مشكلتي مع البنات و التحلاب في البالون ارجو الدخول

[Mina-RealMAdrid_25]

السلام عليكم ورحمة الله وبركاته اليوم حبيت نكتب معاكم هنا في منتدى واش راك تهدر انا حبيت نهدر في البالون مي سؤال و بما ان كل الاعضاء يدورو هنا حبيت ندي ارائهم فيا . انا طفلة نورمال مالgري نتبع البالون و wwe و حوايج action مي كي تشوف فيا تلقني :heh: و :ans_flw: مي كي ندورها حكايات في البالون نولي:smoke: ان نورمال بطبيعتي مشجعة :sheer:متعصبة بزاف :crying_1: و محللة مختصة في مجال كرة القدم لكن عندي بروبلام واحد مانحبش البنات ؟ ! :du_nno: مانحبش البنات خاصة وحدة تلعبها فاهمة ولا . قداه من مرة نتقابد معهم لانهم حالات خاصة (كيما قالها سعدان) المهم المشكلة نتاعي هي منحبش طفلة تبع البالون ماعلاباليش وعلاه ؟ مع اني ديما متاكدة بلي ام مايفهموش فيه و ديجا ماعنديش 2 ملي جيت للمنتدى ماتفهمتش مع بزاف بنات (عاشقين:luve_1:في غزال) و مع البارشلونيين المهم تبقى المشكلة العويصة مع البنات و حبيبتي المستديرة مع اني مهبولة بيها و نعرفهم كتر من لافامي نتاعي واش رايكم ؟ نبدل العقلية ولا كيفاه ؟

 

[هــــيلدا]

وكيفاه حلال عليك حرام على الغاشي؟؟

نتي تبعي البالون ومتحبيش البنات للي يتبعوه؟؟

نتي تفهمي وعلابالك بللي البنات كامل ميفهموش؟؟

مليح~~~ حاجة تشرف لبلاد أسيدي،،،

نقولك حنا البنات الهول تاع كاس العالم هو للي ردنا هكذا نحبو نتبعو البالون

مالقري منين كنت صغيرة نتبعو وعندي خاوتي يتبعوه كبرت ونا نتفرج معاهم

وكون نحكي معاك نحيرك في واش نعرف،، نعرف ليكيب ،، لي جوار،، البطولات وكلش،،

بصح فيا حاجة منشتيش نعلق،، علا خاطر الناس كامل ولات سعدانات،،

ننصحك،، كيما نتي تحبي وتتفرجي ونتي طفلة،، كاين تاني بنات كيفك،،

مالا متقوليش راهم يلعبوها لا تولي نتي تاني تلعبيها،،

وعلى فكرة راني ريالية كيفك،، والكتالوني للي يجي هنا نجيفو:sneaky2:
​

 

[radia yoyo]

هههههههههههههه :music_whistling: خاطيتني البالون خليلي بيل برك

 

[DARINE05]

انا منتبعوش طول

نتفرج غير الماتش لي يخص الجزائر بزايد

 

[mimi.dz]

وعلى فكرة راني ريالية كيفك،، والكتالوني للي يجي هنا نجيفو:sneaky2:
​

واش قلتي اسراء ؟؟ هههههههه

------------------------------

شوفي اختي // صاحبة الموضوع // مع عقليتك هاذي متتسمايش تفهمي في البالون بالعكس اللي ميفهمش فيه هو اللي ميحبش اللي يناقشوه
اعذرني اختي مي لازم عقليتك تتبدل والبالون ماشي احتكار ليك وحدك ولاّ للشباب برك كيما قال بلال هو مجرد لعبة للناس كامل مادام كاين ايكيب نتاع النساء يسمى الغاشي كامل يفهم فيه

​

 

[Sârsoùra L'mkàlChà]

انا نوووت على ليجوار
يااا عمري تفكرتهم

بالصح ما محبش نهدر فيه ياسر
​

 

