انا عندي 0661 يتسمى انا فوووووووور و كامل الناس يحبوني .. هههههه

[aMiNa-K]

السلام عليكم و رحمة الله و بركاته

مس الخير لمة .. ان شاء الله تكونو انتيك و بيان

********************************

ماتخافوش ماعنديش puce 0661 غير ماتروحوش في الخيط ههههههه

كاين ضاهرة منتشرة عندنا بزاف هاد الوقت .. اللي عندو نيميرو يبدا ب 066 و لا 077 و لا 0550 يتسمى هاد البنادم عندو شخصية

يعني عند مفهوم الاغلبية .. اللي عندو نيميرو قديم

+
تيليفون gريفا

يتسمى هدا عندو شخصية متزنة و كامل الناس يحبو يعرفوه

:scared:

و اللي عندو نيميرو جديد .. زعمة يبدا ب 069 او 079 او 056
:thumbdown:

+

تيليفون حطبة

:crying:
يتسمى هدا واحد حابس و ماقاستوش الحضارة كامل يعني هاداوين تحلب.. و الناس كامل جابدين رواحهم منو :sad:

******************

واش رايكم فهاد العقلية؟ :cursing:
من وقتاش نيميرو تاع تيليفون يحدد شخصية الانسان؟؟؟
شكون فيكم عندو هاد العقلية .. يعني يشوف واحد عندو نيميرو قديم يحب يدصرو و اللي عندو نيميرو جديد
و واش رايكم في اللي عندو هاد العقلية؟

هيا جاوبوني .. راني نستنى :glare:​

 

[Elif DZ]

هههههههههههههه

خليني نكمل ضحكتي على خاطر ما نعرف ما نقلكـ مي اللي راهم يخرطو بززاااف
قالك السونات نتاع بوطابلك تصفلك شخصيتك
ههههههههههههههههههههه
​

 

[D aucun]

slt amina et ts et tts
hadi chaba et lazmalha 7kaya chaba
alor gadi man ba3d nchalah nwali

 

[AnGeL*dZ]

واش فيها اذا عندوا هذا البورتابل
نورمال
الناس بالمظاهر
والمظاهر غشاشة
ميرسي امونتي الناس هبلت
​

 

[aMiNa-K]

هههههههههههههه​

خليني نكمل ضحكتي على خاطر ما نعرف ما نقلكـ مي اللي راهم يخرطو بززاااف
قالك السونات نتاع بوطابلك تصفلك شخصيتك
ههههههههههههههههههههه​

هههههههههه كملي كملي اضحكي بعقلك .. و اللي يشدك نشدوه :angel_not:

راكي فكرتيني فلاسونري تاع التلفون راني نسيت ماهدرتش عليهم
ههههههههه

الناس راحو فيها كامل
منورة اختي القسامية​

 

[Moha le sage]

ههههههههه

اهلا امينة ... عجبتني تاع الشخصية من خلال النيميرو

عندي خويا عندو 0771 شراه مع التلفون ..وقت لي كان الذيب يصوق ههههه وقت مكان لا بيبيلي لا نبيبيلك .. بصح خويا هذا عقلية و شخصية ..

اما المتحدث عندي 0773 .. و التلفون كل مرة نبدلو .. بصح مش علابالي اذا كنت شخصية من نومرو تاعي ..يسمى هاذو ذرك ابراج ؟؟ :angel_not:


يما عندها 0798 و عندها تلفون nokia 1100 ونا لي شاريهملها .. التلفون باسكو يحكم الباتري مليح + وكي يطيح ما يصرا والو + فيه اللامبة كشما تحتاج في اليل و كون تنساه ولا يسرقوه ما يصرا والو .. :biggrin:
بصح حساب الهدرة هاذي يما ماشي شخصية ؟؟ :cursing: :thumbdown:


راني راح نولي ندور على الريبيرتوار تاع الكونطاكت تاوعي باش نكلاصيهم حسب ترتيب الفيفا الجديد .. تاع les puces ... علابالي ذرك جماعة بزاف يطيرو من الـ podium :scared: وجماعة اخرى تدخل في الـ top ten :001_wub: :blushing: :lol:

