علاه الناس يخدمو لبنات ومايخدموش الرجال ؟

[فيصل ويستر]

السلام عليكم
واش راكم
ca va
ماعليكمش
المهم
جبتلكم موضوع يتكلم عن ظاهرة حقيرة في الجزائر
( للأسف )
استغلال سذاجة الجنس اللطيف لأغراض دنيئة
فهمتوا معنى العنوان ولا لالا
كاين ناس تلقاهم يخدمو لبنات ومايخدموش الرجال
علبالكم علاه ؟
علخاطر الطفلة تحمل الذل و ترضى بالقليل بصح الراجل عكس الطفلة مايحملش الذل ومايرضاش بالقليل
علاه يا ويستر الطفلة تحمل الذل و ترضى بالقليل عكس الراجل؟
علخاطرش الطفلة :
1 : تحب تخرج من الدار و تكره القعاد فالدار علجال هادا الشي تحوس على السبا باه ماتقعدش في الدار.
2 : الطفلة تحب الماكياج و اللبسة و تحوس منين دخل الدراهم باه تشري هادو لحوايج ولو بالتعب .
أما الراجل علاه مايحملش الدل ومايرضاش بالقليل
1 : علخاطر الراجل كرامتو عزيزة و عندو مسؤولية تطلب مدخول كبيرة
المرأة ماهيش ملزمة باه تخدم ودخل الدراهم إلا في حالات
تكون فقيرة جدا جدا أو مزوجة و مدخول زوجها مايكفيش غير هادا ماهيش ملزمة باه تخدم
على هادا تلقى الناس يخدمو لبنات بزاف
فهمتوني ولا لالا ؟

​

 

[بنت الجسور المعلقة]

معليناش الحمد الله نشكرو ربي
خويا موضوع رائـــع ~
والهدرة هادي لي راك تهدر فيها واقيعة وصحيحة 100/100
شكرآآآ~~,,,,
الموضوع مرة حلو ويستهال التقييم
تسلم يمينك ننتظر جديدك
تقبل ودي قبل ردي

 

[ماكانش]

يعطيك الصحة حبيبي
والله كلامك فور بزاف
كاين وحدة جارتنا صغير خدمها واحد كبير
ياخي رحت حكيت مع يماها وقلتلها بلاك على بنتك
والباقي عليها​

 

[H@teM]

كاين دي زوبسيون فيهم انت مافيكش
.....
​

 

[الظل الطويل]

و علاه حبيت يحكمهم الديgوتاج
اولازم يبدل الروتين شويا
​

 

[DARINE05]

اتبرد يخويا فيصل باين راك مغموم من البنات ههههههههههههه

 

[iméne09]

هههههههههههه لبنات ماشي كما نتوما تحبو تخدمو خدمة بيرو مي لبنات تحب تجيب مصيرفة غير قيس ماتصرف على روحها من ماكياج ولبسة اما ماكلتها سالكة من عند باباها​

 

[فراشة الايمان]

القناعة كنز لا يفنى
لا راجل لا مرا لا ذل لا والو
كامل أسباب باه يبقى الشباب في حالة الخمول نتاعه

 

[فراشة الايمان]

كاين دي زوبسيون فيهم انت مافيكش :scared::scared::scared::surrender::surrender::surrender:

.....​

ايييييييييه صح ممكن بالاك نظن غير عندك الحق :wink::wink::wink::wink::wink::wink::wink::wink::wink: :music_whistling::music_whistling::music_whistling::music_whistling::music_whistling: :yahoo::yahoo::yahoo: :heh::heh::heh::heh: :santa_1::santa_1: :no_1::no_1: :glare::glare:

 

[chemssou007]

المشكل في الحوانت يكتبو مطلوب بائعة،،،
Cherche Vandeuse
علابالك يلبسلها الميني و تجذبلو سفلة القومت و الزبائنــ،،​

 

[The.Legend]

هههههه صحيـــح عنــدهم لوبسيــون وكـاليتـي




​

 

[shahrazad]

كان قادر يكون الطرح خير من هاك
مي واش نقولو
الله غالب!! ....:heh:​

 