[algerienne2]

وكيفاه حلال عليك حرام على الغاشي؟؟​

 

[مسامعية]

عندي سؤال لكل وحدا تقلك نتبع البالون و تعرف ليكيب ناسيونال
نسالكم علىى المنتخب تاعنا لاخطر هو الي يهمنا
أذكري أسماء اللاعبين قبل مبارة السنغال
اي الذين لعبو ضد قمبيا؟
معندكش اجابة
+
أذكري قائمة اللاعبين الي لعبو كونطر غينيا في 5 جويلية
عام 2007

تحياتي

​

نستعرف بيك
هدا سؤال انا طفلة نوجهو لصاحبة الموضوع
لانها باينة من مناصرات الخضر نتاع ماتش ام درمان والقاهرة :music_whistling::music_whistling:


اختي الكريمة تتبع مقابلات كرة القدم ليس حكرا عليك وفقط
والبنات لخرين تسميهم متحلبات

هدا اسمو تعصب لعزيزة

 

[Mina-RealMAdrid_25]

عندي سؤال لكل وحدا تقلك نتبع البالون و تعرف ليكيب ناسيونال
نسالكم علىى المنتخب تاعنا لاخطر هو الي يهمنا
أذكري أسماء اللاعبين قبل مبارة السنغال
اي الذين لعبو ضد قمبيا؟
معندكش اجابة
+
أذكري قائمة اللاعبين الي لعبو كونطر غينيا في 5 جويلية
عام 2007

تحياتي

​

لالا انا منتبعش ليكيب ناسيونال غير من التصفيات هادو برك نتاع البالون انترلاناسيونال

 

[عاشقة الرعب]

او علاه حراااااااااااااااام نورمال ياك راك تتفرجي في البالوت وتمتعي فيه وتسبروتي

 

[Mina-RealMAdrid_25]

وكيفاه حلال عليك حرام على الغاشي؟؟

نتي تبعي البالون ومتحبيش البنات للي يتبعوه؟؟

نتي تفهمي وعلابالك بللي البنات كامل ميفهموش؟؟

مليح~~~ حاجة تشرف لبلاد أسيدي،،،

نقولك حنا البنات الهول تاع كاس العالم هو للي ردنا هكذا نحبو نتبعو البالون

مالقري منين كنت صغيرة نتبعو وعندي خاوتي يتبعوه كبرت ونا نتفرج معاهم

وكون نحكي معاك نحيرك في واش نعرف،، نعرف ليكيب ،، لي جوار،، البطولات وكلش،،

بصح فيا حاجة منشتيش نعلق،، علا خاطر الناس كامل ولات سعدانات،،

ننصحك،، كيما نتي تحبي وتتفرجي ونتي طفلة،، كاين تاني بنات كيفك،،

مالا متقوليش راهم يلعبوها لا تولي نتي تاني تلعبيها،،

وعلى فكرة راني ريالية كيفك،، والكتالوني للي يجي هنا نجيفو:sneaky2:
​

هههههه عجبتني بزاف هادي نتاع ريالية كيفي قصدك مدريدية مي ماشكيتش تحيرييني حنونة قبل لا نحكي انا انتي تنساي البالون ههه مرسي بزاف ختو مي تgزيستي عندي نتاع حلال عيا و حرام على les nanas

 

[Mina-RealMAdrid_25]

البنات مش نتاع بالو اصلا
تلقاها تتفرج في اللاعب وتشوف تحركاتو حتا يتضرب بعين مسكين
وزيد اغلبيتهم تبعوه غير من اواخر التصفيات قبل ملي كان المنتخب يعاني واحده ما كانت تسمع بيه
والمشكل الكبير انهم يعرفو المنتخب برك يعني كفاه تعرفي البالون في المنتخب الوطني برك هاذي مكاش منها
بصر احه البنات لا علاقه بالكره الا قله قليله
هاذا رايي خيتو ونصو خارج عن موضوعك

