لمدة 3 ثلاث ايام ان شاء الله
نستضيف المتنافس الاول { ب }
sam_houssem
سيجيب على 10 اسئلة اختبارية من منافسة مميزون + اسئلة الاعضاء .
والتصويت عليه يكون في الموضوع المثبت
{{{{{ التـــــــصـــــــــــــويـــــت }}}}}
صوت حسب الاجوبة
أسئلة المنافسة الرسمية
دعونا اولا نتعرف على المتنافس ....
- المستوى الدراسي او طبيعة العمل .
طالب جامعي سنة اولى علوم تسيير بجامعة فرحات عباس القطب الجامعي الثاني الباز
- الهوايات والاهتمامات الخاصة .
كرة القدم - الشعر والخواطر - التعارف وتكوين الصداقات
- مستوى التواجد والحضور في اللمة .
في كل محضر نحضر
زواجات طلاقات قتيلات سريقات اغتيالات ......
عدد المشاركات
6. شوي نوامر
في اليوم
يعني راني حاضر بقوة
--------------
اذا تم تخييرك بين هاته الالقاب في اللمة فماذا تختار
مشرف ::=:: نجم اللمة ::=:: من كبار الشخصيات
ما يهمش اللقب صدقوني
انا لي يهمني اني نكون واحد من بينكم
نفيد كيما راني نستفيد خاطر الاسامي ماهي الا اسامي لو ركزنا معاها وماكاش فرق بينا كامل كي المشرف كي النجم كي العضو لي شارك ضرك في الوقت لي راني ندير في اجاباتي
المهم نكونو يد وحدة
ماهو اهتمامك الاساسي اثناء التواجد في اللمة وماهي الاولويات فيها ؟.
اهتماماتي هي الشعر والخواطر وكذا الرياضة والتعارف
وينك يا زمان ارجع ويشهدو عليا القواطن
بالمناسبة تعيشو رجعوهم ضاقت روحنا خليونا نسقسو على العزاز
اتوحشنا قعدات زمان
وماعليش نسلكوكم شوي
وكذلك شوي منتدة واش راك تهدر نحب نعاون خاوتي الا قدرت
باه نحتاجهم في وقت كيما تاع ضرك:yahoo:
طلبنا منك ان تبتكر اسم جديد وايضا شعار مكتوب لمنتدى اللمة يعبر عنه فماهو الاسم و شعارك المقترح ؟.
منتدى : فجر الجزائر
الشعار: اجتمعنا...تعاوننا...فارتقينا
حدثنا قليلا عن مسيرتك في منتدى اللمة كيف تلخصها وماذا تقول .
كان يا مكان هناك فتي يصول ويجول في عالم النت ويسجل في منتدى لي يمضي سريع الخطى ليسجل في اخر فلم يترك منتدى الا وشارك فيه ولكن يمل بسرعة ليرحل الى الاخر
وفي حديثه مع احد هؤلاء الاصدقاء وهو بالمناسبة فتاة اسمها امال
دلتني على هذا المنتدى وقد اعطته من الاطراء مالو اعطي لفتاة لاغرمت به
المهم جئت مسرعا لاسجل به واظفر بمكان فيه
ففعلت وحاولت الالتزام لاضع اول مواضيعي فيه فكانت المفاجئة عدم مبالاة الجميع بي
فحز في نفسي ذلك كثير لاقرر الانسحاب في هدوء
ولكن اطراء الصديقة لم يغب عن بالي دقيقة لذا قررت خوض تجربة احترافية جديدة
فسجلت مجددا لاجد عكس المرة الاولى
ترحيبا وتجاوبا من طرف الاعضاء الكرام فقررت ان لا اغير هذا المنتدى وها انا معكم لغاية اليوم
فلا حرمني ربي منكم
وعاشو جميعا في سعادة دائمة
نريد منك بيت من الشعر يتحدث عن منتدى اللمة من ارتجالك وابتكارك .
اه يا منتدانا الغالي
يا من حضنتني وقت احزاني
كم من قصر فيك بنينا
وكم بسمة على شفاهنا فيك رسمنا
وكم من دمعة بكينا
وكم من اصدقاء كسبنا
فلا حرمنا منك يا منتدانا
يا من كنت لنا رفيقا وبيتا وحضنا
واحد ما يضحك عليا
ادرج لنا هنا تصميم او توقيع او صورة تجده يعبر عن شخصيتك .
اذا وضعت في وسط مجموعة من المتميزين في منتدى اللمة فبماذا ستتميز عنهم ؟.
لكل منا له ما يميزه
ولكل منا عيوب ومميزات
فان تحدثت عن ما يميزني عنهم يمكن صراحتي
يعني لي في القلب على اللسان
ونحب نضحك وننسى همومي وانا معاكم
ونتميز انو اي طفلة تجي نخطبها
وبلال علبالو
اذا طلبك صديق عزيز عليك في منتدى اللمة في منحه جميع مشاركاتك لترجع عضو جديد بدون مشاركات فهل توافق ام تتردد ام ترفظ ؟.
وعلاش الرفض
المشاركات انا لي جبتهم ولا هوما لي جابوني
ما يغلاوش عليهم ونزيدلو شوي صوارد عليهم
غالي وطلب الرخيس
ماذا تقول للاعضاء و لمنافسك تثبت به جدارتك واستحقاقك للتاهل ؟.
وش نقول لخاوتي ماهي الا منافسة والفوز للافضل
والا لقيتو نستاهل علابلكم واش ديرو والا لقيتو بلال خيرمني راح انا نكون معاكم ونقول يحيا سي مخلوف
كلمة مميزة موجهه الى الاعضاء المصوتون تكسب بها مساندتهم واصواتهم .
نقوللكم صوتو عليا نجيبلك البيض والمرغرين والزيت نتاع السانغو
اني هنا خوكم قليل
صوتي عليا ونزوج الوليات كامل
والذراري نجيبلك فلايك تحرقو بيهم لموزنبيق
اه عفوا لايطاليا واسبانيا
ولي حاب يروح لجنوب افريقيا كل شيء خالص عليا
نبعثو ميساج لصحبي راه يبيع كسكروط حمص لثم
ايا خلاص بلا ضحك صوتو عليا ولي ما يصوتش حسابو معايا
نمدلو يقضر البصل
بالتوفيق ان شاء الله
