يعرفونا غير في وقت صلاحهم !

[** غزال الصحراء **]

السلام عليكم خوتي واش راكم ؟

إن شاء الله بألف خيــ ــــ ــــر

كيما قريتو في العنوان اليوم راني جاي نحكي على هاذوك الناس

اللي يجونا غير كي يولو يحتاجونا , و الله واحد الناس

راني موجوع منهم بزاف مي ما نحبش نفلق في الوجه //

نديرلهم حسابهم و ندير حساب قدري

جامي يسقسي عليك , و كي يولي عندو فيك صلاح

اللي تتلاقاه في الطريق يقولك راه يحوس عليك فلان ... جامي عيطلك في التيليفون

و كي يولي يحتاجك تلقى 100000 أpال أونابسونس

جامي جاك لدار و كي يولي مخصوص يجي يريب عليك الباب

بلا حشمة لا والو يجيك بجهو صحيح ...

عادي يضربهالك بإبتسامة قد الgاراج كلي يحبك و لا عفسة !!

---------------

و الله أنا نحشم واحد بالاك نحس بروحي مقصر

من جيهتو ما نروحلوش في وقت صلاحي

لي ما عرفتوش في وقت الهناء لواش نعرفو في وقت الشدة ..

صح اللي راني معاه صافي و صاحبي و متفكرو ديما و متفكرني هو ثاني

معليش نوقف معاه و يوقف معايا

و ما غلطش اللي قال ( الصديق في وقت الضيق )

راني بلعاني درت سطر تحت كلمة الصديق

يعني إذا ما كنتش أنا أصلا صديق ليك علاش تجيني في وقت الضيق ؟

علاش تضحكلي غير كي تولي تحتاجني ؟

مي الله غالب حنا قلوبنا بيوضة و ما نردو حتى واحد

ما علاباليش كي شغل حشمة و لا بالاك هاكا والدينا رباونا

ايه رانا بير بلا غطى اللي جا يشرب منو مي قليل لي يستاهل حتى يفوت من حذاه

و المشكلة الvيس هاذا لحقنا هنايا للمة , ناس جامي يسقسو علينا

و كي تولي في صلاحهم يجوك يجرو ديرنا هاذي و هاذي

جامي يتفكروك حتى و لاكان برسالة خاصة و كي يسحقوك يبداو

ريقلنا هاذي ,,,, ديرلنا هاذي ,,,, يعيشك هاذي ,,,,

الواحد قبل ما يدير يليق يفكر , قبل ما يتصرف يدور الموقف في راصو

و خاصة يحافظ على ماء و جهو و ما يخليش الناس يربحو فيه نضرة العيب

و اللي جايح او جايح و الصغير ما نعرفوش

مي معليش الدنيا بلوجوه و لاخرة بلفعال

بالسلام أختم الكــ ـــــ ــلام
​

 

[جزائرية حتى الموت]

السلام عليكم ورحمة الله تعالى وبركاته

والله كل اللي قلته يااخي غزال الصحراء

وللاسف صح 100%

هادوا هوما الناس

كل واحد نتاع صوالحه

ما بقاتش غير في هادي

مين يدي واش يحب من عندك

يلقاك في طريق ولا حتى سلام

الله يهدينا

موضوع مميز

تحياااااااااااتي

 

[simouka]

السلام عليكم

و الله غير قلت الصح
و هاذ الناس منهم بزاف ... و لا بلاك انا نتلاقا معاهم بزاف :confused1:
الناس ولات غير على مصلحتها تحوس
باش يقضي حوايجه لوكان يجبر يسلم حاشا قدركم على فم الكلب

نهار لي تكون في ليستا تاع لي يحتاجهم راك حبيبه و صاحبه
و نهار لي ما عنده ما يدير بيك السلام و يسترخسها فيك

كي تشوف كيما هاك تكره النهار لي عرفت فيه انسان كيما هاك

ربي يجيب الخير
​

 

[هــــيلدا]

واش نقولك هشامو
أولا وشراك شويا
عندي بزاف متلاقيتكش هنا في اللمة
واش رحلت hmy: :angel_not:

