النية والقلوب

[ذكرياتي 84]

السلام عليكم ورحمة الله
بسم الله والصلاة على رسوله محمد صلى الله عليه وسلم
احبتي الكرام
انا اليوم كاين هدرة تدور في راسي من زمان ومع الوقت بدات تكبر ونشوفها بالزاف
انا نعرف بالي اقرب الناس الي ربي هوا الطيبين والطيبات
في البنت كي تكون مصلية ومتحجبة وملتزمة وقلبها مليئ بالايمان
انا حبيت نحكي على قلوب الناس سيرتو البنات انا اليوم قاصدة النساء
كي تكون بنت او سيدة فيها مواصفات الاخلاق والاسلام لازم تكمل تكون قلبها مفيش الكره والحقد او النميمة او الخبث وتكون نية صافية وقلب لطيف
لكن والله العضيم لا اقصد اهانة بنت بصح العكس يصير اي وحدة نعرفها تكون متحجبة وتصلي ومتدينة يكون قلبها خايب
تكون حاملة صفات ميشوفها غير الي يعرفها مليح
الحق انا كي نشوف بنت هكا نتشوكى تلقى بنت متدينة تعمل حوايج اكثر من بنت متبرجة ومتصليش
علاش هكا ربي قال انما الاعمال بالنيات مي وين النية هنا كي تكوني تتقربي لربي وانتي مراكش مليحة مع لعباد تجبدي هاذا تكرهي هاذا تقصي على عبد تقطعي صلة الرحم :angry: متتهلايش في مرى معاك ولا عمتك ولا خالتك تحرشي خوك على زوجتو ...........
الحق انا مستائة من هاذ الش خليك تخافي ربي صح وامشي في طريق واحد..........................
انتم اقراو الموضوع واحكو كيما تحبو....................ممكن كاين ناس زي شافت هاذا الشي وناس لا
واسمحولي اذا حكيت وبنات معجبهاش مي هاذي هي الحقيقة نتمنى نلقى جواب............................نتمنى تزول العقلية هاذي ونصدقو صح في حياتنا النفاق خايب والنية راهي تخرج في اي انسان
وشكراااااااااااااااااااااا

 

[ذكرياتي 84]

..............................................................؟

 

[Bob Marley]

والله موضوع في القمة وكاين منها
لبسا شال وحسباتو خيمار
وش من حيجاب حيجاب من الفوق خيمار ومن تحت سروال محبوك خلون من هذي لعفيس
وخلي برك
وني اه يانية لكن تخدع في روحه مشي في ربي ولا الناس
شكرا على لموضوع​

 

[ذكرياتي 84]

وين الغاشي لاخر نشوف لاردود ؟

 

[chouchita]

* موضوع رائع حبيبتي مشكورة
* ان شاء الله رايحين نعملو على ان تكون قلوبنا خالية من الكره والحقد​

 

[hind*alg-]

يا مشبح من برا واش حوالك منداخل
كاين ناس تدعي دين تاتي بؤمور مخالفة لدين
سواء لمرة ولا راجل
لمرا دايرة جلباب ودل في لجوامع وهي دايرة حالة في عجوزتها في دار ومجالسها غير نميمة وغيبة وحسد........


وراجل داير لحية يسرق في ناس ويبغظ ناس




ولله يااختي عندك لحق...........شكرالك
وربي يستر

 

[*بسمة]

مش لازم تكون متحجبة حتى دايرة الخمار برك وتصلي وشادة في روحها نورمال

 

[MR-REDOUANE]

يضمرون في قلوبهم ما لا يبدون.... الناس تاع زوج وجوه اللي نكره منهم سيرتو اللي لاعبينها مدينين يعود يشوف في الزوالي شوفة و لمرفه شوفة يحضر جنازة الغني و يغيب عن الفقير و انت كي تشوفوهم تقول هذا ما ندي
​

 

[02asma02]

مول النية يربح
مشكورة اختي
​

 

[Badech]

ـبسم الله الر ـحم ــن الرحيمــ
وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

إنما الأعمال بالنيات ـــــ .....

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..​

 

[tatyana]

عندك الحق اختي وانا وحدة من الناس جربت طفلة متحجبة الله بارك حجاب تاع الصح والصلاة بصح القلب كحل ودير حوايج وتهدر هدرات والله راسي حبس وكاين تاني بنات لا حجاب لا صلاة بصح قلوبهم بيضاء كيما لحليب وعلى نيتهم الله غالب هدي هو وقتنا وربي يسترنا

 

[loca]

واه صح واش قلتي خيتي وهادي لي تاثر فيك كي تشوفها متحجبة وهي خاليتها بصح مغادي تضر تواحد من غير روحها واش ديري معاهم حاسبين رواحهم راهم ملاح ويعرفو بصح ميطيح في الحفرة غي شاطر لي يعرف مرسي عليك ازين موضوع زين بزاف ختوووو.

 

[Anissa_vanissa]

المظاهر خداعة اختي
وما في القلب لا يعلمه الا الله
الطفلة متحجبة ولا لا مش مقياس نحمكو بيه على وش في قلبها ونواياها

 

[ذكرياتي 84]

لي يخلص النيه يخلصها لمولاه والنيه ومن تما العمل بما امرك به
ماشي تصلي ومتصلش الرحم او متزكيش او منيش عارف
كاين لي يقلك اني مليح مع ربي العباد ميهموش وناسي بلي هو امرو بدوك لحوايج

مشكور اخي تقبلت ردك

 

[ذكرياتي 84]

* موضوع رائع حبيبتي مشكورة


* ان شاء الله رايحين نعملو على ان تكون قلوبنا خالية من الكره والحقد​

شكرا اختي كل واحد الايمان الي في قلبو
يعلم بيه كان ربي

 

[ذكرياتي 84]

يا مشبح من برا واش حوالك منداخل
كاين ناس تدعي دين تاتي بؤمور مخالفة لدين
سواء لمرة ولا راجل
لمرا دايرة جلباب ودل في لجوامع وهي دايرة حالة في عجوزتها في دار ومجالسها غير نميمة وغيبة وحسد........


وراجل داير لحية يسرق في ناس ويبغظ ناس




ولله يااختي عندك لحق...........شكرالك
وربي يستر

مشكورة حنونة على ردك وكلامك الصادق

 

[ذكرياتي 84]

يضمرون في قلوبهم ما لا يبدون.... الناس تاع زوج وجوه اللي نكره منهم سيرتو اللي لاعبينها مدينين يعود يشوف في الزوالي شوفة و لمرفه شوفة يحضر جنازة الغني و يغيب عن الفقير و انت كي تشوفوهم تقول هذا ما ندي ​

نحنا منقصدوش الغاشي كامل
مي كاين غاشي منافق

 

[ذكرياتي 84]

مش لازم تكون متحجبة حتى دايرة الخمار برك وتصلي وشادة في روحها نورمال

صح كلامك صواب والله انا شفت بناة ناقصين دين مي والله قلوب متتعوضش

 

[ذكرياتي 84]

مول النية يربح

مشكورة اختي ​

شكرا حنونة تعيشي

 

[ذكرياتي 84]

والله موضوع في القمة وكاين منها

لبسا شال وحسباتو خيمار
وش من حيجاب حيجاب من الفوق خيمار ومن تحت سروال محبوك خلون من هذي لعفيس
وخلي برك
وني اه يانية لكن تخدع في روحه مشي في ربي ولا الناس

شكرا على لموضوع​

[/QUOTEحقيقة الدنيا ضرك تاع مفاتي علامات القيامةالصغرى
العفو اخي مرورك طيب