التسنطيح * ( لبنات & أذراري ) : ماعرف أسكو عندها حل ولا لا ؟

[sahiko hamza]

سلام عليكم ورحمة الله




:music_whistling: راني اليوم مش نورمال :music_whistling:




واش راكم شويا ملاح :closedeyes:
أسمحولي بلاك نبان متشنف مي راني زاعف
وباه نحي زعافي عليا نفرغ قلبي لأحبابي




علابالي كاين قسم تاع تفراغ لقلوب مي راني نهدر
يسمى لازم نحطو هنـا







جاوبوني من فضلكم


الى راك طفل

جاوب على هاذو



تجيك طفلة فالواقع فالنات أختك جارتك المهم طفلة
تحب تمشي عليك رايها تقبل ولا لا ؟
علاه ماتقبلش
قلت طفلة وماقلتش خطيبتك ولا حبيبتك :music_whistling:



الى راكي طفلة يجيك خوك صغير كبير مايهمش جارك يقرا معاك
حاب منك حاجة وانتي ديري لي في راسك
أسكو تقبلي يمشي عليك رايو ؟
علاش ؟ :music_whistling:



من هنا حاب نفهم التسنطيح أسكو عند معشر الذكور اكتر ولا معشر لبنات ؟ :closedeyes:




​

 

[** غزال الصحراء **]

تم إعتماد الموضوع ..

 

[معاك يا الخضراء]

الى راكي طفلة يجيك خوك صغير كبير
ما عنديش :yahoo:

مايهمش جارك
انعم :mellow: جاري ؟؟؟

يقرا معاك
احم احم اهيه وش بيهم هادو ؟؟؟

حاب منك حاجة

كيما واش ؟؟؟

وانتي ديري لي في راسك

ندير الي في راسي
كي نعود نشوف فيه الصح
لازم الي قدامي يقنعني برايو

أسكو تقبلي يمشي عليك رايو ؟
علاش ؟ :music_whistling:


يمشي عليا رايو تاع عناد و تخشان الراس ؟؟:busted_red: مستحيل :music_whistling:
بصح كي يقنعني ما علينا :closedeyes:​

 

[Anissa_vanissa]

كيفاش يمشي رايو :busted_red::busted_red::busted_red:
اذا كان يرغمني على رايو فانا راسي يولي خشين حجرة
بصح اذا حاول يقنعني ممكن ناخذ رايو

 

[Anissa_vanissa]

كيفاش يمشي رايو :busted_red::busted_red::busted_red:
اذا كان يرغمني على رايو فانا راسي يولي خشين حجرة
بصح اذا حاول يقنعني ممكن ناخذ رايو

 

[Anissa_vanissa]

:music_whistling:

 

[Anissa_vanissa]

:scared::scared: اسمحولي
خطا مطبعي

 

[Anissa_vanissa]

حتشي في الاعادة افادة :no_1:

 

[Anissa_vanissa]

راني درت ستة ردود على خاطر البارح الكوننيكسيون كانت ضعيفة وبقيت نكليكي على اضافة رد على هذي جاو بزاف

 

[عفاف الجزائرية]

واشي هاذا يا انيسة هاذا كامل ردود ولا نتي تاني تمشي في رايك
​

 

[aMiNa-K]

السلام عليكم

واش خويا سهيل .. شكون هدا اللي زعفك :mellow: .. قولي عليه برك :busted_red:
هههههه

و بالنسبة لموضوعك .. ماشي حكاية تسنطيح كما قلت انت :closedeyes: .. بصح على حساب الراي اللي حابين يفرضوه عليك :glare:
كما انا مثلا .. ادا حاجة قابلة للنقاش اوكي .. نخدمها في راسي و الراي اللي يعجبني نديرو
يعني انا اللي نقرر حتى واحد مايقرر في بلاصتي و لا يفرض عليا رايو :glare:

صحيت عالموضوع ​

 

[°~Kenza_02~°]

اذا كان رايو هو صح وانا الغالطة ... ممكن هو يفطني لحاجة ما كنت فاطنتلها ولا كنت غالطة ومانيش عارفة غلطي ....ندي برايو وعلاه لالا
مشكووووور سايكو
​

 

[جوانا]

واش انيسة فانيسة الصفحة راكي دتيها كامل باينا عليك تديري واش يقولك راسك برك
المهم نولو للموضوع
شوف خويا أنا يلا كان جاري و لا خويا و لا تعرفت عليه في النت و لاااااااا نشوف رايه الأول ask يخرج عليا و لا لا يعني يلا كان ينصحني و النصيحة نتاعو تفيدني فعلاش لالا
و يلا كان ضدي بيانسور ندير واش يقولي راسي
تحياتي

 

[sahiko hamza]

ولا موصيبة
بان عندي رد لخر تاع عفاف ؟؟
​

 

[السلطانة]

وعليكم السلام
ياو غير هادي لي ماتصراش
لي في راسي نديرو ولي ماعجبوش كاين الحيط كيما خويا الصغير مثلا

 

[حسان2010]

حبس سع نقلك شريكي حنا معدناش التسنطيح عدنا التزنطيح؟؟
اسكو عندهم نفس لمعنى ؟؟اليك الخط
واما تاع تمشي عليا طفله رايها هادي متصراش انا راسي خشين كثر من لحجره يعني فلمستحيلات السبعه علاش هادي؟والله منعرف
ميساج لأنيسه رانا حفظنا ردك كوني متهنيه خخخخ​

 

[Sârsoùra L'mkàlChà]

اذا كان رايو مقنع نورمال
بالصح ادا كان راسو قاسي
راسي اقسى منو
​

 

[نور الصباح الجزائرية]

الراي الاصح هو الى يمشي بغض النضر على مولاه

 

[iméne09]

مكانش حاجة نكرها قد الواحد يحب يمشي عليا راييو وعلاش انا مانعرفش صلاحي حتى يجي هو يعطيني رايو والله ماندير بيه نديررايي شنانة فيهم ليسونسيال رايي ديما صواب مي ادا كنت انا غالطة وهو ينصحني نقبل منو وبلاك ندير برايو
مرسي عليك على الطرح خو ​

 

[sahiko hamza]

هالله يبارك ...
كاينة حاجة نتفاهمو عليها كامل
من أول رد الى إمان لبليدية
بون أفهمو يا ناس بلي الرجال قوامون على النساء ..
وأفهمو بلي الجون توجور عندو الحق مي ماعليش انتوما تخمو بواش قاللكم وتشوفوه يخرج ولا لا
أما باه تسنطحو معاه وتجيبوها تخشين الراس والله بايتة غي فيكم ...
​