**لعبة الامثلة والتعريف بها الفاهم يدخل **

[وجدان القلب]

السلام عليكم
جبت عدة امثلة جزائرية نتاع زمان

والمنتدى يدخلولو بزاف من العرب مايفهموهمش مليح

احنا نخيرو المثال اللي يعجبنا ونشرحوه هكا نتفكروهم

ونزيدو نعرفو بيهم للناس

*****************
أخدم باطل ولا تقعد عاطل.
****************
*الحمار حماري و أنا راكب من اللور ( الخلف )
********************************
*الزعاف يخرج السر.
*********************
*الفم المزموم ما يدخله الذبان.
****************************
*اقصد الدار الكبيرة لا ماتعشيتش تبات دافي.
**************************
* الجار قبل الدار.
*************************
*كم من قبة تنزار ومولاها في النار.
******************************
**عام يكثر التبن يكثر اللبن.
********************************
*الكبش ينباع بجزته.
**************************
*الي ماهوليك يعييك.
*********************
*حماري ولاعود الناس.
*************************
*قد ماتكبر العين الحاجب فوقها.
******************************
ماناكل البصل ما نحصل.

**********************************
حج وزاير بير زمزم و جاء للبلاء يتحزم.
****************************
*ياكل من الشجرة ويقطع عروقها.
***************************
**واش من مرقة حرقت شواربك.
************************
*ازرع ينبت.
*****************************
*خرج من الحبس طاح في بابه.
*********************************
*اقلع راس تزول الخصومه.
*************************
*الجرب حكاك و الخائن شكاك.
******************************
*صاحبك هو جيبك.
*****************************
*لي يتبع الاولاد داه الواد.
****************************
*هو في الموت وعينيه في الحوت.
*******************************
*دعوة زوج ولا دعوة عجوز.
*********************************
*الذهت يغير المذهب.
************************************
*يفنى مال الجدين و تبقى حرفة اليدين.
************************************
*فوت على الواد الهايج وماتفوتش على الواد الساكت.
************************************
*لقاه راكب خشبة قالو مبروك العود (الحصان) .
*********************************
*لي فيه طبة ماتتخبه.
*****************************
*انا نوصيك ياسعيد و انت في العمى تزيد.
********************************
*في النهار تطوف و في الليل تنسج الصوف.
********************************
*يعرف الاوقات كي الفروج وما يصليش.
*************************************
**هم العرس ولاهم الضرس.
*********************************
*دير كيما دار جارك و لا بدل باب دارك.
**********************************
*بيضة اليوم و لا جاجة غدوة.
*********************************
*اهدر على السبع يهدف.
********************************
*اتهلاي يا عصاتي على كساتي
*****************************

 

[زهرة العرب]

*الفم المزموم ما يدخله الذبان.
يعني الذي لا يتكلم كثيرا لا تأتيه المشاكل كثيرا لأن اللسان سبب كثير منها
شكرا على الفكرة الحلوة
دمت بخير ..... تقبلوا مروري

 

[وجدان القلب]

*الفم المزموم ما يدخله الذبان.
يعني الذي لا يتكلم كثيرا لا تأتيه المشاكل كثيرا لأن اللسان سبب كثير منها
شكرا على الفكرة الحلوة
دمت بخير ..... تقبلوا مروري

ميرسي حنونة على المرور

 

[بسومة المنتدى]

*قد ماتكبر العين الحاجب فوقها.
هاد المثل يعبر عن حالة الجزائر و مصر......و الفاهم يفهم..
​

 

[MAN1850]

*ياكل من الشجرة ويقطع عروقها.

خلي البير بغطاه مكلاه نشرح الحكمة
/ الحكمة لا تخرج الا من افواه الحكماء :glare: /
​

 

[assia90]

* الجار قبل الدار.
و تعني ان الجار له قيمة كبيرة يجب اختيار الجيران قبل المنزل​

 

[اماني12]

*الي ماهوليك يعييك.

يعني الي مش من مكتوبك . غير خليه . مهما تعمل ما هوش ليك
​

 

[اسماء16]

*ياكل من الشجرة ويقطع عروقها

معنها راه معاك مليح ويحبك او موراااك يقطع فيك
شكراااااا على الامثال الرائعة تحياتي اسماء​

 

[وجدان القلب]

*الفم المزموم ما يدخله الذبان.
يعني الذي لا يتكلم كثيرا لا تأتيه المشاكل كثيرا لأن اللسان سبب كثير منها
شكرا على الفكرة الحلوة
دمت بخير ..... تقبلوا مروري

المرور زاد الصفحة نورااا