choufou m3aya hal .......

[yaki]

salam 3alikome khawti ana wahda jdida m3akom ida ta9ablouni
ana jite bah nfaraghe chta kayen fi galbi
mais ntouma goulouli wache ndire ana na9ra 3adi fi l école ou ana konte metalamide elmkhayrine fel l classa mais doke tebedel kolchi ou chyoukha taw3i raj3ou yekarhouni ou walawe ydirouli machekil ou ana sna 3andi bac masobtche ki fache ndire ou dorke walat 3andi 3okda nafssiya 3la jale wache darou fiya chyoukha ma3raftche kifache ndire bah nwali kima konte 3awnouni rabi yahfedkome

 

[aMiNa-K]

السلام عليكم

اختي انا جوزت الباك ديجا .. و علاجال لي بروف تاع الهم راحلي مرة الباك
لي بروف راهم يديرو هكدا علجال الاضراب مافراوهاش و تراكمت عليهم الدروس .. و يزيدو يشنفو على التلاميد

نصيحة من مجربة .. غير اخطيك منهم و ماتديريش عليهم .. للي يحب يجيب الباك يقرا .. احكمي الدروس دياولك و اقراي و ادا تقدري تقراي مع جماعة صحاباتك غير ماتراطيش
مابقالكمش عالباك في 6 جوان ان شاء الله .. الوزير مادارش حساب الاضراب كامل .. و رايحين تجوزو نورمال كي شغل قريتو العام كامل

انت ديري اللي عليك .. اقراي و الباقي على ربي سبحانو

​

 

[أية2009]

شوفي يا ختي انا جوزت الباك ديجا والحمد الله جبتو بمونسيون
كانو قاع الشيوخة يحبوني وكنت نقرى مليح بصح الشيخة نتاع لونقلي كانت تكرهني وكي نهدر ولا نجاوب تتشنف امالا وليت نكرررررررررررررررره لونجلي ملغري كنت نحبها خرمن الفرنسي وكنت ندي فيها مليح ملقبل بصح كي ولات تقرينا وليت منديش مليح بصح قلت بلي الصح في الباك ولازم نقرى وننجح على خاطرش هي ماي خاسرة والو
وهو كذا كان جوزت الباك وربحتو وكي رحت ندي البيلتان نتاع الباك جات زعما ليا انا مقيمتهاش كامل رحت وخليتها
امالا اختي قراي قرايتك والصح في الباك
ربي ينجحك

 

[ايمان 02]

يا ختي ونتي علاش تغيرتي شوفوا الاسباب لي خلاتك تتبدلي وما تتهلايش في قرايتك بلاك من الصحبة والشيوخة ما يكرهوكش بالعكس راهم زعفانين منك كي ماكيش متهلية في قررايتك حاولي ترجعي كيما كنتي ورايحة تتبدل طريقتهم اكيد
​

 

[MARIA_4algeria]

لازم تعرفي السبب لي جعلهم يكرهوك
ولاتهتمي بيهم اقراي وخلاص خاصة كي عاد عندك الباك
​

 

[sofia10]

بسمة انا نجاوبك ونقولك واش ديري
قسسوهم في التقيل لانهم ما يستاهلوش باه تخمي فيهم قاع وحدة كيما كاسيلدا ولا زمبيلا ندعو ربي يهديهم و خلاص........

 

[AnGeL*dZ]

انتي تقراي لروحك مش ليهم
اخطيك من هدرنهم
ديري كل جهدك على خاطر الباك قرب
ودي الباك في لغنان تاعهم

 

[louna91]

يا ختي انت ديري لي عليك خمي غير في قرايتك و في الباك تاعك وما ديريش عليهم خاطش الباك قرب و هو حاجة ساهلة بزاف غير تنحي من بالك الخوف برك و تشوفي بلي مكان والو تقدري تجيبيه و بمونسيو قع اوكي ختي.خاطر انا جوزتو العم اللي فات و الحمد لله ربي وفقني