الى الذين مازال ماداروش الامتحانات خاصة جماعة باتنة

[dana1993]

السلام عليكم
والله يا جماعة دوخونا
قالولنا الامتحانات ورا العطلة تاع 15 يوم
ومبعد قالك لالا حبس ماشي يوم الاحد لي نرجعو فيك نقراو اولا اسبوع ومبعد نمتاحنو
ومبعد قالك لالا هكاك يروح التريماستر 3 منديروش الامتحان 2 خلاص نحسبولكم الاول والاخير برك:confused1:
كل واحد يقول حاجة فهموني بركhmy:
اسكو كان الامتحانات ولا لالا؟ راني مدرت فيها والو
بيسك يوم الثلاثاء قالولي الامتحانات ماشي بالاحد
و بسبة 70/100 ماكانش امتحانات خلاص
اتمنى ان اتلقى المساعدة
شكرا​

 

[mayss]

اختي دانا انتي ديري اللي عليك حتى وماشي سير نديرو
وحتى ومادرناش راح تلقاي هاذيك المراجعة للفروض الجايين ان شاء الله
على حساب علمي الاختبارات نهار الثلاثا وولائية يعني مايقدروش ياجلو ولا يعجلو والله اعلم
تقبلي مروري وتحياتي

 

[houda1005]

قالونا نهار الثلاثاء لله اعلم........
​

 

[dana1993]

بارك الله فيكما والله كل واحد واش يقول دوخونا وخبركم جديد تاني
بارككما الله شكرا
تحياتي​

 

[M!ss_f@ti]

ميس وهدى عندهمـ الحق الامتحآنآت نهآر الثلاثآء وهآذي طبعآ في ولايتنآ ولآية برج بوعريريج
سلآآآآآآآآآآآآآآآآآآآآآآآآآآآآمـ وبالتوفيق

 

[dana1993]

شكرا اختي بارك الله فيك والله دوخونا

 

[SOUHA]

اختي دانة انا تني من باتنة بصح حنا قالولنا سمانا لولا الامتحانات من هاذ الخبر مزدش سمعت حتى حجا انا تبلي لازم نديرو نهار الاحد تقريب الولايات كامل دارو وزيدو يدرو الامتحان الثالث حنا تاني دوك يصرعونا مع الدخلة وين ليسي تقراييييييي

 

[dana1993]

ايه اختي لكن 90/100 الامتحانات ماشي في الاسبوع الاول
و 70/100 ماهيش في الاسبوع الثاني
ومنعرف نديروا الامتحانات ولالا و الخبر الصحيح نهار الحد نسمعو بيه

 

[SOROUR]

حنا سايي درنا
بصح أنا رايي راجعي وديري اللي عليك ،الى درتو تخدمي والى مادرتوش تهنية هههههه
بالتوفيييييييييق....

 

[قَطٌر❀ الٌنَـدَى]

بصحتكم تهنيتو منهم احنا حشواهالا درناهم قبل العطلة

 

[أشواق اا]

السلام عليكم
لالا اخواتي الاختبارات 100/100 بعد ماندخلو بسمانة كل الليسيات على مستوى الوطن بعد الدخلة بسمانة

 

[dana1993]

كل اليسيات ههه راه حنا تاع باتنة وجماعة البرج لي مدرناش الباقي محسوب كامل داروا
هه شكرا
بالتوفيق

 

[sweetprincess]

أنا أيضا من باتنة الإمتحان قالو مور العطلة لكن أيضا هناك من يقول أنه لا يوجد إمتحان واش هذا التخربيط
المهم أختي نتي ديري لي عليك وجدي روحك و لي كتبها ربي في ميزانك ذيك هي حنونة
ربي يوفقك حبوبة

 

[dana1993]

تعيشي ختي
بارك الله فيك
وفقكم الله

 

[sifou04]

أنا ثاني من باتنة بربي إن شاء الله ماكانش:thumbdown:
​

 

[dana1993]

مرسي ان شاء الله ميكونوش بيسك ماقريت والوا تاع والوا
بالتوفيق

 

[Midia]

احنا في سكيكدة قالونا غدوا ""الاحد""
ماعلاباليش وماسمعتش بحكاية نهار الثلاثاءخلاص
يعني كاينة
كون حتى لانو ممحضراش مليح
​

 

[dana1993]

ربي يوفق الجميع
شكرا

 

[soufiane sam]

حنا في العلمة درناهم و نباعد خرجنا فاكونس

بصح لازمك توجدي قادر يديرولكوم بالأحد و قادر بالثلاثاء
يعني لازم تكوني موجدة رووووحك

 

[dana1993]

انا موجدت ماوالو الحوايج تاع الفهامة راهم ف الراس والحفاظة شوي تقزان ههه
شكرا