خير وعافية
حبيت نحط وحد التخربيشات في قسمكم ... خرين يبانولهم ملاح .. وخرين يبانولهم بلي محمد كبر وعاد يخرف ..و خرين يقولولك محمد راه يدير في الطاباج .. وخرين يقولولك راه يبين في روحو .. وخرين يقلك راه يلعب فيها .. وخرين يقلك راه عاجباتو روحو وحاط روحو واصل ومتدفق .. وخرين يقراو وما يخمومش فيا .. ونا نقلكم بلي منقدرش نريقل كامل الناس .. بصح نقدر نريقل روحي
بدون اطالة :
في اللمة ...قالك :
.. ماشي كل من معوق .. قط .. ولا كل من طار زاوش
.. ماشي كل من دار هذا
باسكو كثرو لي يدخلو بعضوية طفلة .. .. ماشي كل من كان بهاذ اللون جديد .. باسكو يقدر يكون اقدم منك وبدل الريش
ولا راه جدارمي و بوليسي في نفس الوقت ..ماشي اي واحد يقلك اعطيني سكايب يحب يتعرف .. بصح حاب يعرف وش كاين في ميكروك كي يخترقو
ماشي كل من شكى مضرور .. ولا كل من ضحك فرحان .. ولاكل من طلب صداقة صاحبك
ماشي كل من هدر بزاف فور .. ولا كل من سكت سامط
ماشي كل من دار فوطو تهبل شباب .. وماشي كل من مادارش معناها بشع
ماشي كل من بعث رسائل لبنات و جاوبوه ... نجح .. نص الرسائل لي يبعثوهم الاعضاء للعضوات .. رايحين يتقراو من عند اعضاء خرين .. و نص رسائل العضوات للاعضاء .. رايحين يقراوهم اعضاء و عضوات خرين
ماشي كل من دار في عمرو 20 معناها عاش عشرين ...
ماشي كل من دخل للخيمات يحكي معناها لقى صحابو .. باسكو نتا تحكي بنيتك في خيمة و هوما يحكو معاك و يضحكو عليك وديرو عليك في رهانات بسكايب و المسنجر بخلاف الخيمة
ماشي كل من حشم خواف .. ولكن حاب يسترك ..مالا استر روحك قبل ما يستروك
ماشي كل من يمنشر في خوه فحل .. الفحل لي يحكم فمو و فعالو تشهد عليه
ماشي كل من يقلكم حاجة تامنوه حتى ولو كان عزيز .. خطراش العزاز عزو ..في هاذ الوقت
مزلت نكمل في المواشي
أهمها :
ماشي شرط نديرو تيكييات لكل واحد ..باسكو كل واحد راه باين .. بآخر مشاركاتو
راكم صحيتو ...
آخر تعديل:
