السلام عليكم :
البارح الصباح كنت معول نهبط للبلاد باه نروح للسوق و اتفاهمت انا و الحاج علي باه نروحوا كيف كيف . تفاهمنا بلي يعقب على الدار يعيطلي و نروحوا . نضت الصباح تقهويت و استنيت اهنا يجي اهنا يجي ما جاش
قلت نروح لعندو للدار : كي وصلت لقيت بلي جا لعندو ماصون راح يخدملو القراج
كيفاه يا علي ؟؟ ياك تفهمنا نروحوا كيف كيف ؟؟
الله غالب يا احمد والله نسيت قصة الخدام و الذراري صبحوا تالعين كامل . كيف نخليه وحدو ؟؟
معليش يا سيدي انت اقعد ما الخدام نتاعك و انا نروح نصرف للدار و نولي
لالا استنا يخلص برك و نروحوا كيف كيف
- يا راجل انا الدار راهم يتسنوا في المصروف
- يا سيدي درك يجي عبد السلام ولدي نربطو مع الخدام و نروحوا
- خايف الا ديرها فيا يا علي و ما نصرفش و نولي انا و وزارة الداخلية في حل و اربط
- خالعاتك ؟؟؟ قول الصح ؟؟ ارواح تتقهوى
الفايدة نهار نتع قهاوي ... قعدت انا و الحاج علي و جا الماصون نتاعو ثاني يتقهوى
نحكيوا نحكيوا حتى جبد الحاج علي على الزواج
قالو الماصو : عمي علي انت معاود الزواج لالا ؟؟
- ايه معاود .... ومن بعد هز راسو في السماء و تنهد
واقيلا اجرحتو يا الماصون
- الحاج علي : نشفالها كي جبتها قالت لي الوالدة : واش بيك على بنت عمك ؟؟ عميت عليها ؟؟
جبتها للدار و عشت معاها 3 اشهر و من بعد اللالة بدات تفهم قالت نقسم
يا امرى واش بيك ؟؟؟
امك ما عشرتنيش و اخواتاتك كذاليك
15 يوم و هي تعاود في الهدرة هاذي
و في ليلة كنت الروض ما يدوروش منين قعدنا على العشاء و هي تعاود في الهدرة تعاود في الهدرة
ما فقتش نهز الطابلة نتع العشاء و نخبطها بيها
عمو أحمد : اهاه يا علي راك راح تقلب الصينية نتع القهوة ماشي الطابلة
الحاج علي : ما نعرف يا احمد كي نتفكر ما صرا .....
نضت و قلتلها لمي قشك
- وين ؟؟؟
- راني نقولك لمي قشك
لمت قشها و خرجت سرجت العود ركبت هي و امشينا ( يقطع الحديث و ينوض يروح يفتح الباب اللي في القراج و اللي يدخل لدارو ... علاه حليت الباب يا علي ؟؟؟ بلاك الأخرى راهي تسمع )
كانت في ذيك الليلة القمر منور الأرض و كانت راكبة من ورايا
تمشي و تسقسي فيا : هادوك الديار نتع من ؟؟؟ و هادا القربي نتع من ؟؟؟ علي راني توحشت الميمة ( ام علي ) اديني ليها و انا كنت ساكت ما رديت عليها
في الأول حني قلبي عليها و غاضتني من بعد بديت نتفكر كيفاه كانت تحكم الهدرة ما تطلقهاش كملت طريقي
وصلتها لدار باباها و وليت
ايامات بعث باباها للوالد قالو : قول لعلي يجي يدي المرى نتاعو
الوالد : روح قولو ما عندها وين ترجع
هاكدا خلاصت قصتها في حياتي
5 اشهر من بعد : كنت مسافر مع جماعة التل نشروا في الغنم و نبيعوا
رجعت للدار لقيت الوالدة خطبت لي هادي اللي عندي ذرك يعني الحق نتع ربي من نهار جبتها و الله ما رقدت ليلة زعفانة ولا راحت لدار باباها على غضبة
عمو أحمد : يا علي راها 10:00 ............
