- إنضم
- 30 أفريل 2009
- المشاركات
- 2,298
- نقاط التفاعل
- 164
- النقاط
- 79
عفي الله عن غدر الخناجر والضلوع أبطال
بسامح وأتركك تحت الظلام الحالك لحالك
د خيلك وفر دموعك ترى هدر الدموع اذ لال
وترى ما فيه احد يصبر مثل صبري بغربالك
أنا عيب علىّ انقض كلامي والرجال أفعال
وإذا قلت اقطع حبالك تراني بأ قطع حبالك
عشان أكسب هدب عينك تجرعت العذاب أشكال
وليتك ترأف بحالي عشان ارأف بحالك
مسوي في حياتي شي ما ينذكر ولا ينقال
حشا حتى العدو وهو العدو ما يعمل أعمالك
تمسيني على الهم وتصبحني على الغربال
تجرعني فنا جيلك وتقصر عني دلالك
تحملت التعب لأجلك وأنا حملي يهد جبال
رحلت من العذاب وما وقفت إلا على جا لك
علا مك كلما أجيك متواضع جيتني تختال
معا ك أليا متى بأ صبر وصبري معك يحلا لك
مثل ما اقبلت لعيونك لزوم ترد لي بإقبال
ومثل ما قد حشمتك حس وأحشم قلبي أشوا لك
أنا ما احد جا برني أساير معك ها لمنوال
ترى لاني تبيع لك ولا ني بأصغر عيالك
أنا جيت أعشقك نبض ومشاعر ماأعشقك تمثال
أنا جيت أسكنك وأحياك وأبقى فيك وأبقى لك
أنا جيت أظم عاشق تعب يطرد سراب اللا ل
أنا جيت استفز رضاك من فرقاك والجا لك
أن ما همت بك عاقل إنا كنت أعشقك بخبال
أنا ما كنت احبك حي أنا كنت أعشقك هالك
تخيل من كثر ما خاف تلقى للز عل مد خال
أخاف أخطي على طيفك و ادوس برجلي ظلالك
تبعتك والعرب تتبع رعود البارق الهمال
وصرت أقرب جسد يمشي معك بإقفال وإقبالك
أبي قلبك يحس انه فقد بمحبته رجال
ملكته من هدب عين وخسرت أرضاه بإهمالك
صحيح إن الفراق أقسى ولكن الوصال محال
وأنا صعب على ارضي غرورك واضعف قبا لك
بعد ماحققت عيني في بعدك للرقاد أمال
أعود للسهر.... يااخوي فال الله ولا فالك
ببدل نظرتك فيني وأجي لك كل يوم بحال
باكون اقرب من ثيابك عليك ولا اتهيا لك
بالمك وأنثرك وأجمعك وارجع أنثرك بإهمال
بأخونك وازعلك وأرضيك وأزعل منك وارضي لك
أبا ارسم بالثرى وجهك وأبا ادفن صورتك برمال
أبا اشكي للعرب فرقاك واضحك عند عذا لك
أبا أهديك الوصال فراق وأهديك الفراق وصال
با سوي مثل ما اشوفك تسوى وافعل أفعالك
عشان تعرف من فينا الزعول ومن و سيع البال
أبيك تذوق فنجالي وانأ بالذوق فنجالك
نصيحة واحتفظ فيها قصر معك الزمن او طال
أبي تسمع كلامي زين وتحطه على بالك
إذا حبك هبال أطفال لك عندي هبال أطفال
ولا وابشر بعد بهبال حب ماهو هبالك
وإذا قصدك تهين اسمي عشان تشمت العذ ال
حشا لا انته ولا غيرك ولا عشره من أشكالك
