طلب مساعدة من طلاب أولى ثانوي (الدوال العددية المرجعية ..)

[MAN1850]

صباح النور اعضاء اللمة

مزالي يومين على الاختبارات
و كاين بزاف حوايج مانيش فاهمهم في الدوال ممكن مساعدة ؟؟؟؟

و شكرا
​

 

[مروة MARWA]

ماعنديش تمارين باه نحطهم هنااااا مي نقدر نعاونك كي تقولي واش ماش راك فاااااهم
​

 

[MAN1850]

شكرا مروة
ممكن تعطيني طرق نجيبو بيهم مجموعة تعاريف دالة
تابع (عموميات على الدوال)
​

 

[مروة MARWA]

طريقة تعيين مجموعة التعريف
لتعيين مجموعة تعريف الدالة نتمعن في الدستور المعرف للدالة
هادا الدستور يتضمن مقاما يظهر فيه المتغير x يجب رفض قيم x التي تعدم المقام مثال :1/x+1 مجموعة التعريف هي من ناقص مالا نهاية سالب الى - 1 (ناقص واحد) اتحاد من -1 (ناقص واحد ) الى + مالا نهاية موجب ) اسمحلي ماقدرتش نكتب الرموز بطريقة صحيحة مي ان شاء الله تكون فهمت شوي
الدستور يتضمن جذرا تربيعيا يظهر تحته المتغير x
نرفض القيم التي تجعل العبارة تحت الجذر التربيعي سالبة تماما
​

 

[مروة MARWA]

اما بخصوص المنحنى البياني متلا لدينا الدالة
f de x :
+ 1مربع x( اسمحلي الرموووز عندي معاهم مشكل مانعرفش نكتبهم)
المهم لازمنا نديرو نقاط مساعدة باه نقدرو نرسمو المنحنى الباني
نبقاو نعوضو قيمة x مجموعة من النقاط متلا 2- / -1 / 0 / 1 / 2 ومباعد النتيجة لي نلقاوها نديرو بيها احداثيات x و y
للتوضيح :
عندما نعوض ب 2- نجد : x يساوي 2- / y يساوي 5 لان المعادلة هي x مربع + 1
يعني في بلاصة x نديرو 2- ونحسبو وهكدااااااا

ان شااااااااء الل برك تكون فهمت عليا
​

 

[رونق]

السلام عليكم و رحمة الله تعالى و بركاته

أخي الكريم سأعطيك طرقا تعرفنا عليها في السنة الأولى لتعيين مجموعة تعريف دالة معينة

مثال إذا كانت دالة ناطقة: f(x)=4x/2-x
نضع : المقام لا يساوي الصفر أي xلا يساوي 2
و عليه تكون الدالة معرفة على R ماعدا 2

إذا كانت دالة جذرية نضع ما بداخل الجذر لا يساوي الصفر فتكون الدالة معرفة من 0 إلى مالا نهاية لأنها مجموعة تعريف الدالة المرجعية جذر و تستثي قيمة x التي تنعدم عندها قيمة ما بداخل الجذر

أما الدالة التآلفية فإن مجموعة تعريفها معروفة و هي R

أما تعيين مجموعة تعريف دالة انطلاقا من تمثيلها البياني فإننا نقرأ المجموعة من البيان باستخدام الإسقاط

أتمنى أن أكون قد أفدتك
بالتوفيق
* أعتذر عن عد كتابة الرموز الرياضية لأني لا أعرف أماكنها على لوحة المفاتيح
​

 

[MAN1850]

يعطيكم الصحة كامل ولله غير merciiiiiii
​

 

[مروة MARWA]

يعطيكم الصحة كامل ولله غير merciiiiiii
​

بلا مزية خويا هادا وااجبنا
​

 

[walid wolf]

انا ايضا لدي مشكل مع الدوال و ارجو المساعدة