- إنضم
- 30 مارس 2010
- المشاركات
- 1,473
- نقاط التفاعل
- 2
- النقاط
- 37
- العمر
- 15
السلام وعليكم، واش راكم شوية ؟ لاباس، الحمد لله.
والله سامحوني ياخاوتي كنت وعدتكم باش نحكيلكم على حكاية الذيب اللي تباع ب 30 مليون في العاصمة، وكنت مشغول في الايام اللي فاتت، واليوم ان شاء الله راح نحكيلكم الحكاية.:u_pc:.
المهم الحكاية واقعية وصرات في الجزائر العاصمة الالفينات يعني السيري تاعها مازال جديد.
المهم جا وحد السيد ودخل للقهوة وريح كأيها الناس، دوموندا قهوة وكاس ماء، وريح داير فيها gاررو ومن بعد وحد النص ساعة عيط للقهواجي وسقساه سؤال غريب،،،،، " خويا انت قهواجي وعندك الغاشي يجوك بزاف ومن كل بلاس خويا اتعيش اذا كاش ماسمعت على ذيب للبيع حتى ب 40 والا ب 50 مليون راني مستعد نشريه، وباين اعليك ولد فاميليا وراني ارتحتلك وعلى هكذاك انا راني نوثق فيك وراح انخليلك عربون ب 5 ملاين وماذابيك في اقرب وقت ادبرلي واحد نحتاجو ايرجون وماذابيك ما تقول لحتى مخلوق":scared:" طبعا القهواجي اتخلطتلو وما فهم فيها والو، حكم هاذوك الدراهم ووعد السيد انو يدبرلو واحد، وطبعا اداه الطمع، وفي نفس الوقت حار كيفاش ايدبر ذيب، المهم من بعد يومين يجي للقهوة وحد الزبون بروبر وهاز وحد الكاج وفيه وحد الذيب صغير يهبل دقول اعليه كانيش، شافو القهواجي وهو سيح القهوة اللي يسربي فيها، المهم راح يجري لعند السيد، وبدا يدي وجيب معاه في لافير تاع الذيب، طبعا السيد قالو ب 30 مليون ومانبيعش ، القهواجي ولى يبكي ويبوسلو في سباطو هذا تمسكين وهذا كذب وهاذا تبلعيط حتى استقنع السيد باه يبيع، القهواجي راح يجري وهز العربون ومعاه شقى لعمر، وجابهم للسيد وترابحو والسلام وعليكم وبارك الله فيك......:tears::tears::tears:.
القهواجي ولى يربح في العيب صحة صحة مع لمعلم، راه داير آفير، ولحق الموعد تاع مول الذيب،،،،،، فات نهار وماجاش ولى القهواجي هاز الذيب ويدور بيه كي المهبول، طبعا لا شاري ولا هم يحزنون، القهواجي اتكوغط التوغيطة اللي هي، والجماعة لعبولو اللعبة برضايتو، وعشى خاسر خدمتو و 25 مليون + قيمة لقهاوي والكرواصون.
امالا هاذي هي زماش ابعيد تلقاو قط امبرهش في نقطة صفرة بين عينيه يتباع ب 10 ملاين والا ورقة تاع كراس 64 صفحة من تاع بكري تتباع ب 500 ألف غير ماكان لاه تشروها والا حتى اتخممو فيها، وفي الخطرة الجاية ان شاء الله راح نحكيلكم على مولا حانوت في تقرت واش اصرالو بورتون مسمار من لمسامر لكبار على مدار تاريخ تقرت وهكاك ونصبو اعليه نصبة كبيرة برضايتو وبالعكس هو اللي حاولهم،،،،، ومازال الكثير والكثير من الحكايات الواقعية، من بينها حكاية كاميو تاع سيما فيه 400 شكارة راحت للسيد بلا مايفيق، وحكاية السيد اللي لعبها عزرائيل وحكاية الدين تاع واحد ميت اللي خلصوهولو الغاشي فاعلين الخير،،،،،، إلخ.
