كرهت رني حب نروح ماما خلاص كرهت الجزائر

[406_nassim]

السلام عليكم وشركم ركم لباس

خلاص كرهت الجزائر رني حب نروح ماما


حوار بين الابن نسيم والام محجوبة ماما


الام صباح الخير وليدي

نسيم صباح الفل يما العزيزة

الام وش متروحش تخدم

نسيم لالا كرهت رني ريح

الام وين نسيم وين رك ريح تحوس مع صحابك

نسيم لالالا رني ريايح


الام وين

نسيم رني ريح حراقة رني حب نخرح من الفقر انتعنا خلاص كرهت الجزائر

الام ههههههههههههههههههههه

نسيم علاش يما علاش ركي تضحكي عيلا دك نزعف

الام لالا يا وليدي ضحكتني كي قتلي كرهت وين رك حب تروح

نسيم رني حب نروح كندا ولا سويسرا ولا الاطليا


الام هههههههه ضحكتني يا وليدي مع صباح انا عنبلي رك ريح للسوق جبلي شويا الاخضر بش نطكيب الفطور وانت رك عايش في احلام انتعك وين رهم الدرهم يا وليدي


نسيم يفرج ربي يا يما رني ريح حراقة نتزوج تما وندير مستقبل انتعي تما كي نجي نتهلا فيكم انتي وابي نديكم للحج

الام وش يا وليد رك هبلت ولا وش يا وليدي


نسيم لالاللالا علاش هبلت رني حب نروح كرهت الجزائر


الام وش يا وليدي رك تحلم بزاف وقيل بديت تهبل


نسيم خلاص خليني رني رايح

الام روح تروح ما تولي يا وليد

​

 

[رانيا ميسي]

اخي كي تعود رايح تحرق قولي
نحرق معاك هههههههه
لالا خويا هادي منقبلوهاش
اخدم وكي دير راس مال روح باش ربي يباركلك في خدمتك وانت معول تدي والديك للحج ما لا اديهم بدراهم حلال
انشاء الله افدتك
​

 

[JSK 14 CH]

ماتزيدش تعاود كلمة الحراقة ياخويا خمم في والديك وعلاش مايغيظوكش تحرق علاجال الفقر رانا كامل زواليين الغني هو ربي العاطي هو ربي سبحانو عيش واش كتبلك ربي ياخويا وماتزيدش تعاود الحرقة نحيها خلاص من بالك

 

[*بسمة]

اتهنوا حتى يروح يرجع وقت المونديال باه يفرح معانا

 

[tatyana]

ههههههههههههههههههههههه
ربي يهدي الشباب تاعنا
الواحد كي يحرق وين راح يروح وراهو مايلقاش كيما بلادو وناسها وزيد يخلي الوالدين.................
تقبل مروري

 

[sad_pb]

ربي يعدلها نشالله المهم الحرقة غير الشرعية أنساها خويا

 

[نسمة حب]

الله يهديك نسيم باين عليك ان نورمال خلاه

 

[أية2009]

الحرقة وعلاه ساهلة رد بالك دير في بالك بلي كاين جنة ورى البحر
راهم كامل يتمرمدو في الغربة واذا جات على الدراهم رانا كامل زوالية وربي يفرج
ووالديك اذا تخمم فيهم ابقى معاهم والوالدين يتمناو يشوفو ولادهم دايرين بيهم ويصبحو ويمسو عليهم

 

[منايا الجنة]

ماشي ساهلة لمعيشة في الخارج خويا خيرلك اقعد مع والديك

 

[radia yoyo]

هههههههههههههههههه مليحة المعيشة في الخارج مي يلزملها خدمة مش حرقة
​

 

[loca]

نسيم راني رايحة هاقولي وين ؟ رايحة نحرق بصح خايفة بحر ينشف على خاطر يغيضوني اطفال من تكمل مدرسة وين غادي يفوتو عطلة هههههههه .
اي نسيم نقولك حاجة زينة انت كبير عند ماماك ربي يخليهالك ايا ومن تروح انت شكون غادي يبقى معاها ؟شكون يتهلى فيها ؟ علاش هي جابتك غي باه تكبرك ومن بعد تروح وتخليها؟ لالالا والله ضل تبكي عليك متغيضكش يماك واش من فايدة كي تعذبها وتبكيها ومن تولي ليها تديها للحج او انت غي تروح وتولي ها حتى تبقى 7ولا10 سنين في بالي خطيك ونحي هاد فكرة من بلاك تعيش خيي مافي خاطر تواحد في خاطر ماماك .

 

[ولد بلاد]

اووووو نسيم واش راك تسنى

ايا قلعععععععععععععععع
​

 

[احلى لمة]

ربي يهدي الشباب تاعنا
وعلاش شرنا ندير ؟؟

 

[ولد بلاد]

ربي يهدي الشباب تاعنا
وعلاش شرنا ندير ؟؟

هههههههههههههه كاش قدك يطلبولك الهداية
​

 

[omaima]

ماشي ساهلة لمعيشة في الخارج خويا خيرلك اقعد مع والديك

 

[bom]

خويا مادام عندك والديك أقعد معاهم خير والحرقة مليحة اذا كنت وحداني​

 

[الشلفي02]

أي والله العظيم لا طحتلي في الجرح
ولة وليت رايح صح ٌلي
ديجة أصنع الباسبور تاعك و نعطوها للترك
ومن بعد نطلعو لليونان وربي يديرلها حل
ولة واش قلت شريكي

 

[406_nassim]

الفقر والجوع ولا القعدة في الجزائر رهم حقرينا الدولة هدي بلاد ميكي

 

[AGENT007]

يا أخي كي تجي رايح قلي
واللله ما لقيت واحد كيما انت
هيا نروحوا.....نتبخروا

 

[406_nassim]

يا أخي كي تجي رايح قلي
واللله ما لقيت واحد كيما انت
هيا نروحوا.....نتبخروا

اصبر لمو شويا دارهم يا خويا ورهو جاي صيف ونخمو مليح وعلاش نبقا هنيا الفقر والرخس ف ي الجزائر