نوليو للموضوع
هادو الناس والله ميحشمو
كيما راك تقول ميسمعش بيك خلاص
هي تطيح بيه يجي بلا حشمة لا والو
يقصد وكي ميلقاش يغيضو الحال وتولي ماكش مليح
وكي يدي واش حب يشوفك يبدل الطريق
مفهمتش انا الناس هادو كيفاش مخدومين
وعلاه البخص يوصل بيهم لهاد الدرجة

يقولك الصديق لوقت الضيق
بصح ميديركش صديق كي تطيح بيه تولي نتا حبيبو ونتا هو الكل في الكل
حتا تولي تحشم ومتقدرش تردو...
يزيدو عليك هاد الناس

ربي يهدي.....
​

 

[SaMi_o7]

تحت شعآر { المصالح }

يا خويا كيما دنيا وجوه و لاخرة فعايل
​

 

[~ مستشـآرهـ طـرزآنـ ~]

وعليكم السلام يالغزال
كلامك صحيح 100%...للأسف ولاو غير هوما فالوقت هذا
ماغلطش اللي قال..*الدنيا بالوجوه والآخرة بالفعايل*
مشكووووور على الطرح المميز
تحياااااتي​

 

[** غزال الصحراء **]

السلام عليكم ورحمة الله تعالى وبركاته

والله كل اللي قلته يااخي غزال الصحراء

وللاسف صح 100%

هادوا هوما الناس

كل واحد نتاع صوالحه

ما بقاتش غير في هادي

مين يدي واش يحب من عندك

يلقاك في طريق ولا حتى سلام

الله يهدينا

موضوع مميز

تحياااااااااااتي

و الله هاذي هي بالذات , و فكرتيني في جانب واحد أوخر كي قلتي

( يلقاك في الطريق و لا حتى السلام ) و هو حتى بعد ما دير فيه الخير

يرجع كيما قبل يعني ما كفاهش عفس على نيفو ( إذا كن عندو أصلا )

و جاك مالgري راه مقصر معاك

و زاد بعد ما درت في فيه الخير و ما رديتوش

يولي كيما بكري يعني ما يعرفك ما تعرفو //

مرسي عليك نورتي الموضوع و صبغتيه حمر و خضر .
​

 

[أميرة الحكم]

اعتقد خويا غزال الصحراء
انو هذي الدنيا و هذي صفاتها
و هاذم ناسها ..اللي يمشو غير بالصوالح و المصالح


و كيما قلت خويا انهم حتى في اللمة لحقونا
يخي تقول الحكمه :
"" تزول الجبال و لا تزول الطبائع ""

و اللي فيه حاجه ما تتنحى واش راح نديرو

غير نطلبولهم الهدايه

 

[** غزال الصحراء **]

تحت شعآر { المصالح }

يا خويا كيما دنيا وجوه و لاخرة فعايل
​

و الله صح , المصالح فوق الجميع

شكرا على المرور خويا سامي //
​

 

[fufa22]

والله واش راح نقولك مليح ليهم غير لي وجهو قزديرة يبخصهم في البلاصة
قولو يا خويا نتا عام كامل ما تعرفنيش تجيني ليوم باش نقضيلك صلاح
ربي يهدي ولا يدي​

 

[**@sami@**]

عندك الحق أخي غزال، رانا عايشين في مجتمع غير لي يجي يقضي صوالحو و يروح، حتى كلمة يعطيك الصحة ما يقولهاش، مي كيما نتا قلت احنا قلوبنا بيض، دير الخير تلقى الخير، الله يهديهم.

 

[** غزال الصحراء **]

اعتقد خويا غزال الصحراء
انو هذي الدنيا و هذي صفاتها
و هاذم ناسها ..اللي يمشو غير بالصوالح و المصالح


و كيما قلت خويا انهم حتى في اللمة لحقونا
يخي تقول الحكمه :
"" تزول الجبال و لا تزول الطبائع ""

و اللي فيه حاجه ما تتنحى واش راح نديرو

غير نطلبولهم الهدايه

و الله هاذاك هو ( تزول الجبال و لا تزول الطبائع )

يعني اللي والف بحاجة يموت عليها مي و الله لا عيب الشي هاذا

كي يجيني واحد من هاذو و الله أنا نحشم في بلاصتو //

مرسي على المرور منورة الموضوع .
​

 

