السلام عليكم
ان شاء الله تكونو كامل بخير وعافية
البارح صرا معايا موقف قبل مانخلص خدمة نحكيهولكم وادعولي ربي يستر
رح نحكي بالتفصيل بصح ماهوش التفصيل الممل كاين حوايج وحوارات مارحش نكتبهم
حبيت ننقل الموقف لانو الظاهرة هذي عمت وحابة نعرف وش رايكم فيها وفي نفس الوقت لوكان يصادفكم كيفاش تتصرفو
تكشفو ولا تخبو ؟؟؟؟
جاتني بنت عمي للخدمة وبقينا نحكو على مشاكلنا ومشاغلنا وهمومنا فجأة رن بورتابلها
واحد كان حاب يخطبها وقالتلي عندو في حدود 6 سنين وهو يتبع فيها بعثلها وقالها حاب يشوفها قالتلو باللي راهي عندي في الخدمة قالها نجي تما اذا ماكانش مشكل قلتلها اذا للتحية برك ماعليش
فاتت ربع ساعة جا ... غير شفتو انا تقلب وجهي ورجفو رجليا ومالقيت ماندير
حياها ومد ايدو ليا باه يحييني قلتلو لالا
ومن بعد قالها بنت عمك تشبهلك قلتلو انا ونشبه لختي تاني ؟؟
مافهمو والو
قالي تعرفيني ؟
قلتلو بيانسور وننسى اللي دارلي مشكل مع صحاباتي وكاين اللي من هاذاك الوقت واحنا مانتكلموش مع بعضانا
قالي وش عندك احكي
قلتلو تخدم في البلاصة الفلانية قالي وي مي بنت عمي اتصدمت فيه قالتلي ماتتكلميش بالألغاز وقولي وش تعرفي ولا انت قول وش كاين
قالها انا ماعلاباليش قوليلها هي تحكي
قلتلو قبل مانحكي نسقسيك على فلانة قالي مرت خويا مع العلم انا سقسيتو باسمها برك وهو جاوب بلا مايفكر على الأقل يقولي هاذي فلانة شكون؟ وش لقبها؟ وين تسكن؟ وش تخدم؟.....
بصراحة وجعني قلبي وقلتلها اوكي صايي رح نحكي على الشخص اللي نعرفو واللي ماهوش هو هذا الشخص اللي قدامي
وحكيتلها باللي راجل صحبتي وحضرت عرسو وعندو اولاد وواش عندو ديبلوم و و و وقبل هاذ المرة تبع اختي تاني وبالصدفة شفتو وقلتلها في وقتها باللي راجل صحبتي
بعد ماخلصت كلام مرة يوافق الكلام مرة ينكر
اتقلقت بنت عمي وجات خارجة قلتلها استناي هو اللي يخرج
وبدا يقولي انا مانيش الشخص اللي راكي تتكلمي عليه وراكي ظلمتيني وجرحتيلي بنت عمك
كيفاش نهيت الموضوع ؟؟؟
بعد مابدا يقول هكذاك قلتلو
ياخويا اذا ماكنتش انت نفس الشخص اسمحلي
وصحبتي نعرفها وين تسكن نروح لعندها ونطلب منها السماح اللي ظنيت غلطة في راجلها
قالي لالا ماتروحي لحتى بلاصة انا هو
اللي كمل قرا الموقف يقولي وش رايو ووش يتصرف لوكان جا بلاصتي
تحياتي للجميع وعذرا على الإطالة
ان شاء الله تكونو كامل بخير وعافية
البارح صرا معايا موقف قبل مانخلص خدمة نحكيهولكم وادعولي ربي يستر
رح نحكي بالتفصيل بصح ماهوش التفصيل الممل كاين حوايج وحوارات مارحش نكتبهم
حبيت ننقل الموقف لانو الظاهرة هذي عمت وحابة نعرف وش رايكم فيها وفي نفس الوقت لوكان يصادفكم كيفاش تتصرفو
تكشفو ولا تخبو ؟؟؟؟
جاتني بنت عمي للخدمة وبقينا نحكو على مشاكلنا ومشاغلنا وهمومنا فجأة رن بورتابلها
واحد كان حاب يخطبها وقالتلي عندو في حدود 6 سنين وهو يتبع فيها بعثلها وقالها حاب يشوفها قالتلو باللي راهي عندي في الخدمة قالها نجي تما اذا ماكانش مشكل قلتلها اذا للتحية برك ماعليش
فاتت ربع ساعة جا ... غير شفتو انا تقلب وجهي ورجفو رجليا ومالقيت ماندير
حياها ومد ايدو ليا باه يحييني قلتلو لالا
ومن بعد قالها بنت عمك تشبهلك قلتلو انا ونشبه لختي تاني ؟؟
مافهمو والو
قالي تعرفيني ؟
قلتلو بيانسور وننسى اللي دارلي مشكل مع صحاباتي وكاين اللي من هاذاك الوقت واحنا مانتكلموش مع بعضانا
قالي وش عندك احكي
قلتلو تخدم في البلاصة الفلانية قالي وي مي بنت عمي اتصدمت فيه قالتلي ماتتكلميش بالألغاز وقولي وش تعرفي ولا انت قول وش كاين
قالها انا ماعلاباليش قوليلها هي تحكي
قلتلو قبل مانحكي نسقسيك على فلانة قالي مرت خويا مع العلم انا سقسيتو باسمها برك وهو جاوب بلا مايفكر على الأقل يقولي هاذي فلانة شكون؟ وش لقبها؟ وين تسكن؟ وش تخدم؟.....
بصراحة وجعني قلبي وقلتلها اوكي صايي رح نحكي على الشخص اللي نعرفو واللي ماهوش هو هذا الشخص اللي قدامي
وحكيتلها باللي راجل صحبتي وحضرت عرسو وعندو اولاد وواش عندو ديبلوم و و و وقبل هاذ المرة تبع اختي تاني وبالصدفة شفتو وقلتلها في وقتها باللي راجل صحبتي
بعد ماخلصت كلام مرة يوافق الكلام مرة ينكر
اتقلقت بنت عمي وجات خارجة قلتلها استناي هو اللي يخرج
وبدا يقولي انا مانيش الشخص اللي راكي تتكلمي عليه وراكي ظلمتيني وجرحتيلي بنت عمك
كيفاش نهيت الموضوع ؟؟؟
بعد مابدا يقول هكذاك قلتلو
ياخويا اذا ماكنتش انت نفس الشخص اسمحلي
وصحبتي نعرفها وين تسكن نروح لعندها ونطلب منها السماح اللي ظنيت غلطة في راجلها
قالي لالا ماتروحي لحتى بلاصة انا هو
اللي كمل قرا الموقف يقولي وش رايو ووش يتصرف لوكان جا بلاصتي
تحياتي للجميع وعذرا على الإطالة