التعوييييييييييييييييييييييييض

[mister lonely]

السلام عليكم ,تلاميذ وطلبة منتدى اللمة الجزائرية
الاساتذة من بداية السنة وهوما اضراب ورا خوه ,يطالبو بحقهم وطبعا جابو حقهم وزادو ,مي المشكلة هي التلميذ ,ضرك الوزير راه يخلط ويجرب في المناهج نتاوعو والاستاذ مين ما يشومر يدير اضراب على الزيادة ,والتلميذ للاسف ظهر ماعندوش حق ,كي جرب التلميذ يجيب حقو كيما الاستاذ (هذا في حال ما اذا صح راهم مدايرينلو حق:glare عيطولو للكاسكيطا سكتوه بيها:busted_red: ,وضرك باش مايخلوهش يخمم في طريقة اخرى يجيب بيها الحق هذا ,حبو يسكتوه وقالولو ارواح تعوض سمانة ,معناه يبدا لقراية نهار السبت الصباح يخلص نهار الخميس على 5.30 ,بدون ساعة راحة واااااحدة .:fish:,وهكذا قالولو ماتسالنا مانسالوك . واش رايكم يعني في الدراسة في بلادنا ولوين رايحة توصل بالطرقة هذي ؟؟؟؟؟؟؟؟؟؟؟؟؟
.
.
.

وشكون راهم رايحين يعوضو السمانة هذي ,وصح التلاميذ معولين يقاطعو ولا لا ؟؟؟​

 

[houda1005]

نهار السبت انا وحدة مالناس مندخلش هوما يgرفو واحنا نسلكو
هاذي برك لي متصراش
​

 

[مي الهدى]

عندك الحق يالبشير والمشكل الاكبر انو في هادى التعويضات نعوضو غير مواد يوم الاثنين والثلاثاء يعني زيادة عن التاخير في البرنامح رايحة اقسام تسبق اقسام في بعض المواد خاصة المواد العلمية بهادا اكل باش الوزارة تسكت الاولياء والاساتدة باش يسكتو الادارة و في النهاية التلميد راح خسارة


ربي يهديهم ويهدينا اجمعين


شكراا لك بشير على طرحك لهدا الموضوع

 

[M!ss_f@ti]

يآآآو راهي تطفر فينآ
أنآ نهآر السبت ندخلـ نقرآ علآه موآلفين بالسبت ولآ نتعلمو

 

[هوازن]

كل تلاميذ غير راضية ياأخي بشير علي هذا التعويض كيما قلت هما يقرفو وحنا نسلكوا
قولي برك هل سنستفيد من هذا التعويض ام لا
فنحن عندنا يابشير يوم الإثنين والثلاثاء إلا الفرنسية والإنجليزية
باش يقلبونا رطار نتاع عشر سنين
نجربوها سمانة لاماخرجتش علينا قرفولهم

 

[manare2009]

الله يعينكم حنا رانا مهنيين (الفراغات بالزبل حشاكم )

ولا نقولك لي خاصو فراغ نفليكسيلو

 

[نور الشمس22]

يااااااااااااااااو نكبرو 9لوبنا و صايي

 

[ايمان ع]

حنا ماش رايحين نعوضو
ربي يوفقكم

 

[M!ss_f@ti]

خويآ بشير احنآ في اليشير نعوضو اليمآت كآملـ السبت لي فآت زعمآ يقرآو programme الأحد
وهآذ السبت يقرآو تآع الاثنين والسبت الثآلث تآع الثلأثآء حتى نكملو 5أيآمـ
يعني نعوضو غير سمآنة

ربي يقدرنآ ان شآء الله

 

[mehamed elhadj]

والله العظيم انا ضد التعويض لانا الانسان ضعيف لكي يستوعب المعلومات
وخاصة نحن في الجنوب درجة الحرارة مرتفعة جدا وقلة نقل الاشخاص ( الريفي )
واش نقولو
الله يهديهم ويهدي امة المسلمين والجزائريين خاصة
نحن نلقب عند الوزارة بـ فأران التجارب

 

[mister lonely]

نهار السبت انا وحدة مالناس مندخلش هوما يgرفو واحنا نسلكو

هاذي برك لي متصراش​

هههههههه كون جات بيدينا كامل مانخلوش يا هدى اختي ,مي الله غالب.

