شجاعة شرطية اللمة

[السلطانة]

السلام عليكم
ليوم مارحتش نقرا قلت خلي مالا نطيب لغريبية هيا بديت فيها عين عليها وعين على اللمة ودردشة مع الاخت poliyanna
جاتني شوي حلوة المهم تعجب شوي
وانا في الطلية تاع الغريبة بعثتلي صاحبتي ابتسام القالمية
ميساج قالتلي صحبتنا تقرا معانا قالتلك جيبيلي كراسي لي عندك غدوة عندها ميكرو:scared:تشوكيت جيت نضرب للساعة لقيتها الربعة يعني راح الحال ولازم نرجع الكراس للطفلة ولاتدي 00
:crying:عيطت لهاديك الطفلة قلتلها تستناني قدام واين يحبسو ليbus
لبست المونطو وهزيت السيوانة وخرجت خيط هيا وانا في الطريق طاحت عليا وحد النو يالطيف معاها الريح تقول الشتا مشتية
وزيد الندبة لكبيرة تgطعلي الصباط ماشيا ورجلي على برا
:crying::crying:لقيت الطفلة اعطيتلها كراسها وطلبت منها السماح
ورجعت للدار وانا ماشية في الطريق وليت حكاية هادا يقولي يامولات الصباط لمقطع وهادا يقولي حتشي درك نشريلك صباط ماتبكيش المهم وليت قردة :cursing:
المهم ماتضحكوش بزاف ياجماعة تمرميدة كبيرة فوتها اليوم :crying:وغير كي رجعت الكراس للطفلة برك لاتزيد ماتخدمش وتدعيني تكملي صح بالراتراباج :001_wub:
هيا قولولي نتسمى شجاعة ولالا؟

 

[nawal1980]

هههههههههههه
والله حكايتك حكاية
انتي شجاعة ونص ونستعرف بيك ما خليتيش الطفلة تتوندي
الله يكتر من متالك بصح بلا صباط المقطع هههههههههه

 

[بنـ MaPa ـت]

وليتي كيما السردوك لمشمخ هههههههههههههههه....سمحيلي و الله غير قتلتيني بالدحك نشالله ماتتعاودش...هههههههههههههههههه..​

 

[zagane]

السلام عليكم
المرة الجاية لبسي زوج صبابقط كي يتقطع واحد يبقى الثاني

 

[nessrina]

هههههههههههههه نستعرف بيك يا شرطيتنا و ماشي خسارة فيك كي الصباط تقطع ههههههه

 

[السلطانة]

هههههههههههه
والله حكايتك حكاية
انتي شجاعة ونص ونستعرف بيك ما خليتيش الطفلة تتوندي
الله يكتر من متالك بصح بلا صباط المقطع هههههههههه

شفتي اختي نوال صرا فيا الباطل
وكملتلي بالصباط المخرد

 

[M!ss D!or]

ههههههههه والله عدا عليـــك نهـــار بنهــــاريــــن
شفتي الغريبة واش ديــــر هههههههه
مي الله يبارك عليك شجاعة تاع الصح عاطية الدنيا بـــ coup de pied هههههه
لاعلبالك لا بالطفلة لا بصباطك هههههههه
المهم كي منعيها من 00
النش عملك ضل هههههه​

 

[السلطانة]

وليتي كيما السردوك لمشمخ هههههههههههههههه....سمحيلي و الله غير قتلتيني بالدحك نشالله ماتتعاودش...هههههههههههههههههه..​

دجاجة مشمخة خخخخخ
انشالله ماتتعاودش ندرح مابقيتش نسلف حتى كراس

 

[HWK4ALGERIA]