قلت نروح لعندو للدار : كي وصلت لقيت بلي جا لعندو ماصون راح يخدملو القراج
كيفاه يا علي ؟؟ ياك تفهمنا نروحوا كيف كيف ؟؟
الله غالب يا احمد والله نسيت قصة الخدام و الذراري صبحوا تالعين كامل . كيف نخليه وحدو ؟؟
معليش يا سيدي انت اقعد ما الخدام نتاعك و انا نروح نصرف للدار و نولي
لالا استنا يخلص برك و نروحوا كيف كيف
- يا راجل انا الدار راهم يتسنوا في المصروف
- يا سيدي درك يجي عبد السلام ولدي نربطو مع الخدام و نروحوا
- خايف الا ديرها فيا يا علي و ما نصرفش و نولي انا و وزارة الداخلية في حل و اربط
- خالعاتك ؟؟؟ قول الصح ؟؟ ارواح تتقهوى
الفايدة نهار نتع قهاوي ... قعدت انا و الحاج علي و جا الماصون نتاعو ثاني يتقهوى
نحكيوا نحكيوا حتى جبد الحاج علي على الزواج
قالو الماصو : عمي علي انت معاود الزواج لالا ؟؟
- ايه معاود .... ومن بعد هز راسو في السماء و تنهد
واقيلا اجرحتو يا الماصون
- الحاج علي : نشفالها كي جبتها قالت لي الوالدة : واش بيك على بنت عمك ؟؟ عميت عليها ؟؟
جبتها للدار و عشت معاها 3 اشهر و من بعد اللالة بدات تفهم قالت نقسم
يا امرى واش بيك ؟؟؟
امك ما عشرتنيش و اخواتاتك كذاليك
15 يوم و هي تعاود في الهدرة هاذي
و في ليلة كنت الروض ما يدوروش منين قعدنا على العشاء و هي تعاود في الهدرة تعاود في الهدرة
ما فقتش نهز الطابلة نتع العشاء و نخبطها بيها
عمو أحمد : اهاه يا علي راك راح تقلب الصينية نتع القهوة ماشي الطابلة
الحاج علي : ما نعرف يا احمد كي نتفكر ما صرا .....
نضت و قلتلها لمي قشك
- وين ؟؟؟
- راني نقولك لمي قشك
لمت قشها و خرجت سرجت العود ركبت هي و امشينا ( يقطع الحديث و ينوض يروح يفتح الباب اللي في القراج و اللي يدخل لدارو ... علاه حليت الباب يا علي ؟؟؟ بلاك الأخرى راهي تسمع )
كانت في ذيك الليلة القمر منور الأرض و كانت راكبة من ورايا
تمشي و تسقسي فيا : هادوك الديار نتع من ؟؟؟ و هادا القربي نتع من ؟؟؟ علي راني توحشت الميمة ( ام علي ) اديني ليها و انا كنت ساكت ما رديت عليها
في الأول حني قلبي عليها و غاضتني من بعد بديت نتفكر كيفاه كانت تحكم الهدرة ما تطلقهاش كملت طريقي
وصلتها لدار باباها و وليت
ايامات بعث باباها للوالد قالو : قول لعلي يجي يدي المرى نتاعو
الوالد : روح قولو ما عندها وين ترجع
هاكدا خلاصت قصتها في حياتي
5 اشهر من بعد : كنت مسافر مع جماعة التل نشروا في الغنم و نبيعوا
رجعت للدار لقيت الوالدة خطبت لي هادي اللي عندي ذرك يعني الحق نتع ربي من نهار جبتها و الله ما رقدت ليلة زعفانة ولا راحت لدار باباها على غضبة
عمو أحمد : يا علي راها 10:00 ............