راكي صحيتي على الميضوع :laugh:

 

[Dr.CrAzY]

وعليكم السلام
*
اييه عندو لبلاك بيري و0770
*
وش هاز وش لابس وش عندك
هادا وش يحدد مقدار حب الناس ليك

رانا فيـ وقت المظاهر أختيـ
صحيتيـ
​

 

[dida007]

ماعليش والي ماعندو والوا لا لابيس ولا الحطبة واش انسموه؟

 

[aMiNa-K]

slt amina et ts et tts
hadi chaba et lazmalha 7kaya chaba
alor gadi man ba3d nchalah nwali

اهلا خويا مختار

اوكي بعقلك يا خو و راني نستنى في الحكاية الشابة ​

واش فيها اذا عندوا هذا البورتابل
نورمال
الناس بالمظاهر
والمظاهر غشاشة
ميرسي امونتي الناس هبلت​

اهلا مينوشة

و الله مافيها والو اللي عندو 1100 المهم تيليفون يدي و يجيب .. بصح الناس تحكم من المظاهر

صحيتي عالمرور ​

 

[فتاة حساسة]

ههههههههههههههههههههههه
شكرا ختي قتلتيني باضحك
تقبلي مروري

 

[semssoume]

و الله يا ختي و اسمحيلى في الكلمة هدي راكي موسوسة هههههههه قتلوا لعندوا puc 0661.0770.055اي ربي يهديك دور ملا علجالك و علجال الناس ليخمو هكا ما بقواش يشريوهم ادوما ليpuc هههههه و من الاخر كل طير يغني بغناه و ليقادر يدير و لماقادرش يتعمل غلي ربي برك وانتيا فهمتاها هكا لان فهامتك هكا و متغظبيش مني لاني ما نقصد والاوا غير يا بنتي الناس الكل ماهيش كيبعضاها و انت عممتي

 

[الظل الطويل]

نقلكـ حاجة والله موضوع فور صح كيما عوايدكـ
ياختي تشوفي الغاشي كيفاه تخمم تقولي ولينا راجعين مارشاريير
ادا عندكـ نومرو من القدم انت ارتيست ومكاش كيفكــ
ادا عندكـ بورتابل يسوى تولي انتا هو الكل في الكل
يعنيـ كي يجو يشوفوكـ يقيموك بسلعتكــــــ

يا اختي اكيد لي يقيم الاشخاص كيما هكا عندو مركب نقص لا أكثر

تحياتيـــــــــ
​

 

[nada242008]

ههههههههه انا من جماعة الحطبة مالا
بصح راهو انتي شوك صح يظل يدي في الخبط والحمد الله راهو عايش.
المهم ربي يطولو في عمرو وخلاص

 

[nina bonoise]

هههههههههههههههههههههههه
وشي هذا يا امينة
حتى النيمرو يحدد الشخصية
انا عندي 0790 و 0791 صح معنديش حطبة كيما قلتي عندي الخردة تاع samsung e250 كرهت منو و LG kg800​

 

[aMiNa-K]

ههههههههه

اهلا امينة ... عجبتني تاع الشخصية من خلال النيميرو

عندي خويا عندو 0771 شراه مع التلفون ..وقت لي كان الذيب يصوق ههههه وقت مكان لا بيبيلي لا نبيبيلك .. بصح خويا هذا عقلية و شخصية ..

