رواحو تتفرجوا الشهبندر و الكناري السعيد حبو يتقاتلوا في بيتي بسبب الانتخابات -الحلقة1

[zagane]

السلام عليكم
أولأ أستسمح الشهبندر و الكناري السعيد على طرح هذا الموضوع
هادي مجرد مزاح الكناري السعيد و الشهبندر راهم أكثر من إخوة حتى في هذه الانتخابات و كلنا إخوة في منتدى اللمة إن شاء الله

إليكم الموضوع ......

رواحو تتفرجوا الشهبندر و الكناري السعيد حبو يتقاتلوا في بيتي بسبب الانتخابات


ليوم عرضت الشهبندر و الكناري السعيد لبيتي على مأدبة عشاء البركوكس

لكن دار بينهم نقاش حاد حول الحملة الانتخابية الحالية
حبو يتقاتلوا لي في البيت و يباصونى غير ربي ستر برك
إليكم ما جرى ،،،،،،،،،،،من حديث

ZAGANE

،،،،،،، تفضلوا مرحبا بكم الدار داركم

الشهبندر :

مبتسم ههه يزيد فضلك سي zagane

الكناري السعيد :

اممممممم بارك الله فيك ولد بلادي zagane

--------هادي حالتهم قبلة الشجار شوفو الشجار و من بعد شوفو حالتهم بعد الشجار --------

الشهبندر : كون علا بالي راك عرض هاد الكناري السعيد كنت ما نجيك
الكناري السعيد : زاعما أنا كون علا بالي نجي يا سي شهبندر التجار
الشهبندر :ياخي يا سي الكناري كيما راك راك كناري سعيد وش حب تزيد دير بالتميز
الكناري السعيد : و إنتا كذالك راك شهبندر التجار كل شي تحت يديك وش دير بالتميز
الشهبندر : أحنا قدماء مجاهدين اللمة و تجي علينا نسيرو سياسات اللمة خوك من 13 /08 /2008 راه مناضل في حزب لمة التحرير الوطني أكثر من 1172 مشاركة
الكناري السعيد :ها حي عليك أنا غير من وراك نظميت ل حزب لمة التحرير الوطني في 03 /03 /2009 و شاركت في أكثر من 15000 موضوع ما نهدروش على الأوسمة
الشهبندر : تحت نيفو بلعقل يقول في همس ...نصها كامل منقول .....
الكناري السعيد :جا نايض ...عاود وش راك تقول .......

ZAGANE :يا جماعة جبتكم تعاشاو و لا تشعلو النار في بيتي .....و أنتما في زوج ناس ملاح ستي كامل اللمة يحابوكم و هادي مجرد إنتخابات تعاشاو الطعام برد

الكناري السعيد : هو لي بدا يحرض الناس ضدي .و ........
الشهبندر :مقاطع ..أنت يا كناري كون ناحكمك نيدخلك في قفص ..علاش مش تحكم القفص ديالك و تريح ...........
الكناري السعيد :مقاطع ...و أنت علاش ماشي تحكم السوق نتاعك و التجارة و تريح ، ما كفاكشي التهريب تاع الردود و المواضيع و التجارة في المواضيع الممنوعة و ضياع في الشباب و تخدر فيهم بالمواضيع السامة........
الشهبندر : أنت لي عندك جنحين تضل تطير في المواضيع عقل مليحة من اللمة لي الخارج و تجيب المواضيع الممنوعة لا ريجيستر لا دومين كل شي بي الدليل
الكناري السعيد : أنت لي تضل تتهرب من الضرائب و عندي وتائك تثبت هذا

ZAGANE : في قلبو يقول كون غير ينوضوها بونيه ..-.-..و يقول ليهم بلعقل يا جماعة تعشاو راه برد
ياك الصناديق هي الفصل بينكم و الناس راهي تفوتي
إنشا الله تعادل

----------------------------------:cursing:--------:cursing:
بداو ياكلوا و يخزرو في بعضهم :sneaky2::sneaky2:



و هادي حالات الكناري و الشهبندر بعد النرفزة بعد الشجار هادي

الشهبندر المنرفز:

الكناريالمنرفز :

هادي مجرد مزاح الكناري السعيد و الشهبندر راهم أكثر من إخوة حتى في هذه الانتخابات و كلنا إخوة في منتدى اللمة إن شاء الله


للحديث بقية .........الحلقة2 .

