......تقول نروح منوليش ..............

[الجمرة الخبيثة]

الســــــــــــــــــــــــــــــــ عليكم ــــــــــــــــــــلام
واش راكم ؟ يخي لاباس


يخاوتي قولولي تكرهوا وتتنارفوا :cursing::sad:من هاذي لحالة ولا لا؟

ليوم "السبت" نهار كامل وان نقرا سنة باك ربي يجيبها زينة ان شاء الله ,نقرا في 2 ليسيات بعاد ع الدار ................
نوض ع 8 يوصلني بابا رانا حد الان لاباس
بابا ترجعلي على 10 قالك والوا عدي الصوالح قلنا اوكي :sad:
مبعد نشد 2 طروليات ليسي وحدوخر hmy:نقرا نخرج ع 12 ..................
نلقا لسي بابا وراك والوا راني "نترينا" قرواحي في الطروليات صحا معليناش تاني نشد 2 طروليات
-
-
-
-
-
اف وصلت لدار ياعمري :angel_not::angel_not::angel_not::angel_not:زاهية قع
ندخل لدار منلقا حتى واحد hmy:وين راحوا الله اعلم وندخل على 1 ونص :sad:
اوكي يلحسوا ريوسهم وش بالي فيهم :glare:

نروح لكوزينة مكانش لغداااااااااااااااااااااا :crying::angry::cursing:
علاش منيش عارفا :confused1:
نلقا لماما نسب قع وخلاص خص شو ي نهبل

لالة ماما "هقت راكي تروحي لبيتزيريا نتي وصحباتك بكل برودة اعصالب" :scared:

واش ندير يخاوتي مهي مرة مهي 2 كل سبت يصرا فيا ختكم هاك
ينعل بوها حياة :crying::crying::crying:
تقول مرات منرجعلهمش قع :sneaky2:
.................
ونتم كون جيتوا في بلاصتي واش تديروا الرحمة :sad:
سامحوني طولت عليكم وكرهتلكم حياتكم
معديش وين نتفش ممممممممممم
...

​

 

[عفاف الجزائرية]

يا اختي واش نقوللك والله في هاذا الوقت وفي هاذي الدنيا حاجة ما عادت تصلح وحاجة ما تعجب تبدل كل شي جتى العباد تبدلو
بصح انا عندي نظرية كي نكوزن مغششة ومقلقة ومديقوتيا نتوضى نصلي ركعتين ونقوللو يا ربي جيبهالي في الصواب
ديري كيفي وربي يفرج عليك وعليا وعلى المومنين اجمعين
​

 

[أمينة16]

يا اختي واش نقوللك والله في هاذا الوقت وفي هاذي الدنيا حاجة ما عادت تصلح وحاجة ما تعجب تبدل كل شي جتى العباد تبدلو

بصح انا عندي نظرية كي نكوزن مغششة ومقلقة ومديقوتيا نتوضى نصلي ركعتين ونقوللو يا ربي جيبهالي في الصواب
ديري كيفي وربي يفرج عليك وعليا وعلى المومنين اجمعين​

بارك الله فيك عفاف

يرحم اللي رباك أوافقك في رايك مئة بالمئة

يعطيك الصحة اختي على الموضوع
​

 

[Elif DZ]

أختي العني الشيطان و الله ماكيش متصورة الحياة بعيد عن اهلك
على قدر ما يصير فيك قولي الحمد لله راكي خير من بزاااف ناس
شوفي اللي ما عندهمش ديار مساكن

الحمد لله على كل شي
​

 

[mizora]

حبسي القراية واش عجبك فيها
انا راني قاعدة فالدار ناكل و نشرب و نحوس و نتقلش و نلبس مليح ما خصني والو
راني في جنات النعيم و انا محبسة القراية

 

[sami19280]

اااااااااي ركزي على قرايتك بركاي من التمسخيررررررر

نصيحة مني

 

[* أميرة الأحلام *]

انا نقولك اختي ماتقلقيش روحك وماتزعفيش انشاء الله ربي ينجحك وتنسي كامل التعب والميزيرية تاع الفطور
ونقولك امالا انا واش نقول انت يوم شكيتي وانا اختك كل يوم غير الجمعة يعني لاباس
تعرفي من 7.00 تاع الصباح وانا مع الطروليات وتمرميدهم وزيد هاك الخدمة الي ماتريحيش فيها المهم واختك غير واقفة ونخرج مع 13.00 ولا 14.00 حسب ماخدمت وكي نرجع للدار مرات نلقى لفطور ومرات لالا وزيد نوصل تعبانة لازم نحضر فطوري حتان كرهت اسم لفطور وراني فرحت كي تخرجت وقلت يانور راكي تهنيتي من ميزرية الجامعة حتى صرت ابشع الفطور ماكانش او ناكله بارد صرت متوحشة فطور براحتي وسخون لكن ربي يجيب الي فيه الخير
اما هدرة اني نهرب من الدار ماتقوليهاش راكي خير من ياسر ناس
وماتقلقيش راكي في نعمة حدا ياسر عباد
انا نقولك انشاء الله تنجحي ​

 

[wassila21]