[أماني2]

راني حايرة في وقت صدور الموضوع بدون ردود حتى لليوم؟؟؟؟؟؟

المهم في موضوعك

وي عندك الصح في واش قلت

كامل رانا نشوفوا بلي غير لبنات راهم يكثروا في الخارج
والحالة ترجع بالعكس الأعمال اللي كانو يديروها الرجال ولاو النسا في بلاصتهم
باش يجذبوا الناس بكل الطرق والأساليب

وربي يهدي

هذا كامل بسبب قلة الحياء
والنفوس المريضة زيدلها الشياطين اللعينة

الله يجيب الخير إن شاء الله ويبعدنا على الشر ويبعد علينا الشرويدينا في الستر
​

 

[فؤاد الورقلي]

سلام
ايه عندك الحق
ربي يهدي ويعافي
ويستر كل مسلم ومسلمة

شكرا
وفقك الله
​

 

[Dr.CrAzY]

كيـ ندخل لبيرو ونلقى طفلة تخدم
يطلعلي الضغط.....
أك علابالك ياعمو
لمعاليم
يحبو يحسنو من منظر المحيط
ومن ثم استغلاله....

​

 

[N@riM@N]

وعليكم السلاام,,هــدرتك قاع هادي مدخلتليش لراسي>>وامبوسيبل تدخل:glare:​

وتاع هادي
>>>> الطفلة تحمل الذل و ترضى بالقليل عكس الراجل؟>>>
ياو ورانا عايشين فلعصر الحجري؟
لكاليتي مهيش قاع كيفكيف وديجا غير لي سمحت في روحها وسمحو فيها
لي يخلوها توووستغل اما لي عارفه كارها وين!!!
ع العموم صحا عـ الميضوعـ​

 

[fufa22]

ما نشوف بعيني ما يضرني قلبي
​

 

[abidou 20081]

يعطيك الصحة على الموضوع القيم والحساس في نفس الوقت

بصح حاجا غابتلكم لي راهم يخدمو فيهم يعني هذو لي راهم شادين المشؤولية
رجال ولا نسا إذا كانو رجال مانيش عارف وإذا كانو نسا مانيش عارف مالا مانعرفش خير
الطفلة درك في وقتنا رجعت سلعة يعرضو فيها فالبيرو ولا في فيترينا ولا وين جات
هي كل وحدة وأسباب خروجها بصح يبقى المهم هو الإستغلال لي راهم يستغلو فيهم
ولي كل يوم رانا نشوفو فيه بعينينا تدخل لبيرو تلقاهم قالي قلتلك الهدرة تاني ماشي على
الخدمة باش مانكدبوش على رواحنا مكان علاش نكمل على بالي لوكان نكمل نبدا نخسر
مالا نقولك خويا جبتلنا موضوع لوكان الواحد يفتح فيه نقاش مايخرجش على خير
قالك خليها تخلا ماليها حبينها هكذا أما حنا غير باساجيا
ربي ينورك خويا وربي يحفظك ويعطيك ماتتمنى دمت​

 

[بنت الجسور المعلقة]

راني حايرة في وقت صدور الموضوع بدون ردود حتى لليوم؟؟؟؟؟؟

المهم في موضوعك

وي عندك الصح في واش قلت

كامل رانا نشوفوا بلي غير لبنات راهم يكثروا في الخارج
والحالة ترجع بالعكس الأعمال اللي كانو يديروها الرجال ولاو النسا في بلاصتهم
باش يجذبوا الناس بكل الطرق والأساليب

وربي يهدي

هذا كامل بسبب قلة الحياء
والنفوس المريضة زيدلها الشياطين اللعينة

الله يجيب الخير إن شاء الله ويبعدنا على الشر ويبعد علينا الشرويدينا في الستر
​

صحي:heh:ح هذا الموضوع صدور قديم عندو بزاف من لي دارو كان في الصفحة51 عجبني رديت عليه أصبح من المواضيع الأوائل

 

[sandybelle]

كاين دي زوبسيون فيهم انت مافيكش

.....​

:scared:...... :heh:​