قولو لي واش لازم ندير

[mimira92]

السلام عليكم و رحمة الله و بركاته
حبيت نفرغلكم قلبي و نتمنى نلقى عندكم الحل انا طفلة عندي 17 سنة كي نخمم معا روحي ندل نقول لازم نشيان لازم نشيان لاخطرش عندي زيادة في الوزن لاخطرش نشرب واحد دواء تع الصرع و هاد دوا يسمن و تانيك عندي مرض السكر تع الانسولين كيما سييت ما قدرتش نشاين دونك يغدني الحال سيرتو كي نقارن مع خواتاتي و بنات كلاستي و نشوفهم قع رقاق .
و حبيت نقولكم عاونوني كيفاش ندير باش نحي لحشمة لاخطرش نحشم بزافgrave معلابليش علاشو نا مشاي اجتماعية بزاف و حبيت نتعلم الهدرة هاديك لي ترجعك محبوبة عند الناس كامل و واش قولتلكم قاع ينقص الثقة في روحي و يوجعني بزاف في قلبي ونشا اله نلقى الحل عندكم

 

[nermina]

عيشي نورمال
ما تعمريشراسك بواش يقولو الناس
كوني بسيطة قلبك صافي نيتك مليحة تكوني مليحة
حبي الناس يحبوس
ديري في بالك بلي كلش مقدر من عند ربي
و انشاء الله تتجاوزي الأزمة ديالك
تحياتي

 

[ايمان 02]

يا ختي لازم ترضاي على نفسك وتتقبليها كيما راهي وما تعمريش راسك بالناس وحاولي تكسبي محبة الاصدقاء رايحين ينقصوا عليك بزاف صوالح ويخلوك دايمن فرحانة
​

 

[fatima 87]

ختي العزيزه متقلقي روحك ماولوا عيشكــ حياتكــ كيما راهي تصرفي ع طبيعتكـ متحوسيش علي هدرت الناس <<علي خاطر ماراح تزيد ماراح تنقص
وباش تكسبي حب الناس ليكـ كون انسانه بشوشه ظريفة تحترمـ من هم اكبر منها تعطف ع الصغير
وباش تروحلك الحشمه حولي انكــ تدخل شويه بشويه في نقاشات ومحدثات مع ناس جدد او زملاء لكـ

 

[aMiNa-K]

السلام عليكم اختي

يا اختي ديري حاجة في بالك .. لا اعتراض على حكم الله
و كما راهو يقول الاخ اللي قبلي "صوت الحق"

المرض إبتلاء من الله سبحانه وتعالى وهو جل وعلا لا يبتلي إلا العبد الذي يحبه يعني أنت يحبك ربي ورايح يجازيك على ما ابتلاك به،


راهو قال هدرة شابة .. ربي كي يحب عبدو يبتليه

ماتديري والو في بالك .. اتصرفي على طبيعتك و تشوفي كيفاش لسانك ينطلق وحدو و تولي تهدري هدرة شابة .. ديري رياضة تشياني شوية و تولي تهبلي اكترمن اللي راكي تهبلي دوكا :001_wub:

​

 

[narimane]

ماتعمريش راسك بهاد الشي
لازم تتقبلي نفسك باش يتقبلوك الناس كوني على طبيعتك
و عيشي حياتك ولي ما حبكش ماعندك ما ديري بيه​

 

[ssamia14]

شا نقول خيتي ديري في بالك حاجة برك ربي خلق وفرق ماخلقش قاع الناس كيف كيف اسيدي انتي سمينة وقاع نورمال وين راه المشكل ادا ربي ماعطالكش لاطاي سير عطاهالك في حاجة وحداخرا خيتي غي ماتعمريش راسك نورمال عيشي كما عايشة الناس وخلاص

 

[messikimo]

ربي يشافيـــــــــــــــــــــــــــــــــــــــــــــــــك​

 

[farouk1983]

شوفي نقولك يا اختي ، هذي هي الدنيا واحد خلقو ربي سمين واحد ضعيف سكولات واحد زين واحد باشع ماتجيش يخلقنا كامل كيف كيف والسمانة ماشي عيب نورمال انا راني ضعيف مالا انا ثاني نحشم وننعزل على الناس ؟ اقفي وانفضي الغبار ويزيك من الأفكار هذو ابني حياتك وديري هدف فيها باش تحققيه مايدوم غير الصح ..تحياتي