السلام عليكم
ليوم مارحتش نقرا قلت خلي مالا نطيب لغريبية هيا بديت فيها عين عليها وعين على اللمة ودردشة مع الاخت poliyanna
جاتني شوي حلوة المهم تعجب شوي
وانا في الطلية تاع الغريبة بعثتلي صاحبتي ابتسام القالمية
ميساج قالتلي صحبتنا تقرا معانا قالتلك جيبيلي كراسي لي عندك غدوة عندها ميكرو:scared:تشوكيت جيت نضرب للساعة لقيتها الربعة يعني راح الحال ولازم نرجع الكراس للطفلة ولاتدي 00
:crying:عيطت لهاديك الطفلة قلتلها تستناني قدام واين يحبسو ليbus
لبست المونطو وهزيت السيوانة وخرجت خيط هيا وانا في الطريق طاحت عليا وحد النو يالطيف معاها الريح تقول الشتا مشتية
وزيد الندبة لكبيرة تgطعلي الصباط ماشيا ورجلي على برا
:crying::crying:لقيت الطفلة اعطيتلها كراسها وطلبت منها السماح
ورجعت للدار وانا ماشية في الطريق وليت حكاية هادا يقولي يامولات الصباط لمقطع وهادا يقولي حتشي درك نشريلك صباط ماتبكيش المهم وليت قردة :cursing:
المهم ماتضحكوش بزاف ياجماعة تمرميدة كبيرة فوتها اليوم :crying:وغير كي رجعت الكراس للطفلة برك لاتزيد ماتخدمش وتدعيني تكملي صح بالراتراباج :001_wub:
هيا قولولي نتسمى شجاعة ولالا؟

فكرتيني في زهري ، يعني السباط ماقررش يتقطع غير اليوم والمطر ثاني.

 

[Sârsoùra L'mkàlChà]

ههههههههه

والله غير بوليسية نتع الصح

بالصح نصيحة مني

المرة الجاية ديري سباط سوكور في صاكك ياك حنوونة

ههههههههههههههههه


​

 

[POLIYANA]

المهم كي خلصتي الغريبية تاعك خير من خليتيها على النص وزدتي خرجتي للطفلة ورجعتي في هاديك الهانة تكملي فيها هههههه والله تشنشيفة نستعرف بيك
علابالك نتي تعول عليك اللمة وتزيد نورمالمو يعطيوك gراد كتر​

 

[السلطانة]

السلام عليكم
المرة الجاية لبسي زوج صبابقط كي يتقطع واحد يبقى الثاني

وعليكم السلام هيه المرة الجاية ندير حسابي خخخخ

 

[السلطانة]

هههههههههههههه نستعرف بيك يا شرطيتنا و ماشي خسارة فيك كي الصباط تقطع ههههههه

الله يسلمك حنونة

 

[نجاة40]

فكرتيني في واحد النهار كيما انتي بصح انا طحت في بلاصة
خلي برك مانقولكش كانت مغطية واذ به سقطت في بئر من الزيgو حاشاك
وروحت صباط في رجل ولخرى حفيانة​

 

[السلطانة]

ههههههههه والله عدا عليـــك نهـــار بنهــــاريــــن

شفتي الغريبة واش ديــــر هههههههه
مي الله يبارك عليك شجاعة تاع الصح عاطية الدنيا بـــ coup de pied هههههه
لاعلبالك لا بالطفلة لا بصباطك هههههههه
المهم كي منعيها من 00

النش عملك ضل هههههه​

ماتتصوريش قدماش النش لي عشتو هههه
:crying:نغيض

 

[AnGeL*dZ]

انتي فحلة اختي
نهار ولا احلى هههههههههه
​

 

[امورة المنتدى]

هههههههههه يا عيشة ميسكينة ماعليه تكبري وتنساي بصح قوليلي ويناهي الغريبية تعرفيني نحبها موووووت

 

[السلطانة]

المهم كي خلصتي الغريبية تاعك خير من خليتيها على النص وزدتي خرجتي للطفلة ورجعتي في هاديك الهانة تكملي فيها هههههه والله تشنشيفة نستعرف بيك


علابالك نتي تعول عليك اللمة وتزيد نورمالمو يعطيوك gراد كتر​

تعرفي اختك لاتعرف المستحيل خخخخ
صحيتي على المرور

 

[SOUHA]

Hhhhhhhhhhhhhhhhhh
raki wahdk ya aicha

 

[السلطانة]

لوكان قلتيلنا نديرولك تيليطون يا عيشوش هههههههه:001_tt2:

ايا هاكي هادا كادو من عندي​

اااااااه لوكان جيت انا من قالمة و شفتك هكاك هههههههه ندير فيك رايي نهبلك
راني تخيلتك مت بالظحك :yahoo::lol:​

ياماما الطالو باش نزيد نطيح بيه نتكسر خخخخ
لمزية ياعادل ياخويا ماكش قالمي :scared:سينون راك عقدتني تاع الصح