سامحوني طولت أعليكم، آ لا بروشان ان شاء الله.
والله سامحوني ياخاوتي كنت وعدتكم باش نحكيلكم على حكاية الذيب اللي تباع ب 30 مليون في العاصمة، وكنت مشغول في الايام اللي فاتت، واليوم ان شاء الله راح نحكيلكم الحكاية.:u_pc:.
المهم الحكاية واقعية وصرات في الجزائر العاصمة الالفينات يعني السيري تاعها مازال جديد.
المهم جا وحد السيد ودخل للقهوة وريح كأيها الناس، دوموندا قهوة وكاس ماء، وريح داير فيها gاررو ومن بعد وحد النص ساعة عيط للقهواجي وسقساه سؤال غريب،،،،، " خويا انت قهواجي وعندك الغاشي يجوك بزاف ومن كل بلاس خويا اتعيش اذا كاش ماسمعت على ذيب للبيع حتى ب 40 والا ب 50 مليون راني مستعد نشريه، وباين اعليك ولد فاميليا وراني ارتحتلك وعلى هكذاك انا راني نوثق فيك وراح انخليلك عربون ب 5 ملاين وماذابيك في اقرب وقت ادبرلي واحد نحتاجو ايرجون وماذابيك ما تقول لحتى مخلوق":scared:" طبعا القهواجي اتخلطتلو وما فهم فيها والو، حكم هاذوك الدراهم ووعد السيد انو يدبرلو واحد، وطبعا اداه الطمع، وفي نفس الوقت حار كيفاش ايدبر ذيب، المهم من بعد يومين يجي للقهوة وحد الزبون بروبر وهاز وحد الكاج وفيه وحد الذيب صغير يهبل دقول اعليه كانيش، شافو القهواجي وهو سيح القهوة اللي يسربي فيها، المهم راح يجري لعند السيد، وبدا يدي وجيب معاه في لافير تاع الذيب، طبعا السيد قالو ب 30 مليون ومانبيعش ، القهواجي ولى يبكي ويبوسلو في سباطو هذا تمسكين وهذا كذب وهاذا تبلعيط حتى استقنع السيد باه يبيع، القهواجي راح يجري وهز العربون ومعاه شقى لعمر، وجابهم للسيد وترابحو والسلام وعليكم وبارك الله فيك......:tears::tears::tears:.
القهواجي ولى يربح في العيب صحة صحة مع لمعلم، راه داير آفير، ولحق الموعد تاع مول الذيب،،،،،، فات نهار وماجاش ولى القهواجي هاز الذيب ويدور بيه كي المهبول، طبعا لا شاري ولا هم يحزنون، القهواجي اتكوغط التوغيطة اللي هي، والجماعة لعبولو اللعبة برضايتو، وعشى خاسر خدمتو و 25 مليون + قيمة لقهاوي والكرواصون.
امالا هاذي هي زماش ابعيد تلقاو قط امبرهش في نقطة صفرة بين عينيه يتباع ب 10 ملاين والا ورقة تاع كراس 64 صفحة من تاع بكري تتباع ب 500 ألف غير ماكان لاه تشروها والا حتى اتخممو فيها، وفي الخطرة الجاية ان شاء الله راح نحكيلكم على مولا حانوت في تقرت واش اصرالو بورتون مسمار من لمسامر لكبار على مدار تاريخ تقرت وهكاك ونصبو اعليه نصبة كبيرة برضايتو وبالعكس هو اللي حاولهم،،،،، ومازال الكثير والكثير من الحكايات الواقعية، من بينها حكاية كاميو تاع سيما فيه 400 شكارة راحت للسيد بلا مايفيق، وحكاية السيد اللي لعبها عزرائيل وحكاية الدين تاع واحد ميت اللي خلصوهولو الغاشي فاعلين الخير،،،،،، إلخ.
سامحوني طولت أعليكم، آ لا بروشان ان شاء الله.
آخر تعديل:
