شوف يا اخي كل واحد و قناعاته
انا كي قلت مانحبش نديرونجيهم ماشي بالمعنى الحقيقي مانحبش نديرونجيوهم هوما لي يديرونجيوني يا خويا ، كاين حاجات انا مانحبش نشوفهم طبيعتي هاكا
و الحياء لا يعني ضعف شخصية او تعقد
و بالعكس انا مانيش من نوع لي يحشم، و انسانة طموحة و ديما نقول مازالت الدنيا بخير و لكن كاين وين الموس يلحق للعظم خلاص
اما في ما يخص الجامعة في نظري ماشي كيما انت ، انا نروح نقرا و السلام لا قصرة و لا لعب
عندي حبيبتي واحدة ندور معاها و نبريباريو كيف كيف و هي عقليتها كيما انا ، و مسالة العلاقات الاخوية و القصرة و الهدرة عندي حبابي جيراني و عائلتي يعني خارج الجامعة داخل الجامعة مانعرفش ناس و مانحبش نعرف ،و هادي ماهيش مسالة حشمة او ضعف شخصية او حتى تكبر
مسالة قناعات ( البنت و الولد ماشي كيف كيف) البنت اذا شافت لعوج ال فو ميو تبعد عليه خير
حتى انا فارضة نفسي في الجامعة بطريقتي الخاصة ،
نجيو للقراية: كاش نيفو راك تشوفو في الجامعة ؟ علاش الاساتذة راهم يقريو؟
اسمحلي حنا رانا نقراو على الديبلوم ماشي عالعلم
تعيا تقرا و تجبد و امبعد تلقا الاستاذ معوج
و على هادي لي راني نقول خليونا نقراو ، كاين ناس لي تحب تقرا و تمد اكثر لوكان تكون في ظروف احسن و لوكان تلقى لي يعاونها ماشي لي يفسد عليها
عجبتني تع التكوين المهني نستعرف بيك
اسمحلي النيفو حبط بزاف في الجامعة
شكرا لك على المداخلة القوية و اسمحلي ادا كان كاش نقطة مارديتش عليها