اما المتحدث عندي 0773 .. و التلفون كل مرة نبدلو .. بصح مش علابالي اذا كنت شخصية من نومرو تاعي ..يسمى هاذو ذرك ابراج ؟؟ :angel_not:


يما عندها 0798 و عندها تلفون nokia 1100 ونا لي شاريهملها .. التلفون باسكو يحكم الباتري مليح + وكي يطيح ما يصرا والو + فيه اللامبة كشما تحتاج في اليل و كون تنساه ولا يسرقوه ما يصرا والو .. :biggrin:
بصح حساب الهدرة هاذي يما ماشي شخصية ؟؟ :cursing: :thumbdown:


راني راح نولي ندور على الريبيرتوار تاع الكونطاكت تاوعي باش نكلاصيهم حسب ترتيب الفيفا الجديد .. تاع les puces ... علابالي ذرك جماعة بزاف يطيرو من الـ podium :scared: وجماعة اخرى تدخل في الـ top ten :001_wub: :blushing: :lol:

راكي صحيتي على الميضوع :laugh:

اهلا موح

تعرف على حساب تخمام شي ناس .. يتسمى انت و خوك راكم فور و تنحبو بالخف .. بصح يماك يا يقولو راك حاقرها يا راهي ---- :thumbdown: .. ماتديرش على هاد التخمام ههههه
بصح تعرف مليح 1100 كان عندي واحد شحال من مرة يدي خبطات صحاح يديمونطا كامل بصح غير نمونطيه يمشي .. حطبة تاع الصح هههههه

ايه روح للريبيرتوار ديالك و عاود الكلاسمو ديالك .. بزاف غاشي يطيرو من الكلاسمو هههههه
تبقى جماعة صغيرة برك

و راك صحيت عالمرور​

 

[MR-REDOUANE]

عندي 1100 كيما ذاك بصح نوار انا عندي 2 بيس وحدة 0773 و الثانية 0793 صافي عندي زوج شخصيات هههههه و حدة تع الليل و وحدة تع النهار
شكرا على الموضوع
​

 

[aMiNa-K]

وعليكم السلام

*
اييه عندو لبلاك بيري و0770
*
وش هاز وش لابس وش عندك
هادا وش يحدد مقدار حب الناس ليك​

رانا فيـ وقت المظاهر أختيـ
صحيتيـ​

اهلا خويا المدنب

راك تشوف الناس كيفاش ولات تخمم .. يشوفك قبيل وشمن نيميرو عندك و واش هاز و واش عندك
بصح المظاهر خداعة

الله يهدي برك
ميرسي خويا​

 

[نور الصباح الجزائرية]

هههههههههههههههههههه و حتى البنات كى رايحين يلعبوها غلطو يبيبو فى نيمرو تاع هدوك

 

[aMiNa-K]

ماعليش والي ماعندو والوا لا لابيس ولا الحطبة واش انسموه؟

اهلا خويا ديدا

ايه هداك مسكين مايشوفوش قاع فيه مسكين باسك ماعندهم مايديرو بيه

الله يهدي برك
ميرسي خويا​

ههههههههههههههههههههههه
شكرا ختي قتلتيني باضحك
تقبلي مروري

اهلا اختي ريم

الله يدوم الضحك .. هم يضحك و هم يبكي هههه

ميرسي اختي​

و الله يا ختي و اسمحيلى في الكلمة هدي راكي موسوسة هههههههه قتلوا لعندوا puc 0661.0770.055اي ربي يهديك دور ملا علجالك و علجال الناس ليخمو هكا ما بقواش يشريوهم ادوما ليpuc هههههه و من الاخر كل طير يغني بغناه و ليقادر يدير و لماقادرش يتعمل غلي ربي برك وانتيا فهمتاها هكا لان فهامتك هكا و متغظبيش مني لاني ما نقصد والاوا غير يا بنتي الناس الكل ماهيش كيبعضاها و انت عممتي

اهلا خويا سمسوم

بصح اسمحلي نقولي راك hors sujet راني نحكي عالناس اللي يحكمو عالبنادم من النيميرو ديالو .. انا وحدة عندي 069 .. بصح نيميرو بريفيري ههههههههههه
و عمرو مايكون نيميرو تاع تيليفون يحدد شخصية البنادم

اسعدني مرورك .. ميرسي خويا​

 

[MR-REDOUANE]

هههههههههههههههههههه و حتى البنات كى رايحين يلعبوها غلطو يبيبو فى نيمرو تاع هدوك

صح كاينة منها تقول بالاك نطيح في واحد عندو التيكي
ومام الرجال يعيطو للنيميرو من 90 و الفوق
​