- إنضم
- 15 مارس 2009
- المشاركات
- 8,142
- نقاط التفاعل
- 3,563
- النقاط
- 356
خير و عافية عليكم
بون ماجلان هو مكتشف و رحالة معروف ..مات مقتول :crying: ..
ونا كي كثرت مواضيع تاع اللقاء قالولي راك ماجلان اللمة
منهم سي هشام و زوج خرين نكماصي في الميضوع :angel_not:
ما يخفالكمش بلي مدينة برج بوعريريج بعيدة على سطيف بـ 75 كلم ..حاليا ولات 60 مع لوطوروت ..يعني 15 كلم كلاوها :scared:
الفايدة عندي وقت ونا حاب ندورها ..باسكو منعرفهاش ومادي عليها نظرة بانها صغيرة و و و ..
حتى اعضاء اللمة البرايجية واحد ما عرفنا عليها :sneaky2:
كانو عندي ومزالو صحابي بزاف برايجية قراو معايا في جامعة فرحات عباس في سطيف و كل مرة نقول نزورهم وما تكتبش ..:sad:
البارح صدفة روح صاحبي من فرانسا يدير تور و جاب الطوموبيل و قالي لازم نقيسو للبرج ( نروحو ) توال صاحبنا نزوروه
و ديمارينا وتلاقينا بصاحبنا و درنا فيها جولة في المدينة من الوحدة حتان الخمسة و لاكثر تاع العشوة
عرفت فيها البرج بلي ولاية شابة و كبيرة و نظيفة و مافيهاش السيركيلاصيون بزاف كيما في سطيف .. عجبني الدوران فيها و شوارعها الهاديين و الهايلين .. تالمون صاحبي لاخر عجباتو قالي انا نخلي سطيف و ندير فيها وحدة برايجية هنا ونسكن هنا :001_wub: هههههه
درنا بزاف احياء ..الكوشة ..مونيا .. الميل ويت ( 1008 ) .. دوزيكتار ..لي سيصون .. فوبور .. ونسيت لخرين متلومونيش :blushing:
المرة الجاية نعاود نديرلها تور a pieds باسكو في الطوموبيل ما شفيتش على الكارطيات :cursing:
عجبوني ثاني تسميات تاع حوانت فيها
.. Mc -Mourad :confused1:
:angel_not: .. taxi food
ههههههههه
المدينة جميلة ..لكن الله غالب التصاور خرجو شويا مظلمين باسكو كانت مغيمة :sad: و كنت داخل الطوموبيل نصور و الباربريز مغبر :glare: بصح خير من والو
جبتهم باش تنحو بيهم شوي ديقوطاج وتتعرفو على مدينة البرج اللي عجبتني
المرة الجاية ربما نتلاقا باعضاء من اللمة فيها والله اعلم
نخليكم مع التصاور
تصويرة تاع عمي google ارض
هاذو صور من حديقة la citadelle
صور جميلة للمدينة ..و عذرا على رداءة الصورة
هذي صورة المحكمة وبنائها الجميل
هذي الولاية و طابعها المعماري المتميز باناقتو
انا وصديقي في حي نسيت اسمو ههههههه
هاذي صورة من حي كوشة .. اللي تكثر فيه الحركة النسوية نظرا للمحلات التجارية ذات الطابع نسوي فيه
هاذي داخل مطعم راقي .. مع زوج صحابي ..بلا ما تقولولي علابالي انا هو البوقوص فيهم :001_wub:
ههههههههههه
اخيرا ان شاء الله يكونو عجبوكم التصاور و الرحلة باسكو عييت ونا نطلع فيهم ونروسايزي في لاطاي تاعهم
والى رحلة اخرى ان شاء الله
آخر تعديل:
