اليوم راح نحكيلكم حكاية ماشى مقتبسة و لا من فيلم
هاذى حكاية صرات لولد عمى لى راه يسكن فى ولاية سوق أهراس
ماذا بيكم تقراو لحكاية للقطرة لخرة و انتوما احكمو على العنوان تاع الموضوع من بعد
هذا وليد عمى راه طلق مرتو عندها وحد الـ 4 شهر هكذاك
علاش طلق مرتو ؟
هذا ولد عمى كان بكرى صوفة طايرة
آيا كيف عدل روحو و رجعلو شاهد لعقل
قال باباه نزوجوه كيف سقم روحو
المهم شافولو زوجة قالو عليها عاقلة و ناس ملاح
و ما تهش ما تنش ما تسمعلها صوت عالى
آيا تزوج على بركة الله و فوتو عرس مليح
و كلش فات على أحسن ما يرام
آيا من بعد الزوجة تاع ولد عمى هاذى
كل مرة تروح عند الحفافة :biggrin:
ايه تروح عند الحفافة تجبد شعرها
مرة زوج تلاثة عشرة "لمرا" هاذى واش بيها ؟
آيا هدر معاها ولد عمى قاللها راكى كترتى من الحفافة
و أنا رانى عاقل بزاف معاك ، مالا افهمى روحك و نقصى شوية من الحفافة هاذى
جاوبتو هي قاتلو ( أنا لازم نروحو للحفافة ، غير الحفافة لى ما تقوليش عليها لا :scared: )
ايه مالا ولد عمى رفد روحو و راح لأمها هدر معاها
حكمتها أمها غسلتها و بهدلتها و هدرت معاها
بصح كيف كيف ما كاين والو
تقول تهدر مع حيط
مالا ولد عمى قاللها انتى تحبينى نرجع كيف بكرى ما كانش مشكل
آيا حكمها زرقلها عينيها و عطاها طريحة تاع الموت
بصح نافع ربى سبحانه ، مازالت تروح للحفافة :cursing:
آيا مالا ولد عمى خذا القرار النهائى و قال كل واحد يروح فى طريقو و يشوف مخروجو
راح للمحكمة رفع عليها قضية طلاق
مالا جاو لحباب و صحابو ، و قالولو ياولدى
زيد خمم مليح ، ان أبغض الحلال عند الله الطلاق
آيا مالا قاللهم خلاص درك نسحب دعوة الطلاق
بصح بشرط هي تعدل روحها ، قالولو أوكى
مالا عيطلها فى التيليفون و قاللها خلاص أرواحى للمحكمة
راكم علابالكم الاجراءات و ما نعرف واشى
المهم خلاص سحب الدعوة و راهم مروحين للدار
آيا فى الطريق قاتلو نطلب منك حاجة صغيرة برك
قاللها اطلبى :biggrin:
قاتلو نفوتو على الحفافة برك 5 دقايق راها فى طريقنا
hmy:المهم بعد هذا السيد راح فى طريقو و هي فى طرقها
و المكتوب خلاص على جال الزوجة هابلة على الحفافة
هيا قولولى درك وين راح نلقى زوجة
تطاوع و تاخد الراي ، و ما تشركش فمها
وين راح نلقى زوجة لى تخمم على دارها و آخر همها الحفافة
قولولى انتوما بالك حنا الرجال لى غالطين فى المعاملة معاكم
على بالى أول حاجة رايحين يقولوها لبنات
هي ماشى النساء كل كيف بعضهم
بصح انا نقول الأغلبية تاع نساء Dz يخممو كيف بعظهم
اللهم أرزقنا بالزوجة الصالحة
قولو آمين
و السلام عليكم و رحمة الله تعالى و بركاته
