يا ربي راني رايحة نهبل ولا نسويسيدي ....قولولي واش ندير ؟؟؟؟؟ ‏

[لؤلؤة وهران]

السلام عليكم يا اعضاء ​

انشاء الله تكونو بخير ​

انا عندي مشكل كبييييييييييييييييييييير بزاف و الله مرني عارفة واش ندير ​

قلت نكتبلكم و نتوما تعطوني رايكم ​

المشكل نتاعي معا يما و بابا دايمن كاين المشاكل في الدار ​

و الله ميتفاهمو ملي كنت صغيرة ​

و يما كرهتني في بابا و عايلتو من صغري و تقلي باباك مشي مليح و تقولي ملزمش تحبيه ​

و انا بابا و الله ميديرلي حتى حاجة تزعفني و دايمن يديرلي واش نحب على خاطر انا بنتو الوحيدة​

و كي نهدرو على حاجة و نقول لبابا عندك الصح هداك النهار تنوض القيامة في الدار ​

يما تغضب عليا و تدعي عليا و تدير فيا المنكر ​

و درك راهم حبين يطلقو يسناو فييا نفوت الباك برك ​

بابا يقولي تجي معايا نخلصلك قرايتك في الجامعة و لوكان تروحي معا يماك منمدلك والو ​

و يما تقولي لوكن تروحي معا باباك راني نغضب عليك دنيا و اخرة ​

و يما معندهاش منين تصرف عليا ​

و انا مانيش حابة نبطل قرايتي على خاطر نقرى مليح و بانيا عليها مستقبلي و مانيش حابة نغضبهم ​

و الله لزوج عزاز عليا ​

و الله مرني نزيد من عندي ​

قلولي يا ناس واش ندير حنهبل و موليتش نقدر نركز في قرايتي و الباك راه قريب ؟؟؟؟؟ ​

 

[Elif DZ]

أختي صلي استخارة و انظري ماهو الصلح لكـ أختاه
و الأهم أن تتمسكي بإيمانكـ بالله تعالى و مكتوب الله لا هرب منه
أرجوا أن يفرج الله كربك
​

 

[ISMA.dz]

السلام عليكم حنونة والله مشكل أختي مي لازملو شوية تمخميخ برك تعرفي وين تحطي رجليك
ويماك غلطت كي كرهاتك في باباك وماحقهاش وانتي مادام تعرف باباك يحبك لازم نتي تان تحبيه ويماك تحبك خاطر تغير عليك من باباك وتحبك تكوني ليها
انتي مادام والديك يحبوك جربي تكوني وسيطة بيناتهم وقوليلهم بلي انا مانعيش مع حتى واحد فيكم بعيدة على الطرف لوخر حاولي تحببيهم في بعضهم والله وصفة كجربة من عند صديقاتي راهم الحمد لله انتي في يدك مفتاح الحل لازم تكوني قوية وتواجهي الموقف
ربي معاك والتهاي في قرايتك ربي ينجحك حنونة ويبعد عليك الهم

 

[wahid47]

اختي الكريمة موضوعك صعيب لكن ننصح اختي ماديريش غلطة اكبر من لي حبو يديروها ونتمنى من كل قلبي مايديروهاش والديك يحبوك في زوج والدليل كل واحد منهم ماحبش يستغنى عليك نشالله ربي يجيب الخير
وأكثري من الدعاء
​

 

[aMiNa-K]

اختي اله يكون في عونك

سيي تدخلي اطراف من العايلة بالاك يقدرو يصلحو بيناتهم و يشوفولك حل معاهم

ربي يفرج عليك​

 

[لؤلؤة وهران]

السلام عليكم حنونة والله مشكل أختي مي لازملو شوية تمخميخ برك تعرفي وين تحطي رجليك
ويماك غلطت كي كرهاتك في باباك وماحقهاش وانتي مادام تعرف باباك يحبك لازم نتي تان تحبيه ويماك تحبك خاطر تغير عليك من باباك وتحبك تكوني ليها
انتي مادام والديك يحبوك جربي تكوني وسيطة بيناتهم وقوليلهم بلي انا مانعيش مع حتى واحد فيكم بعيدة على الطرف لوخر حاولي تحببيهم في بعضهم والله وصفة كجربة من عند صديقاتي راهم الحمد لله انتي في يدك مفتاح الحل لازم تكوني قوية وتواجهي الموقف
ربي معاك والتهاي في قرايتك ربي ينجحك حنونة ويبعد عليك الهم

