اين الاخلاق يا لبنات

[FARDOUSS]

مرحبا يا لبنات حبيت نسقسيكم
برك ....وبكل صراحة اعطوني الجواب
هذه الايام خرجت من الدراسة وشفت وحدة والله في منظر مع شاب الله لا يشوفك
بهدلتها بالمعاير وقاع بهذا الشيء ما قالت والوا وكلمة ما ردتهاش على خاطرش عارفة روحها غالطة
واليوم كان عندي بيام سبور
ارواح وسمع الكلام كيفاش داير غير التطياح (اسمحوا لي على هذه الكلمة)و الحركات الغير اخلاقية تماما
مي هذا هو الموقف اللي ولات فيه البنت
وين راهي قيمتكم قدام روحاكم وقدام رب العالمين يا لبنات
وين راهي المحافظة على سمعة الوالدين هاذي قاع ماراهيش جزاتهم بعد ما تعبوا عليكم
سؤالي هو واش راكم مستفادين ?????
والله راهم مستفاديين غير التبهديل
الله يهديهم البنت ما تتقيمش على حلاوتها او مفاتنها
تتقييم على اخلاقها
ليس هناك قصد
شكرا ومع احترامي القدير لكل بنات المنتدى حبيت برك نعرف نظرتكم على هاذوا لبنات
مع احترامي مرة ثانية لبنات المنتدى المحترم

​

 

[azzedine02]

الله يهدي ما خلق

 

[shéryfa luna]

ايه عيش تشوف و مازلنا نشوفو ..tt simplement اللي مرباش ميلقاش ..
الطفلة يحكم فيها اصلها و تربيتها ادا مقاموش والديها بواجبهم معاها سيغتو في المراهقة أكيد رايحه تنحرف لطريق لعوج و متحشم ني على عرضها ني على دينها و مطفرة غير فيها ..وربي يهدي ماخلق هادا مانقول..​

 

[دعاء19]

الله يهدي ماخلق بصح بنات هذا الزمن راهم في طريق لايحمد عقباه .
ولكن اريد ان اوضح ان الاهل ليسو هم المسؤلون الاساسيون عن مايقمن به بناتهم الا بالنسبة قليلة اي ان هناك بنات ربوهم اهلهم تربية حسنة ولكن في الاخير النتيجة غير مرضية ويعني هذا ان البنت عقليتها هي التي تلعب الدور المهم والاساسي في انحرافها كما هذا ايضا يطبق على الولد .
تقبلو مروري وشكرا على الموضوع

 

[rima29]

انا تاني راني حايرة اكثر منك وما تنسايش البورتابل اللي دالهم عقلهم وهبلهم​

 

[Mina-RealMAdrid_25]

والله انا ماعلاباليش ديجا les relations كرهت منهم prsk les jeunes يعرفو غير مصلحتهم و ديما انا نفكر في صحاباتي لي يبوسوهم وحوايج من حبش نحكي عليهم نقول ماكالاه انا نوصل روحي مرسي و ربي يهدي ما خلق

 

[sad_pb]

أنا ثاني حاير فهاذ البنات تلقى وحدة باباها زوالي يجري و يعثر على جالها و هي تجيبلو فالعار ......تغيضني كي نشوف حالات كيماكا .........واش راح نقلكم أنا راني حاير واش كاين في راسهم باه يخممو ............

 

[w@hiba2010]

راك تشوف وين وصل بينا زمان
والله غير لبنات تع هاد الوقت غبر بهدلونا
والله غير انا نحشم في بلاصتهم
ربي يهديهم

 

[Midia]

انا بنات كيما هاذو ما نهدرش معاهم بكل وما نصاحبهمش اكيد.........

شكرا.....​

 

[مسامعية]

اين الاخلاق قلتي ؟
موجودة والحمد لله

حقيقة هادو اصناف كحاكل الاصناف البشرية فيها المليح ولي ماشي ملاح

وهادو البنات لي دايرين غرضهم برى غالبا ماتلقايهم يخرجو مكبوتاتهم الداخلية بما انهم يكونو يا اما مزيرين في ديارهم يااما الله غالب ......................... ؟


ونورمالمو المربي من عند ربي

 

[جزائرية طيبة]

ربي يهدينااااااااااااا ​

 

[Djazaire-El-Ghalia]

Qu'ALLAH le tout puissant protège nos filles et nos soeurs ce n'est pas toujours la faute des parents parfois tu donne la bonne education et tu n'est pas sur des resultats re gardez le prophète NOE je connais des parents machALLAH MAIS leurs enfants rabi yahdihoum je veux dire que c'est relatif.

