ĜąМę ǒVĕŗ
:: عضو مثابر ::
- إنضم
- 29 أفريل 2010
- المشاركات
- 534
- نقاط التفاعل
- 0
- نقاط الجوائز
- 56
- آخر نشاط
سلامو عليكو ورحمة الله وبركاتهو
ازول فلاون
مسلخير للجميع الاحياء منكم والاموات الصغار و لكبار الي لاعبينها و يعرفو رواحهم الي نية و محشيتلهم
كيراكم دايرين المهم بلا تقرعيج ندخلو في الموضوع
بكري وقت قريش وجماعتهم يعني وقت الجاهلية كان كي يجي ضيف ما يسقسيه انت شكون ولا من وين
ديريكت يرحب بيه ويدخلو للخيمة ويجيبلو يشرب ويوكلو ويضيفو 3 ايام باه يسقسيه مبعد واش سبتو واشكون هو ومنين جاء
اليوم راهي الحالة تعكست يعني ما يوكلك ما يشربك ما والو مي يحب يفهم يحب يقرعج شكون انت واشكون بوك وعلشا جيتي وعند من جيتي وقداش تقعد وشكون لي جاء معاك
يعني يفتحلك شرع .
وهادي حكاية اخرى سمعتها مي مانيش متاكد من صحتها الى كذبت راه كذب مولاها
قالك في وقت الثورة جاو مجموعة من الشبان لي حبو يلتحقو بالثورة سقساهم الراحل هواري بومدين بالواحد انت منين يقلو مثلا شاوي يرجعو. زيد انت من وين قبايلي يرجعو لاخر انت من وين قسنطيني يرجعو
الاخير قلو انت من وين انا جزائري قلو انت تصلح مجاهد تاع الصح.
النقطة الاخرى هي العنصرية يعني كي تحكي مع واحد مثلا يف المسنجر يسقسيك منين انت
ومبعد يبدى يديرلك في للغوريتم نتاعك
واش من ولاية وهادو يصلح ولا لا وهادو محلبين ول لالا وهادو فيهم الفايدة ول الا
ومبعد يديرلك قالب على قدك ويعطيك النتيجة اسكو يحكي معاك ول لالا
في الجامعة خاصة تلقاها بزاف (انا ماشي جامعة مي على حساب ماحكاولي )
تلقاهم دي كلون هادو من الشرق وهادو من الغرب وهادو من الوسط
وتاع الولاية هادي من الشرق ما يتفاهموش مع هادو باسكو راهم يلعبو على الطياح كيفكيف في بطولة الكرتون تعنا وهادو ما يحكيوش مع بعض باسكو تاع الحراش متعاركين مع الشناوة
والسطايفية متعاركين مع القبايل والحمراوة ما يتفاهموش مع الشلفاوة والسوافة متعاركين مع التباسة وليزالجيروا ما يحلبوش البومرداسيين وتاع بليدة يقولو عليهم 2000 بهودي ولا بليدي والباتنية يقلك 05 زيرو في الفهامة وخمسة في التغنانت ولعنانبة كانو متعاركين مع القسينطينية على التاكسيات لي مابين الولايات والسكيكدية تعاركو مع تاع سياسي هههههه حروب ما تفضش بيناتنا وراسيزم حلوف .
مي وين ماشين بالعقلية هادي حنا كامل دي زالجريان وكامل مسلمين وتجري في عروقنا دماء الامازيغ هادي هدرة كاملين نحبوها ونهدروها ونواجهو بيها المصريين ونفتخرو بيها ؟
مي في ارض الواقع وين راهي ؟
ما كدبش لي قالك انا واخويا على ابن عمي وانا وابن عمي على الغريب هههههه
وقت صعيب لي ما تلقى فيه غير خوك في هاذ الدنيا ولي شكشكها بالعداوات ما يلقى في وقت الشدة لي يششفى فيه .
