فريق رشيقات صيف 2010

[salmadz]

بنات و الله حبيت ندير ريجيم تاع الصح بصح ماعنديش محفزات و الارادة قيس قيس
وعلاش ما نديروش فريق بنات للرجيم
ندخلو نحمسو بعضانا و ناخدو بنصايح بعضانا تاني
نبداو ان شاء الله نهار السبت
ألي حابة تدخل مرحبا بيها
لااااااااااااااااااااازم الانضباط

كل وحدة تدخل تكتب
الوزن الحالي
شحال حابة تنقص
و يوم الحمعة فليل نكتب قائمة أعضاء فريق رشيقات صيف 2010
نحاولو يوميا نكتبو واش كلينا
فطور
غداء
عشاء
الرياضة الممارسة و مدتها
ان شاء الله نلقى اقبال​

 

[salmadz]

نسيت ماكتبتش بياناتي
الوزن الحالي 90 :tears:
راني حابة نقص 20 كيلو ان شاااااااااااااااااء الله :yahoo:
راني نستنى فيكم بنات
لازم الحماس الحمااااااااااااس
أرجو تثبيت الموضووووووووع

 

[touta31]

الوزن الحالي 55 كغ
راني عكسكم حابة نزيد

 

[mouna1993]

وزني 50 كيلو وحابة نولي 40

 

[nawal1980]

سلمى راني معاك وانا بديت عندي حوالي شهرين ونقصت 13 كغ الحمد لله ومازال عندي الشحمة ننقصها منا للصيف ان شاء الله نشيانو بالصحة ونحققو هدف الرشاقة يا رب تعرفي والله حاجة سهلة ميبصاح يلزم الالتزام وعدم الحرمان لان الحرمان هو الي يهلك الجسم ويخليه يخزن نهار تحبي تاكلي كيش حاجة
امالا نديرو هكدا راني معاك في القروب

 

[salmadz]

الوزن الحالي 55 كغ
راني عكسكم حابة نزيد[/QU
الله غالب يا لحنونة لوكان نقدر نعطيك السمانة و الله نعطيهالك
ديري نتي تاني فريق السمينات
أدخلو منتديات الطبخ و كل يوم ديرو روسات جديدة و ابلعي ابلعي ماتحبسيش

 

[salmadz]

]وزني 50 كيلو وحابة نولي 40
مرحبا بيك معانا 10 كيلو ماشي بزاف بلخف تنقصيهم
همتك معانا يوم السبت نبداو

 

[salmadz]

سلمى راني معاك وانا بديت عندي حوالي شهرين ونقصت 13 كغ الحمد لله ومازال عندي الشحمة ننقصها منا للصيف ان شاء الله نشيانو بالصحة ونحققو هدف الرشاقة يا رب تعرفي والله حاجة سهلة ميبصاح يلزم الالتزام وعدم الحرمان لان الحرمان هو الي يهلك الجسم ويخليه يخزن نهار تحبي تاكلي كيش حاجة
امالا نديرو هكدا راني معاك في القروب

الله يبارك ربي يكملك ختيتو
مرحبا بيك معانا
قولينا الريجيم تاعك كيفاش داير و نوع الرياضة لي تمارسيها
مشكورة حنونة

 

[nawal1980]

وزني 50 كيلو وحابة نولي 40

اختي شعال في عمرك والطول ديالك لاني على حساب معرفتي بالريجيمات وقلتي عنري 17 سنة راكي هايلة 50 كغ

 

[nawal1980]

انا شخصيا حبست القرينوتاج
نكل بزاف الخضر والفواكه وهنا رانا في الربيع كاين كل خير
ونشرب حليب سيلوات بالسكر لايت
وناكل ياغورت سيلوات
والخبز نحاول في كل وجبة ناكل 1/8 الخبزة يعني في النهار ما نفوتش خبزة
وناكل الماقرون ولي بات في الغدا والعشا نحاول يكون خفيف

 

[sheherazed]

يا سبحان الله

انا وزني 47 كيلو وحابة نولي 57 كيلو

واحد يحوس يسمان وواحد يحوس يشيان


الاختلاف سنة الله في خلقه


معليش تفليكسيولي شويا شحمة؟؟؟؟؟؟؟؟؟؟؟؟؟؟؟؟؟؟؟؟؟؟

 

[salmadz]

يا سبحان الله

انا وزني 47 كيلو وحابة نولي 57 كيلو

واحد يحوس يسمان وواحد يحوس يشيان


الاختلاف سنة الله في خلقه


معليش تفليكسيولي شويا شحمة؟؟؟؟؟؟؟؟؟؟؟؟؟؟؟؟؟؟؟؟؟؟

شحال نفليكسيلك 20 كيلو ما يكون غير خاطرك هنيني منهم
اييييي وي هادي هي الدنيا السمين يحب يشياين و الرقيق يحب يسمان
تاخدي رايي أقعدي كيما راكي
كي تتزوجي و تولدي تزيدي تسماني
خيرمن تسماني دوكة أومبعد تولي ديري ريجيم

 

[salmadz]

لبنات وين راكم أيا أدخلو شوية كوراج ونولو لاطاي ان شاء الله
رشيقااااااااااات صيف 2010

 

[nawal1980]

السلام عليكم يا سلمى
ان شاء الله كل يوم ندخل نشجعك في اليوميات ونشجع روحي

 

[noumira]

وزني 58 كيلو واش رايكم

 

[nawal1980]

شعال عندك في الطول وشعال عمرك ختي نوميرا

 

[nawal1980]

الصبح
250ملل حليب سيلوات +سكر لايت
الغدا
سلاطة مكونة من جزر +بيتراف +بيضة+1م-صغيرة زيت زيتون
اللمجة
اليوم كان عيد ميلاد بناتي
قطعة جينواز +200ملل حليب عادي+سكر لايت
العشا
كاس شاي +فاكهة

 

[marya313]

حابه نكون معاكم
وزني 68 :busted_red:حابه نقص ال 60
وبعدها 55 ان شا الله:yahoo:

 

[ASMA17]

مادابيكم دخلوني معاكم
انا وزني 65 و حابة نولي 55
درت وحد لوقت ريجيم و حبسته
مادابيا كل وحدة دير لكوراج للخرى

 

[nawal1980]

ان شاء الله اخواتي اسما وماريا تحققو اهافكم لانها اهداف قريبة
ولا يوجد مستحيل مع الارادة
خليو ارادتكم كبيرة وان شاء الله توصلو للوزن الي يواتيكم