صح دركا كي ولات ليكيب ناسيونال تلعب مليح عادو كامل يلعبوها زعما يفهمو هكا مي انا حالة خاصة صح ليكيب ناسيونال من 2007 ماكنتش نسمع بيها كامل مي نسيبورتي الفوت انترناسيونال

 

[shéryfa luna]

جيت رايحه نجاوب لقيت اسرا و ميمي وبلال و عادل كفاو و وفاو ماعندي مانقول كترمن الي قالوه​

 

[حسان2010]

​

راسي حبس من هدرتك
سي يو

 

[BeSt GlAdiAtOr]

عنك الحق ختي بنت البلاد*قسنطينة*
كي تعود طفلة تهدر على البالون أنا الظمانة تروحلي يعود يبلعطو ويقرعجو بلا فهامة
مي نتيـــ.....
ظهرلي فاهمة للبالون و مادامك تتبعي الريال الشيوخة ومن الكبار​

تسلمي على التمنشير في الشيراتـ....​

كلامي كله شفرات فلا تلعب بالنارــ....​

 

[shahra]

ختي ههههه انا نقلك راني نمووووووت في الفوت و في الي يلعبـــوها
ومانراطيهــــــــاش حابة تشعليها معايا نورمـــــــأل

ليكي انت بهادي العقليــــــــة يمكن راكيس تغاري برك

 

[Mina-RealMAdrid_25]

نستعرف بيك
هدا سؤال انا طفلة نوجهو لصاحبة الموضوع
لانها باينة من مناصرات الخضر نتاع ماتش ام درمان والقاهرة :music_whistling::music_whistling:


اختي الكريمة تتبع مقابلات كرة القدم ليس حكرا عليك وفقط
والبنات لخرين تسميهم متحلبات

هدا اسمو تعصب لعزيزة

لالالا والله راكي غالطة بزاف الخدرا مانحبهاش لدرجة كبيرة انا عشقي كامل في ريال مدريد و المتعة نتاع الشومبيونزليج و الحماس نتاع الكالتشيو و المتعة لي تقدمها لاليغا نتبع كل الدوريات الاوربية حتى نتاع امريكا الجنوبية الارجنتيني وفلامينغو و سانتوس في الدوري الارجنتيني و المشكل كامل هنا البنات دركا كي شافو الخدرا ولاو لاعبينها زعما حفدو اسم مطمور وغزال و زياني قالو رانا يويو ولا مورينيو

 

[هــــيلدا]

:surrender::surrender::surrender:

 

[دلوعـة الجزائر]

لبنات بتفرجو على الكورة بصاح واش يقولو

شفتى فلان شحال شباب يهبل

ولو كان نقولك فى فريق .... رقم 4 تهبلى تروحى فيها علابالك لو كان تشوفيه ريحه دخلى صبيطار لمهابل

يهبل بزين


مى انا نتفرج غير الالعب لكبار برك كيما كاس افريقيا وكاس العالم اما المحلى وجمعته ما يهمنيش خلاص​

 

[Mina-RealMAdrid_25]

ختي ههههه انا نقلك راني نمووووووت في الفوت و في الي يلعبـــوها
ومانراطيهــــــــاش حابة تشعليها معايا نورمـــــــأل

ليكي انت بهادي العقليــــــــة يمكن راكيس تغاري برك

ماشي afair نتاع الغيرة مي والله يقلقوني ماعلاباليش وعلاه هكا نشتي نتناقش بزاف في البالون ديجا عندي معلومات بزاف (ماشكيتش تعرفيهم) مي مع ليجون مع les nanas مايعرفو والو لحد الان مالقيت ولا طفلة تفهم البالون و تحكي نورمال حتى لي شفتهم كامل ماعندهومش فاه يتفرجو لي ماتش ولا تقولي مانيش قاعدة تفرجت قلوب منسية ههه االمهم مرسي ختو