يا بنات اللمة عاونووووني ربي يستركم ؟؟؟؟؟؟راني حيرة؟؟؟؟؟

[Amira43]

السلام عليكم ورحمة الله تعالى وبركاته ...انا عندي مشكل نتمنى تحلوهولي ربي يستركم مالقيت لمن نشكي هو انا بكري .......كنت نحب صح مي درك عندي 4سنين وانا عايشة في دوامة عدت الطفل الي نشوفوا نحصل فيه ...راكوا فاهميني ....مي بصح وكي نحصل فيه سمانةولا 15يوم نولي نورمال عااااااااااااااااااادي نطيشوا ......انا راني رايحة نهبل واش ندير ياربي ....عاونوني ربي يستركم ......اتمنى التفاعل

 

[sad_pb]

سامحيني ماعنديش اكسبريونس باه نعاونك الله غالب شدي في ربي برك

 

[احلى لمة]

الله يعونك اختى

 

[المزعجة]

واش نقولك ربي يسترك الدنيا واعرة يا ختي ردي بالك

 

[بنـ MaPa ـت]

راهو صاريلك كيفي انا تاني دوك واحد راهو مهبلني مي على سمانة نرميه ونپاسي للتاني..​

 

[moni92]

هاذا لعب ماشي حب ونقلك خليك من هاذ الحوايج وروحي الهاي بقرايتك نضن مراهقة.

 

[GI Joe]

a vrai dire je crois que c n importe quoi.

aucupe toi d autre chose ça t aidera pt etre

 

[الجوهرة الجزائرية]

يا اختي الدنيا واعرة وهادي مش خدمة الدراري راهم يلعبوا بلبنات

 

[zineb-setif]

أنا نقلك خليك من هذو الحوايج
وراه عمرك 17 مازالك صغيرة حنونة
ألتاي بقرايتك وخليك من أصحاب السوء
وقولي ليماك تقول لباباك باش يعطيك طريحة باش تبطلي من هذا اللعب تاع البنات راه يدي للهاوية
وهذي نصيحتي نتمنى تتقبليها بصدر رحب
وشغلي روحك بأشياء مفيدة
وإذا مقدرتيش تقاومي نفسك الأمارة بالسوء زوري طبيب نفساني
وراني نهدر معاك بالصح
والله يفرج عليك أختي

 

[w@hiba2010]

هذا ليس حب
وانما مجرد اعجاب فقط
وهاذي الحالة تكون بزاف في مرحلة المراهقة
وحاولي اختي انك تشغلي نفسك عن هن هذه الامور
وتحاولي كيفاه تنحيها وتمسحيها من ذهنك ومخيلتك
لانها ماهي اللا مجرد افكارلا غير
اومايكون غير الخير ان شاء الله
شدة وتجوز
وا باالتوفيق

 

[امل الجزائريين]

انا نشوف انو مجرد اعجاب لازم تقاومي رغبتك و بالعكس اللي يعجبك حاولي تكسبيه كصديق

 

[anissa 13]

حبيبتي انت راكي في سن المراهقة حظي راسك مليح الدنيا صعيبة
يقد أي واحد يوهمك بلي يحبك مي يمون ناوي حاجو اخرى من جيهتك
و نظن مانزيدش نحكيلك التفاصيل راكي تعرفي
لتهاي في قرايتك و الحب خليه على جهة مازالكي صغيرة عليه​

 

[mina23]

صدقيني أختي هذا ليس بحب، وحاولي تتجنبيه أقصى ما يمكن واشغلي نفسك بأشياء مفيدة، فدراستك أولى ومازلتي صغيرة وإن شاء الله تكبري وتلقي الحب الحقيقي، والحب الحقيقي في رأيي يكون في أسمى معانيه بعد الزواج

 

[Elif DZ]

أختي العزيزة
أود أن انصحكـ بصفة عامة أن تبتعدي عن هذا الطريق فهو لا يجلب سوى الهم و الغمـ و لتتوجهي إلى الله بقلب صاف
ما يحدث معكـ طبيعي فأنت في سن المراهقة لكن لا يعني هذا أن ننجر وراء مشاعرنا
امسكي نفسك و قاومي
​

 

[جيهان السوفية]

ردي بالك يا أختي الدنيا صعيبة لازمك تلتزمي شوي علاه راكي تتنقلي
انت مازالك صغيرة والحياة مازالت طويلة وراكي تشوفي فيها ياسر
تولهي بقرايتك وانسي هالحوايج الطايشة والاولاد راهم يلعبوا
ربي يهديك ويهدينا

 

[نور الصباح الجزائرية]

واش هاد الشيء مزال اصلا ما وصلتيش سن الحب اخطيك مراهقة روحى الهاى بقرايتك و اخطيك من اللعب عيب تحكى فى هاد الوضوع و تزيدى تقولى عندى 4 سنين اصلا شحال فى عمرك و يكتاش وليتى تحبي من نهار زدتى
و الله غريب

 

[ام انيس]

اختي ارجو ان تراجعي نفسك قبل فوات الاوان لان الدنيا دوارة يوم ليك ويوم عليك فتقبلي اختي هاته النصيحة
وارجو ان تتعقلي فهاته ليست بلعبة ربي يلهمك الاختيار الصحيح الذي يحميك من الغابة التي نعيش فيها

 

[barca_barcha]

اسمحيلي دخلت لموضوعك عير باش نقولك حاجة برك :أمثالك كثيرين فحاولي أن تجدي شخصية لنفسك فالمرأة لواحد فقط

 

[HMD CAB]

ماكانش حاجة نكرهها فالطفلة كيما هاذ التمسخير
ربي يكون في عون باباك او خوك هذاماكان​

 

[المسلم حسني الجزائري]

اسمحيلي على التدخل في الموضوع اختي
نصيحة من اخ الى اخته دعك مما تفعلينه ليس هاته الطريق التي تفوزين فيها
صدقيني اكبر خاسر في هذا الطياش هو انتي
اذا كان لا يوجد حب من طرفين فلا داعي لاكمال الطريق
اخ لك يريد مصلحتك