من خاطف القلوب

[عابدين الهامل]

كي نهدر معاك حاولي تفهميني.....ولي راه في قلبك غيل هدريه



انا ما قتلكش بسيف بغيني...قلبك من حقو يعشق لي يبغيه



انا طلبت منك غيل تصارحيني...ولو بخط برية واش عليه



و جوابك كيما كان يرضيني...متهمنيش كلمة لالا ولا ايه



غيل كلمة تفري لي بينك وبيني...و تريحني من العذاب لي راني فيه



يا الغالية راكي عيتيني...وقتاش قلب العاشق تفهميه



طبطبت وناديت ما جوبتيني....ما عرفتش بابك علاه بلعتيه



لو صرالك ما صرالي تعذريني...انا همي غيل ربي لي داري بيه



محقور في عشقك حقرتيني...قلبي كان هاني و نتي هولتيه



مظلوم في غرامك ظلمتيني...وجميع من ظلم الدنيا دارت عليه



بريء بسكاتك تهمتيني....ربي يحاسبك على شي لي درتيه



درتيني عدوك في قفصك سجنتيني...عماتك الدنيا عقلك ودرتيه



في سجن العذاب وحدي خليتيني...بلعتي الابواب و المفتاح ديتيه


لكن ربي كريم و قادر ينجيني...وما بقى غيل نوكل امري ليه


قادر المولا يبليك كيما بليتيني...و يسجنك في القفص لي راني فيه



ما طلبتش الموحال غيل حاجة تكفيني...صارحيني و لي في قلبك اهدريه


انا حتي لو نعرف بلي تكرهيني..نحلف على وجهي ما تزيديش تشوفيه


ما نبكيلك ما تطيح الدمعا من عيني..لو كان بكى قلبي نقلعه ونرميه


نبغيك نبغيك ونرضاش تذليني...ولو نموت الذل ما نرضى بيه


انا نموت غيل في القلب لي يبغيني...ولي باعني دور الدنيا نشريه



نتي صح طفلة شابة تعجبيني...و هاد شي لازم عليك تعرفيه



وما تقدريش تعرفيه حتى تعرفيني...وباش تعرفيني لازم عقلك تكاكيه



[font=&quot]هامل في قلبي و زتي هملتيني...الهامل الهموم لي عداها تفنيه[/font]