عندك الحق يالبشير والمشكل الاكبر انو في هادى التعويضات نعوضو غير مواد يوم الاثنين والثلاثاء يعني زيادة عن التاخير في البرنامح رايحة اقسام تسبق اقسام في بعض المواد خاصة المواد العلمية بهادا اكل باش الوزارة تسكت الاولياء والاساتدة باش يسكتو الادارة و في النهاية التلميد راح خسارة


ربي يهديهم ويهدينا اجمعين


شكراا لك بشير على طرحك لهدا الموضوع

ايه وثم البروبلام التعويض وماعرفوش واش يعوضو باسكو كون جاو حابين وناويين يعوضو علاجال صلاحنا صح لوكان كل قسم خيرولو المواد لي متأخر فيهم ,بصح الله غالب معامن تهدري ,ربي يهديهم كيما قلتي يا رحاب ومارسي بالبزاف .​

 

[mister lonely]

يآآآو راهي تطفر فينآ
أنآ نهآر السبت ندخلـ نقرآ علآه موآلفين بالسبت ولآ نتعلمو

ايه كامل ندخلو يا اختي ندى ماهيش بيدنا الله غالب.

كل تلاميذ غير راضية ياأخي بشير علي هذا التعويض كيما قلت هما يقرفو وحنا نسلكوا
قولي برك هل سنستفيد من هذا التعويض ام لا
فنحن عندنا يابشير يوم الإثنين والثلاثاء إلا الفرنسية والإنجليزية
باش يقلبونا رطار نتاع عشر سنين
نجربوها سمانة لاماخرجتش علينا قرفولهم

ايه من بكري نحبو نحضرو اللغات وزادو عوضولنا بيهم ,ربي يستر يا اسحاق خويا .

الله يعينكم حنا رانا مهنيين (الفراغات بالزبل حشاكم )

ولا نقولك لي خاصو فراغ نفليكسيلو

ههههه بصحتكم يا ختي ,مكان لاه تضيعيهم غير فارسي واستفادي منهم باسكو ماتعرفي وكتاش يقولولك نتي ثاني غدوا تعوضي .​

 

[mister lonely]

يااااااااااااااااو نكبرو 9لوبنا و صايي

ايه ربي يعطينا الصبر مشكورة اختي على المرور .

حنا ماش رايحين نعوضو
ربي يوفقكم

آمين يا ربي ,تهنيتو ارقدو بالنوم بصحتكم .

خويآ بشير احنآ في اليشير نعوضو اليمآت كآملـ السبت لي فآت زعمآ يقرآو programme الأحد
وهآذ السبت يقرآو تآع الاثنين والسبت الثآلث تآع الثلأثآء حتى نكملو 5أيآمـ
يعني نعوضو غير سمآنة

ربي يقدرنآ ان شآء الله

ايه هذا هو البروقرام لي عطاوهلنا في العناصر نعوضو غير سمانة وحدة ,مي سمانة واش رايح يعقبها . مشكورة اخت ندى على تواجدكك بصفتحي .

والله العظيم انا ضد التعويض لانا الانسان ضعيف لكي يستوعب المعلومات
وخاصة نحن في الجنوب درجة الحرارة مرتفعة جدا وقلة نقل الاشخاص ( الريفي )
واش نقولو
الله يهديهم ويهدي امة المسلمين والجزائريين خاصة
نحن نلقب عند الوزارة بـ فأران التجارب

نتوما لا عوضولكم غير خلوه كريدي للعام الجاي باسكو 15 ماي تغلق المدارس في الجنوب ,مشكور اخي على المرور .

 

[هوازن]

واش رزارفيولهم من ظرك بصح لاز راجعو بزاف لونقلي وفرونسي خاصة فرونسي عند شكولي لازم نحبسولو راسو لازم نيدوخ ولا عربية لازم نتعلموا لثلثوا

ربي يهديهم لانظام ولا منظم ولا تنظيم

 

[هوازن]

واش وش درتوا فيها اليوم
ردلي لخبر

 

[menoubia]

ياو طفر غير فينا احنا ندبر عليكم نرحو نقراوى باسكو طفر غير فينا احنا وخاصة العام الجاي bac ودروس متسلسلة
وعطلة الصيف مبقاش عليها نستحملو وخلاص واش رايحيين نديرو لان غير احنا يلي رايحين نخسرو

 

[mister lonely]

ياو طفر غير فينا احنا ندبر عليكم نرحو نقراوى باسكو طفر غير فينا احنا وخاصة العام الجاي bac ودروس متسلسلة
وعطلة الصيف مبقاش عليها نستحملو وخلاص واش رايحيين نديرو لان غير احنا يلي رايحين نخسرو

حنا من بكري خاسرين في لافير بالتعويض ولا بلاه ,مي عندك الحق الواحد يزيد يفورصي روحو ماعنو مابقا ,شكرا اختي على المرور.