ايا ان شاء الله ما نلقاوش الراسيزم هنا ونكونو كامل خاوة خاوة زكارة في الشيطان و المص...وة
تحياتي و نشالله ماتفهمونيش فو راني نقول في الي راني نشوفو
ازول فلاون
مسلخير للجميع الاحياء منكم والاموات الصغار و لكبار الي لاعبينها و يعرفو رواحهم الي نية و محشيتلهم
كيراكم دايرين المهم بلا تقرعيج ندخلو في الموضوع
بكري وقت قريش وجماعتهم يعني وقت الجاهلية كان كي يجي ضيف ما يسقسيه انت شكون ولا من وين
ديريكت يرحب بيه ويدخلو للخيمة ويجيبلو يشرب ويوكلو ويضيفو 3 ايام باه يسقسيه مبعد واش سبتو واشكون هو ومنين جاء
اليوم راهي الحالة تعكست يعني ما يوكلك ما يشربك ما والو مي يحب يفهم يحب يقرعج شكون انت واشكون بوك وعلشا جيتي وعند من جيتي وقداش تقعد وشكون لي جاء معاك
يعني يفتحلك شرع .
وهادي حكاية اخرى سمعتها مي مانيش متاكد من صحتها الى كذبت راه كذب مولاها
قالك في وقت الثورة جاو مجموعة من الشبان لي حبو يلتحقو بالثورة سقساهم الراحل هواري بومدين بالواحد انت منين يقلو مثلا شاوي يرجعو. زيد انت من وين قبايلي يرجعو لاخر انت من وين قسنطيني يرجعو
الاخير قلو انت من وين انا جزائري قلو انت تصلح مجاهد تاع الصح.
النقطة الاخرى هي العنصرية يعني كي تحكي مع واحد مثلا يف المسنجر يسقسيك منين انت
ومبعد يبدى يديرلك في للغوريتم نتاعك
واش من ولاية وهادو يصلح ولا لا وهادو محلبين ول لالا وهادو فيهم الفايدة ول الا
ومبعد يديرلك قالب على قدك ويعطيك النتيجة اسكو يحكي معاك ول لالا
في الجامعة خاصة تلقاها بزاف (انا ماشي جامعة مي على حساب ماحكاولي )
تلقاهم دي كلون هادو من الشرق وهادو من الغرب وهادو من الوسط
وتاع الولاية هادي من الشرق ما يتفاهموش مع هادو باسكو راهم يلعبو على الطياح كيفكيف في بطولة الكرتون تعنا وهادو ما يحكيوش مع بعض باسكو تاع الحراش متعاركين مع الشناوة
والسطايفية متعاركين مع القبايل والحمراوة ما يتفاهموش مع الشلفاوة والسوافة متعاركين مع التباسة وليزالجيروا ما يحلبوش البومرداسيين وتاع بليدة يقولو عليهم 2000 بهودي ولا بليدي والباتنية يقلك 05 زيرو في الفهامة وخمسة في التغنانت ولعنانبة كانو متعاركين مع القسينطينية على التاكسيات لي مابين الولايات والسكيكدية تعاركو مع تاع سياسي هههههه حروب ما تفضش بيناتنا وراسيزم حلوف .
مي وين ماشين بالعقلية هادي حنا كامل دي زالجريان وكامل مسلمين وتجري في عروقنا دماء الامازيغ هادي هدرة كاملين نحبوها ونهدروها ونواجهو بيها المصريين ونفتخرو بيها ؟
مي في ارض الواقع وين راهي ؟
ما كدبش لي قالك انا واخويا على ابن عمي وانا وابن عمي على الغريب هههههه
وقت صعيب لي ما تلقى فيه غير خوك في هاذ الدنيا ولي شكشكها بالعداوات ما يلقى في وقت الشدة لي يششفى فيه .
ايا ان شاء الله ما نلقاوش الراسيزم هنا ونكونو كامل خاوة خاوة زكارة في الشيطان و المص...وة
تحياتي و نشالله ماتفهمونيش فو راني نقول في الي راني نشوفو