قرايتك ثم قرايتك ثم قرايتك ، بالاكي تفرطي فيها و هذا المشاكل الكل يجوزو في نهار و تنساي مي قرايتك إذا راحت راه ضاعلك عام كامل ، أنا وحدة سوفريت في عام الباك نسكن بعيد على الثانوية نروح في الحافلة و و أنزيد نروح للمسجد باش نراجع و الحمد لله جبت الباك و هذا العام أنكمل، و الهدرة تاع تهربي من الدار ما تعاوديهاش احمدي ربي عندك دار و عائلة كيان ما لقاوهاش. و أتهلاي و فرحونا هذا العام أن شاء الله

 

[mir@cle]

هاذا لروتين عادي كلنا نمروا بيه ...وين المشكل؟؟
أن شاء الله تجيبي الباك وتدخلي للجامعة وتتزوجي وتتهناي
وراجلك هو اللي يديك ويجيبك، ويطيبلك الغدا على الوحدة ونص
المهم أنت ركزي فالقرايا كيما قالولك اللي قبلي وماتفرطيش فيها
​

 

[sam_houssem]

ربي يداوي الحوال
سبة كيما هذي تهربك من الدار
عيشك خيتي قوليلي باش راكي تخمي
الناس صاري فيهم اكثرمن مي حامدينها لربي وانت جاتك على يوم شقيتي فيه
وزيد من فوق هذا الكل راكبة في طرونسبور
وكون تروحي تمشي وتضربي كي الناس ب 5 و6 كلم على رجليك حتى السباط يتقعر من تحت رجلك هذيك تقولي ننتحر خلاص
انعلي ابليس واحمدي ربي وكل ما تجيك الحالة نوضي صلي
ولا اقراي ايات قران
اليس بذكر الله تطمان القلوب
المهم سامحيني كان غلطت
ربي يفرج وربي يوفقك وتنجحي في الباك
سلام​

 

[ملاك الليل]

سلام عليكم
قراي مليح وان شاء الله تربحي الباك ومكاش حاجة جي بالساهل ايل فو تتعبي باش تنالي خيتو
ربي يوفقك وينجحك ...تهلاي في روحك وكولي مليح ​

 

[dou1]

حاجة مليحة هك يخرج الشباب المكافح وهاذ لحكيات تضميهم لمسيرتك الكفاحية في الدار
عودي كل صباح ديري حسابك وطيبي صباح بكري وكلش عادي
الحاجة كي تعمري راسك بيها تولي مشكل
تاقلمي وعادي

 

[الجمرة الخبيثة]

يعطيكم الصحة خاوتي ربي يخليكم ليا
مي مش قصدي نروح نهرب من ادار لا بعيد الشر
مي كرهت شوي نضل ندور ومبعد مكاش الي يقولي وراكي صادة انا هاذي نحوس عليها برك
يعطيكم الصحة
​

 

[MIDO.DODO]

ياختي احمدي ربي راكي خير من ناس بزاف
نتي على الأقل عندك يوم برك متعبك انا تقريب كل يوم
بابا يخدم بعيد و ماما تخدم ديما و ساعات ماتخليليش الغدا يسمى لازم نشوف واش ناكل
و كاين خطرات مانديش المفتاح معايا يسمى لازم نقعد برا مانتغداش خلاااااص
و مع هذا راني نتحمل واش تحبي والدينا تحملونا بزااااف و حنا لازم نراعيو ظروفهم
ديجا نتي باش تطلعي في الطرولي ياك لازملك دراهم و دراهم شكون مدهملك ياك باباك
إذا تحملي و خلاص رانا كامل عندنا المشكل هذا مي متحملين و جامي ديكوتينا
كي تروحي من الدار و ماترجعيش وين رايحة تروحي ؟؟؟

​

 

[حورية الجزائر]

يا ختي كنت حاسبة غير انا الي راني كارهة؟

مين رانا كيف كيف خلاص دورك ونستوني ههههه


واش نقولك
أول حاجة شكرا لانك فتحتينا قلبك

ثانيا كونو نفتحو عينينا غير شوية نلقاو رواحنا فنعمة

همالا نتنفسو نفس عميق

ونقول

الحمــــــــــــــد لله

ثالثا هاديك الفكرة تع منرجعش للدار علابالي راكي تقولي فيها من فوق قلبك ههههه

استحملي حتى تكملي هاد العام

ونقولك حاجة نهار تربحي وتنجحي
حتى حاجة من هاد التعب ماتبانلك

ربي ينجحك ويفرحك بقرايتك ان شاء الله

اسمحيلي اذا طولت عليك

اختك حورية


​

 

[noumira]

اصبري اختي مكاش كيما القراية قرايتك هي الصح وهي سلاحك الوحيد لي تقدري تفيدي بيه روحك اما لفطور وطرونسبور هدو حوايج ما تعياي تتفكري فيهم وتضحكي

 

[βŁąčĶ & ẄħîŤę]

ههههههههههههههه من جدا وجد

ومن طلب العلا سهل الليالي

شح فيييييييييييييك



...










ربي يكون في عونك وربي يوفقك
ان شاء الله

تستهالي ميس اروى​

 

[SOUHA]

اصبري برك خوتي

 

[imeneSPRI]

معليك غير تصبري اختي

لانو هذا كامل هدفو النجاح

مالا لو كان تشوفي انا شحال قريت فالباك ديالي

تقولي كامل مقريتيش

ان شاء الله ربي يوفقك ويوفق الجمييييييييييع

 

[boutarfaya]

ربي يكون في عونك وتنجحي وتجيبي لباك وتروحي تقراي بعيد

وتعقدي في لاسيتي ويعجبك لحال هههههههههه













الله يوفقك
​