 

[الخيزران]

ونورمالمو المربي من عند ربي [/quote]

مع احترامي لك اختي لكن الوالدين هما لي يربو:


[font=&quot]عن أبي هريرة رضي الله عنه، أن رسول الله صلى الله عليه وسلم قال كل مولود يولد على الفطرة فأبواه يهودانه أو ينصّرانه أو يمجّسانه ) متفق عليه[/font]


في غياب الرقابة نتاع الوالدين البنت او الولد يلقاو فرصة اكبر للتمرد والتفسخ الاخلاقي
قال الشاعر:

ليس اليتيم من انتهى أبواه *** من همّ الحياة وخلّفاه ذليلاً​

إن اليتيم هو الذي تلقى له *** أمّا تخلّت أو أباً مشغولاً​

[font=&quot][/font]

 

[MĺŹǾ žĕĥÔŖ]

سؤالي هو واش راكم مستفادين ?????
كامل رانا بنات والبنت ما تهدرش في البنت
ودوكا وحدة ما تحب تنصحيها والديها وما سلكولهاش
وش باه تديري يا ختي والله غير تشوفي لعجب راهي pبارتو بصاح ما تقدريش وحدة ما تعرفيهاش تروحي تبهدليها وش تعنيلها ادا والديها ما حكموهاش
تقلك كل واحد يدبر على راسو هادي هي وش باه تديري؟؟
انتي نصحيها وتشرب من ما لبحر ختو

شكرا ع الموضوع
انا رايي الطفلة عقلها وتوصل بسن ايه لازم تخمم وتمشي بعقلها مش بقلبها
سلام​

 

[نور الصباح الجزائرية]

ياحصراااااااااااه واش شفتى
بصح مزال كاين الخير و الله غير بنات فاميليا ماشاء الله عليهم

 

[zineb-setif]

شكرا أختي موضوعك في القمة
باش نتحدثوا عليه تليقنا قعدة تاع الصح
الأخلاق كاينة ومازالها ماشي وحدة ديرها والباقي يروحوا فيها ، وحدة كي تكون متربية مديرش هاذو الحوايج ومالوموش الوالدين دايما خطراك كل واحد يعس روحوا
والمظاهر لي قلتي عليها رانا نشفوها يوميا في الجامعة وفي الحدائق العمومية وفي كل مكان للأسف
أنا مرة قلت لوحدة تقرا معايا متزيديش تبوجري مع الذر قالتلي أنت معقدة ومن العصر الحجري
للأسف الشديد جي تنصح يسبوك
الله يهدينا ويكملنا بعقلنا ويهدي البنات والذر على حد السواء

 

[FARDOUSS]

شكرا أختي موضوعك في القمة
باش نتحدثوا عليه تليقنا قعدة تاع الصح
الأخلاق كاينة ومازالها ماشي وحدة ديرها والباقي يروحوا فيها ، وحدة كي تكون متربية مديرش هاذو الحوايج ومالوموش الوالدين دايما خطراك كل واحد يعس روحوا
والمظاهر لي قلتي عليها رانا نشفوها يوميا في الجامعة وفي الحدائق العمومية وفي كل مكان للأسف
أنا مرة قلت لوحدة تقرا معايا متزيديش تبوجري مع الذر قالتلي أنت معقدة ومن العصر الحجري
للأسف الشديد جي تنصح يسبوك
الله يهدينا ويكملنا بعقلنا ويهدي البنات والذر على حد السواء [/=

​

لا شكر على واجب
معليش نتلاقاو ان شاء الله ونديروا قعدة هايلة
ايه علابالي بلي راهي باقية الاخلاق وكاين بنات نتع اصل بصح ديري في بالك الخلطة والصحبة اللي ما شي مليحة راهي واعرة
مفهمتيش قصدي يعني صح الوالدين مانلوموهمش بصح انا مقصودي انه البنات نتع هاد التبهديل وش دارو لهم والديهم كبوهم قرواهم و تعبو عليهم وفالتالي يتجازاو هكا عيب كبير
وكامل راهم هكا كي تنصحي يردوك متخلفة
..امين ..
ربي يخليك ويحفظك لوالديك خيتو
مشاركة رائعة واصيلة
بارك الله فيك.
​

 

[اسماء1989]

صح كلامك كاين بنات ما يحشموش وهذا كله يرجع للتربية في المنزل

 

[مرام التيبازية]

السلام

البنات راهم حابين ايطيروا راهم يقباحوا بزاف اومبعد تسمع الناس ايقولوا والديهم مربوهومش راهم غالطين والديهم داروا واجبهم درك هما راهم مسؤوليين على نفوسهم وهادوا البنات ايخسروها كامل اعلينا
ربي يديرلهم العقل امين يارب العالمين

 

[FARDOUSS]

السلام

البنات راهم حابين ايطيروا راهم يقباحوا بزاف اومبعد تسمع الناس ايقولوا والديهم مربوهومش راهم غالطين والديهم داروا واجبهم درك هما راهم مسؤوليين على نفوسهم وهادوا البنات ايخسروها كامل اعلينا
ربي يديرلهم العقل امين يارب العالمين

وعليك
بقاش ياو راهم طارو وطفرت
هدا هو التخمام اللي في بالي
الوالدين دارو اللي عليهم
دورك الواحد راه عايش وشايف ويكسب تربيتو بروحو ما شي حتى يربوه
بارك الله فيك على المشاركةى القييمة
تحياتي الخالصة لك ولجميع البنات
​