمآتك الرقرآقة وإلى جمآل شعرك وجمله البرآقة فعلآ عآلجت موآضيع مختلفة بطريقة مسلي خاصة بكـ لكنك ظلمت قليلآ الفتيآت .......ههههههههه أمزح فقط أتمنى لك كل التوفيق أخيـ فعلآ سررت برحلتيـ عبر مآخطه قلمك المميز *...........تحيآتي...........*