و الله يا ختي غير عندهم سنين وسنين و هوما يخمو في الطلاق و علا جالي كاني يبطلو ​

و الله غير عندها عامين و صلو للمحكمة و رحت مع يما و قعدنا عند خالتي و كانو حيطلقو خلاص ​

و على جالي عاودو رجعو ​

و درك خلاص حاجة ما تحبسهم راني متاكدة ​

و يعطيك الصحة على رايك و دك نعاود نسيي كيما قلتي ​

 

[shahrazad]

و الله يا ختي نتي ضحية نتاع سوء تفاهم باباك ويماك
لازم تقعديهم في زوج و تفهميهم بلي تحبيهم لزوج و قولي قاع واش في قلبك باه يحسو بيك ..يحسو بلي راهم يضرو فيك وماعلابالهمش
و النصيحة تاعي هي بالاك تقاطعي ولا تكرهي واحد فيهم
هادو مهما كان والديك
الله غالب ربي كتبلك تعيشي فهاد الوضع ولازم تتقبليه و دعي ربي بالاك يسقم لحوال
ربي يكون معاك ختي لعزيزة ​

 

[ايمان 02]

يا ختي تشوفي كاش ناس يصلحوا بيناتهم واذا ما صلحتش وبغاو يتفرقوا خممي مليح قبل ما تروحي مع واحد منهم وباباك ما تكرهيهش مادام مادارلك والو

 

[قالمية ونصف]

يا حنونة رابي ايكون امعاك لي يشوف هم الناس ينسى هموا رابي ايكون امعاك انتي خمي دورك في اقرايتك وامباعد ربي ايحالها ..........بتوفيق في الباك

 

[tatyana]

والله يا اختي مانقدر نقولك والو غير ندعيلك وان شاء ربي يفرج عليك ويهدي والديك باه مايطلقوش
ربي يكون معاك

 

[سفير اللمة]

انشاء الله يفرج الله وخالي ايمانك قوي اما لحلك يلزمك تهضري مع اماك بانفراد ومع ولدك بانفراد وتقولهم كيف مانتم ولديا انا بنتكم وليا الحق عليكم وكان ماتبغوش مانيش اماسمحتكم في ماستقبلي وهد مجرد اقناع ولله ياختي ماهم كان الولدين لدهم حنان ونقاط ضعف وحاولي تستخدميها وتتفكريهم باىيام الحلو واختي ردي بالك من الغلط واعتبرين من اليوم خوك وكان نقدرو علي شي مانقصروش وتفضلي في وقت وربي يفرج كل ساعة وفرجها

 

[حورية الجزائر]

ياختي ربي ينجحك ان شاء الله هاد العام

وديري بلالك في قرايتك

وهوما اذا حبو يطلقو وعرفو بلي الطلاق هو الحل يطلقو

ولازم تعرفي بلي باباك ويماك يحبوك هادي من غير شك

ومهما يقولوك اذا رحتي مع الطرف الاخر غادي نتخلى عليك

مرحش يقدرو يديروها

ورح تظلي بنتهم الي يحبوها لانو حتى واحد ميقدر يتخلى على وليدو مهما كان

ديري بالك في قرايتك وحاولي باه تنجحي هاد العام

ربي يوفقك ختي ويفرج عليك

​

 

[assia90]

حاولي تصلحي ما بيناتهم لانو لازم تعيشي معاهم
استعيني باقاربك للصلح
ان شاء الله يتصالحوا قريبا
ربي معاك اختي

 

[جزائرية2009]

السلام اختي
ربي يكون معاك والله لا يقدر الفراق
مدام متاكدة راح يتفارقو خمي في مستقبلك اقراي مليح وانشاء الله تجيبي الباك
وباباك لازم يصرف عليك تكوني عندو ولا عند يماك
شوفي وين تريحي في راسك واختاري
وفي جميع الاحوال لازم تحبي باباك ويماك وتبينيلهم حبك
من اعماقي ربي يفرج عليك

 

[azzedine02]

رانا قاع كيف كيف