مهد الأديان ...نصرة للقضية الفلسطينية ...تـأليف / أحمد كرشوش

[أحمد كرشوش]

مهد الأديان ​

​

قريت كتوب شكال ولـــوان / وما خلّيت حتى صفحة فيها​

تحكي تاريخنا في كل زمــان / قـلـت بالاك نفــهم بيها​

حبّيت نعرف حاجة يا خـوان / هدي سنــين وانا علــيها​

نمشي ونــحوّس كل مكان / ندقّـق في سرارها ومعانيها​

ما عرفت علاش ارض الكنعان / لـمدينة العامــرة بمواليها​

ولآت محاصرة فـكل الطّرقـان / حتى ويدانها وضواحيـــها​

غلقو على ناسها كلّ البـيبـان / حــتلوها وقالو نسالو فيها​

داسو جوامعها ومنـعو الآذان / ناسها ما لقات ناصر يحميـها​

يا أهل النّــخوة يالـحـنان / يا لّي في قلـوبكم الغـيرة عليها​

يــاك ربي ذكـرها فالـقرآن / ونــوارو كل ضـالة يهديها​

يـاك فلســطين مهد الأديان / وشحال من نبــي فات عليها​

جميــع اللّي زارها يلقى لامان / وترحّـب دايـمن بلي يجيها​

منــها رسولنا رفعوا الرّحمان / للسـموات هـادي تكفيــها​

صــلوا معايا عليه يا خـوان / الصـلات عليـه لازم نوفيها​

علاش ما تــولي مـجاد زمان / ونكــونو يدّ وحـدة تفديها​

علاش ما نتــحلاو بالإيــمان / يــاك فرقتنا تزيـد عـليها​

مالـقيت جواب واضــح للآن / بصّح نطـلب ربي ينجّيــها​

​

تـأليف / أحمد كرشوش

 

[أحمد كرشوش]

Had el kasida elli nhebha bezzaf nehdiha lkoulel mouhasarine fi ghezza ...................... Rabbi ykoun m3akoum