 

[** غزال الصحراء **]

تمت الموافقة على الموضوع و إعتماده

 

[dana1993]

ههههههههههههههههههههه
خاوة خاوة وماتفارقهم عداوة ان شاء الله
ولي داها مبروك عليه​

 

[Elif DZ]

مبرووك للفائز منهمـ و ماكلاه نزكو النااار
​

 

[السلطانة]

موضوع شيق
شكرا هما واحد

 

[الأستاذ مصطفى]

ههههههههههههههههههههههههههههه
والله أنت حاجة فووووووووووور
منين راك تجيب فالهدرة أنا خيك بصح والله غير تحفتها تاع الصح
أنا والشهبندر أقسم بالله ماكنا نعرفو بعضانا لكن هاذي المنافسة خلاتنا نعرفو بعضانا مليح وخلاتنا خاوة تاع الصح ومتنافسين مش اعداء
والله غير فوتنها هاذو يومين عالاما وتحسب صح إنتخابات ونص معايا ونص معاه والمدابزة ههههههه
وإن شاء الله كامل المتنافسين يفوتوها كيما حنا ومش شرط تفوز والله الحاجة المهمة فيها أنك تعرف صحاب جدد ورجال بمعنة الكلمة
بصح أنت أعقل فيها ضرك نتفاهم أنا والشهبندر عليك نخلوك تهرب مالمنتدى ههههه
ربي يخليك خويا ويكثر من أمثالك
​

 

[الأستاذ مصطفى]

المهم انا ريشتو هههههههه

​

هههههههههههههههههههههههههه
بصح أنا نتفتلك شعرك وخليتك تحكي مع روحك
​

 

[امورة المنتدى]

ياااااااااااااااا هعهعههععععععععععععععععععععععع هووووع هييييييع والله غير نستننى الحلقة 2

 

[~ مستشـآرهـ طـرزآنـ ~]

هههههههههههههههههههه
الحرب العالمية الثالثة راهي هنا ههههههههههه
لالا هوما خاوة ومش على جال مسابقة يداوسو
ربي يحفظهم كااامل و الأفضل فيهم راح يفوز​

 

[sandoussa3000]

موضوع يهبل ههههههههه

ربي يوفقكم اخوتي

 

[Anissa_vanissa]

هههههههه واش اداك تعرضهم للعشاء (قولنا برك واش نيتك من وراها )
اك سور كنت حاب تسممهم باش تورث بلاصتهم هههه
ميرسي خويا في انتظار دوزيام حلقة

 

[N@riM@N]

الشهبندر vsالكناري السعيد
في دربي عاصمه اللمه
غـــــــــدا
كــــــــونو في الموعـــــــد​

 

[ISMA.dz]

ههههههههههه قتلتني بالضحك خاوا خاوا بالعقل برك بالصح مسكين الكناري كيفاه ولا؟
في انتظار الحلقة الثانية ههههههههههههه

 

[كبرياء دمعة]

هههههههههههه
هادا كامل مالا غير ازربوا افريوا التصويت
و لا ترجعوهالنا هنا حلبة ملاكمة هههههههه

 

[جوانا]

ههههههههههههههههه والله غيل تقتلو بضحك نتمنى حتى واحد ما يغيض خوه و تكون النتيجة التعادل و أنا من جيهتي صوتلكم في 2 والله و ربي يخليكم دايما متفاهمين و متحابين يا رب

 

[zagane]

السلام عليكم
شكرا على التعليق
نتمنى يكون تعادل هما الإثنين متميزين

 

[Eva dz]

ههههههههههه فور

مي الصورة تاع مصري هععععععععععععع

واش ما صبت ما ادير تصاور جبت مصري

 

[chiva.]

المهم انا ريشتو هههههههه​

​

هههههههههههههه نسلتو روح يا كناري بسلامة :surrender:

ههههههههههههههههههههههههههههه

والله أنت حاجة فووووووووووور
منين راك تجيب فالهدرة أنا خيك بصح والله غير تحفتها تاع الصح
أنا والشهبندر أقسم بالله ماكنا نعرفو بعضانا لكن هاذي المنافسة خلاتنا نعرفو بعضانا مليح وخلاتنا خاوة تاع الصح ومتنافسين مش اعداء
والله غير فوتنها هاذو يومين عالاما وتحسب صح إنتخابات ونص معايا ونص معاه والمدابزة ههههههه
وإن شاء الله كامل المتنافسين يفوتوها كيما حنا ومش شرط تفوز والله الحاجة المهمة فيها أنك تعرف صحاب جدد ورجال بمعنة الكلمة
بصح أنت أعقل فيها ضرك نتفاهم أنا والشهبندر عليك نخلوك تهرب مالمنتدى ههههه
ربي يخليك خويا ويكثر من أمثالك​

ما شاء الله مصطفى المهم كسبتوا بعضاكم عادل ناس ملاح :heh:

 

[sami19280]

بالتوفيق للجميع

 

[beautiful -soul]

فيلم أكشن
ان شاء الله ماتكونش فيه ضحايا في الحلقة التانية
ههههههههههه
...بالتوفيق !! :closedeyes:
...تحياتي
سلام...​