اووووووووووووووووف غدوة ان شاء الله لقراية

[ايمان 02]

السلام عليكم
واش راكم ان شاء الله تكونوا بخير ؟؟؟؟؟؟؟؟ مع اني راني نشوف بزاف ناس ماهمش ملاح بويسك غدوة ان شاء الله لازم نرجعوا لمقاعد الدراسة
انا عن نفسي راني فرحانة بزاف اولا لان رايحين نقراو ونتعلموا حوايج جدد وونعمروا وقتنا بحاجات اهم مثل البحث والمطالعة عكس ماكنا عليه في العطلة غير مع اللعب والترفيه عن النفس هذا هو هدفنا الوحيد
وثاني حاجة مفرحتني انو رايحة نتلاقى مع اصدقائي والطلبة لي نقرا معاهم اكيد ما ننساهمش
ودرك حبيت نسمع الاراء نتاعكم كل واحد يقولنا اذا راه فرحان ولالا ولازم يعطينا السبب :angel_not::angel_not:
​

 

[vampire02]

ههههههه انا راني نخمم شا ينوضني غدوا الصباح ​

 

[belgacem39]

يعطيك الصحه اختي

انا منقراش سايي كملت قرايتي و راني خدام

مي نهار الاربعاء يخلاصلي الكونجي و نرح نخدم

راني في حاله كي يخلاصلي الكونجي نديقوتي من كل شيء

و انتوما لي تقراو مليحا لقرايه

ربي يوفقكم يا ربي

سلالالالالالام​

 

[ايمان 02]

يعطيك الصحه اختي

انا منقراش سايي كملت قرايتي و راني خدام

مي نهار الاربعاء يخلاصلي الكونجي و نرح نخدم

راني في حاله كي يخلاصلي الكونجي نديقوتي من كل شيء

و انتوما لي تقراو مليحا لقرايه

ربي يوفقكم يا ربي

سلالالالالالام​

يعطيك الصحة خويا بلقاسم وربي يوفق الجميييييييع

 

[~ مستشـآرهـ طـرزآنـ ~]

يااااااا ربي....راني كارهة اليوم تاع غدوة
باسكو والفت على القعاد و الراحة و توجور نوض على ال10....مي دومان راح يتبدل كل شئ.....مانعرف كيفاه راح يفوت علي اليوم..! ! !​

 

[hala.21]

منيش حابة نوض بكري :crying::crying:

 

[وردة رمال الصحرا]

ايه اختي روحي وجدي أدواتك إذا ما وجدتيهمش ههههههههههه
انا خاطيتكم نتوما كي كان عندكم عطلة كنت انا نفوت في لي exams و ما عنديش عطلة حتى لماي ان شاء الله
راكي كيما انا كي تجي العطلة نحبها بصح كي طول نكره نحب نرجع نعمر وقتي ....ياو هكذا العقليات ولا بطل هههههه

 

[** غزال الصحراء **]

الديماراج صعيب , والفنا الرقاد

و المشكل عندي Tp مع الصباح

المهم عودة مدرسية موفقة للجميع إن شاء الله .

 

[dou1]

مررت خطاء القراية نسيتها
انا كذلك نخدم.......................ربي يوفق الجميع

 

[MIDO.DODO]

اييييييه غدوة نرجعوا لوجع الرااااااااس
ياو راني كاره القرايا 15 نيوم و انا نوض على ال11
و غدوة على 7 ماعرف واش راح ينوضني
و زيد راني نسيت كيفاش نحكم الستيلو و نكتب عندي مدة ماهزيتش الكراس ربي يجيبك ياطولت البال
بصح من جهة أخرى مليحة باش نروح ندير الفوضى
هذا واش نحب في الليسي هههه
بالتوفيق لكم جميعا
​

 

[salma2010]

اكتر شئ مزعج بالدراسة هو نوض بكرى مممممممم

 

[dana1993]

لي راه مقلقني الكرسي اليابس هاداك ههههه

 

[hala.21]

ارقدو خيرلكم وشمن قراية..الي قرا قرا بكرري

ههههههه​

ههههههههه
رد يطلع المورال:thumbup:
ايا تصبحو على خير نروح نرقد
في رعاية الله

 

[MIDO.DODO]

لي راه مقلقني الكرسي اليابس هاداك ههههه

هههههههههههه
هذا واش قلقك نتي ادي كرسي معاك من الدار
:angel_not:
​

 

[الورد الأحمر]

والله صراحة راني فرحانة على خاطر قلقت من القعدة في الدار
مهما نخرج تجيني الخرجة صامطة،وزيد كيما قلتي نلقا
جماعتي لي عندي قداه ما قصرتش معاهم،سيرتو درك
الجو صحا والشمس طلت القعدة تحلى،واشيا حاجة
برك تقلّقني،التبكار ما نقدرلوش وغدوة نقرى
على 08سا00 والله بزّاف عليّا
...
​

 

[~ مستشـآرهـ طـرزآنـ ~]

ارقدو خيرلكم وشمن قراية..الي قرا قرا بكرري

ههههههه​

هذي هدرة ولا خلي...يعطيك الصحة يالشهبندر
مي مانيش مواقفة معاك في كلمة *ارقدو*...نورمالمون تجي في بلاصتها *اسهرو*..هههههههههه​

 

[السلطانة]

والله قلبي تفتت غاضتني العطلة غدوة تصبح عليا ماما اي نوضي راح عليك الحال
ومباعد يفوتو الايامات ويجيو الامتحانات يالهوي يالهوي
خلي برك مانتصورش خير

 

[إحســاس بــراءة]

هههههههههه
ايمان الموضوع راني شفتو روطار
لاخاطر اليوم تلاقيت بيك في الجامعة هههههه مالا ماعندي واش نقول
والفنا الدار في العطلة هادي مي لازم لقراية هي الصح
مرسي ايمان

 

[02asma02]

هههههههههههه
المنواض بكري هو الي ما نقدرلوش بصح نهار الاول نتاع الدخلة يفوت هاااااايل مع الاصدقاء انا توحشتهم بزاف
​

 

[SOUHA]

هههههههههههههههههههههههههههههه الي قرا قرا بكري

دراسة موفقة للجميع