[** غزال الصحراء **]

وعليكم السلام يالغزال
كلامك صحيح 100%...للأسف ولاو غير هوما فالوقت هذا
ماغلطش اللي قال..*الدنيا بالوجوه والآخرة بالفعايل*
مشكووووور على الطرح المميز
تحياااااتي​

و الله هاذي هي و راني قلتها في اخر الموضوع اي وي الدنيا بلوجوه

شكرا على المرور العطر نوال //
​

 

[** غزال الصحراء **]

عندك الحق أخي غزال، رانا عايشين في مجتمع غير لي يجي يقضي صوالحو و يروح، حتى كلمة يعطيك الصحة ما يقولهاش، مي كيما نتا قلت احنا قلوبنا بيض، دير الخير تلقى الخير، الله يهديهم.

و الله هاذي هي خويا و سبحان الله كي شغل فطرة في الإنسان

أي واحد يقصدك في شي حاجة تفرح بيه و تلبيهالو //

شكرا على المرور أخي الكريم .
​

 

[~ مستشـآرهـ طـرزآنـ ~]

و الله هاذي هي و راني قلتها في اخر الموضوع اي وي الدنيا بلوجوه ​

شكرا على المرور العطر نوال //​

بلا مزية خويا
مي شكون نوال..؟؟ :confused1:..انا ماشي نوال....واسمي سارة
ههههههههههههههه​

 

[** غزال الصحراء **]

والله واش راح نقولك مليح ليهم غير لي وجهو قزديرة يبخصهم في البلاصة
قولو يا خويا نتا عام كامل ما تعرفنيش تجيني ليوم باش نقضيلك صلاح
ربي يهدي ولا يدي​

المشكل منين يجينا وجه القزديرة

مي و الله يليقنا واحد سوكور سيرتو مع ال2010 الناس صادمتها صحا صحا

و ماليهم غير التفلاg في الوجه

مرسي عليك خويا .
​

 

[** غزال الصحراء **]

بلا مزية خويا
مي شكون نوال..؟؟ :confused1:..انا ماشي نوال....واسمي سارة
ههههههههههههههه​

يا بويااا خييي :cursing:

هاذيك أفراح الجزائر هي لي نوال و الله تلفتيهالي :

أولا إسمك يتشبهلها

ثانيا في زوج تكتبو بالروز ^^

معليش راكي رابحتني 1-0 سارة في الدوزيام إيطو إن شاء الله نعدل //
​

 

[** غزال الصحراء **]

السلام عليكم

و الله غير قلت الصح
و هاذ الناس منهم بزاف ... و لا بلاك انا نتلاقا معاهم بزاف :confused1:
الناس ولات غير على مصلحتها تحوس
باش يقضي حوايجه لوكان يجبر يسلم حاشا قدركم على فم الكلب

نهار لي تكون في ليستا تاع لي يحتاجهم راك حبيبه و صاحبه
و نهار لي ما عنده ما يدير بيك السلام و يسترخسها فيك

كي تشوف كيما هاك تكره النهار لي عرفت فيه انسان كيما هاك

ربي يجيب الخير
​

و عليكم السلام

و الله كلامك جواهر ,, يديرو كلش على جال صوالحهم ما يهمهم لا نيف لا حشمة

ما يقولوش يدو علينا نضرة مش مليحة لا لا , المصالح فوق كل شيء

مي تبانلهم هاذو الناس تخلاص عليهم mal , و ربي يكون الخير و خلاص

مرسي على المرور العطر .
​

 

[N@riM@N]

جيت ع الجرح خويا غزال الصحراء
هاد الناس شحال قاسوني تلقاهم لعام كامل صباح لخير متشمهاش من عندهم
بصح في وقت الصلااح تلقاهم يتلونو بgــــاع الالوان
باه يدو صلاحهم واش نقلك عقليه000رخيسه
​

 

[BOUSS]

دير الخير وانساه كي تتفكرو تلقاه وسع خاظرك يا اخي الدنيا هذي كيما قالو يا لي شاري دالة ولي جاك علي صلاحو في ساعة الظيق راة طيح من قيمتو او زاد في شانك مانيش علي الصاحب مع الف خير