 

[oussama_ess1]

ختي ماديريش على الناس خطراكش قالوها" ارضاء الناس غاية لاتدرك"
وكي نوليو كامل نديرو على هدرة الناس رانا كامل نروحو فيها
يمالا خليك من هاذ التفاهات وانساي هاذ الافكار لي ماراهيش رايحة تنعفك خلاص ورايحة غير تزيد عليك.

 

[Elif DZ]

أختي المظهر ليس كل شيء
المهمـ هو الروح
فما فائدة المظهر و يكون الداخل كالمزبلة ( حآآآآآآشاكـ و حاشآآآ القآآرئين )
​

 

[chouchita]

** اختي لعزيزة عيشي حياتك نورمال و ما ديري والو في بالك و كوني دات شخصية قوية ما ياتر فيك والو لا صحاباتك لا خواتاتك
و ربي يكون معاك​

 

[نسمة حب]

حنونة متعمريش راسك
ديما قولي في قلبك بلي راكي مليحة وكوني واثقة من روحك وراح الكل يشوفك مليحة لانو الجمال جمال الروح

ربي يشفيك حبيبتي

 

[هند تلمسان]

اولا ربي يشفيك من كل مرض ويبعد عنك كل سوء

اختي السمنة ليست مشكلة لازم تكوني واثقة من نفسك واصلا حتى ولو انت سمينة وين المشكل كيما نقولو "الزين زين الافعال"

واذا حبيتي الناس يشوفوك في القمة لازم انت تشوفي روحك فالقمة

وبطبيعة الحال انت احسن كما خلقك الله سبحانه وتعالى واحمدي الله عسا ان يجعل لك مخرجا من حيث لا تعلمين

اتمنى ان تثقي بنفسك وبجمال خلقك وخلقك

 

[mimou1940]

شوفي اختي لازم تكون عندك الثقة في روحك
وماتعمريش كامل راسك بهدرة الناس ربي قدرنا وكتبنا كيفاه نعيشو
انا ماعلابالي بحتى واحد وربي يجيبلك الشفا انشاء الله ودري ربي في قلبك وصفي نيتك
نعيشي نورمال الغاشي انتاعنا الا بدينا نتبعو فيه كامل ماناش رايحين نعيشو

 

[mimira92]

شكرا لكم الاخوة الأعزاء هذا الموضوع عندي كتر من عام ملي كتبتو ونسيتو بصح دوكا راني لقيتو و الحمد لله بارك الله فيكم اخوتي و ربي يعطيكوم ما تتمناو و شكرا مرة اخرى

 

[═♥.ЈŪšť_ màn.♥═]

ْْْْ
اولا كوني على طبيعتكــ
تانيا ابقي على طبيعتكــ
ثالتا دئما على طبيعتكــ

و الي يحبكــ يحبكــ بلي فيكي
ياكــ​

 

[TeNtOuNa]

اختي ما تحشميش بروحك ما يحشمك حتى واحد
في هذا الوقت ماشي غير لازم يكون وجهك مقصدر لازم يكون مطلي بالميطال ويا ربي
​

 

[ISMA.dz]

السلام عليكم

حبيبتي قبل ماتنحي عقدة النقص مع الناس نحيها مع نفسك

ارضاي بواش اعطاك الله وتقبلي وضعك كيما راه وتعايشي معاه عمرك ماتيأسي هذا ابتلاء من عند المولى عز وجل

كوني قوية من الداخل وماتحصريش روحك في حلقة لوحدك

عيشي واستمتعي بالحياة اللي وهبهالك مولاك

ربي يشفيك ويشفي كل المومنين والمومنات

سلامي ليك​

 

[براءة مسروقة]

واش نقولك الحياة قصيرة وبسيطة كونى طبيعة عادى وحنا كامل عنا مشاكل وساعات نوصلو للياس مى ربي كبيييييييييييييييييييييييييير قولى الحمد الله