ديفيرونس كبير بين .... و ....// sahiko و ناس اللمة

[sahiko hamza]

سلام عليكم ورحمة الله




هاو واش راكم ملاح لاباس أعليكم كي دايرين اليوم
حبيت نقول كلمة بلي كل واحد قستو بكلمة شريتلو يسمحلي والكمال لله


بون ..... ( أني عارف روحي نزيد نخلطهــا ههه )


المهم قاعد فطاكسي فون تاعي نخمم ظربت طلة البرا قعدت نشوف وقلت علاه الحالة ولات كيمــا هك ؟ ( هاكم فاهميني :closedeyes: )



وقت بكري مانشفاش الخرجة بزاف كانت لي تخرج من الدار بزاف تنحرق فلاسيتي وياويلهـا من خوها وسيرتو باباها و و ... لافان باينة

مي عام زوج تلاتة 20 تقلت الحالة وتعولمنا بالمقلوب تاع المقلوب مي مناش يرجع السبب ؟

مكانش نهار قعدت وحدك تحكي وقلت علاه ولات الحالة كيما هكا ؟
مام لطفي دوبل كانو وغنالهم على الحجاب في 1998 وقاللها تبقاي غبية ؟


مي واش هو السبب ؟



زعما نقولو والديهم مارباهومش ؟ مكانش منها شكون لي مايربيش ولدو ولا بنتو تربية مليحة ؟


خلينا من Questions ونحاول نقللولكم على إستنتاجي



عهد بكري كنا احنا لولاد من الدار لكلاصة لدار مع شويا تيلي ونرجع لكلاصة ولعشية نعاود واش شفنا فلميكي تاع كابتن ماجد وهذاك هو المعغرب أذن سيبون أقرى شويا وأرقد وغدوة كيف كيف ...



بون لبنات هام كانو كيفنا مي لعشية يحكمو كل مرة دار مرة في دارهم مع صحاباتها ومرة في دار أخرى وهي رايحة مع Poupées ودايرين رواحهم أمهات وهوما في عمارهم ياربي 5 سنين ولا أكثر شويا ... ولا ل Jeux au sol لي يعيطولها la maré



مي بدات تتبدل الحالة في نظري أنا ملي خرج المسلسلات المكسيكية ( وين تعلمتو الحب )
مع أناكريستينا وفاليريا و و و وتم بدات الحالة تتخلط

فالنهار الأول : والله مايحشم شت كي دار مع ....
من غدوة : او دارها وحد الجاست ....

قريب يخلاص المسلسل : يا يما على المسلسل هذا كون غي نلقى واحد كيما هك

( كاينين غي هوما وجدي روحك أنتي برك )



هنا وكل مايتعمقو في عرض المسلسلات كل ماتطورو أنتوما ويعود تفكريكم من 0 الى ماتحته ...



يعني تخمو في حاجة فارغة كيفاه تزيدو تفرغوها ؟


كيما وحدة قالولها واش أستفدتي اليوم ؟
قالتلهم بلي أستفدت مانستفاد والو :music_whistling:



يعني كون ماجاوش المسلسلات هذو زعما تخرجو تتمكيجو تعودو تعرفو الحب لي تجربوه كل عام وبقصة جديدة وماتعودش تمشي مع ثلاثة ولا أكثر شباب فالعام الواحد ؟



هههههههه نشفى كي هاجت علينا ميلودي ولي معاها زدتو هجتو يا لبنات
من قبل كنت تحلمو انكم تقعدو رابحين في la maré ديما وذرك تحلمو انكم تعيشو إستوار شابة تاع حب مع حبيبكم :music_whistling:






آااااااااااه يا مهند ويا عمار ولخرين مانعرفهمش راكم هلكتونا بناتنا




ذرك جاتكم فيريسيون جديدة تاع لكيب ناسيونال مي باينة تبدو تكرهوهم بالواحد



كرهتو عنتر كي تزوج وكرهتو مطمور كي خطب وهي رايحة

وتجيكم فيرسيون جديدة تعودو تحبو لي يعود يشيخ فالمنتديات ....




أسمحولي شبهتكم بديمو نيميريك ... ( طبعا مانحكي على حتى وحدة مي واش شافت عيني )





ربي يعينكم :music_whistling:






​

 

[Dr.CrAzY]

وعليكم السلام
*
كرهتو عنتر كي تزوج وكرهتو مطمور كي خطب وهي رايحة

وتجيكم فيرسيون جديدة تعودو تحبو لي يعود يشيخ فالمنتديات ....
*
بيان هادي
ويبقى البحث الجاري في مخابر كرايزي
لمعالجة الفراغ في عقول المتضررين رات رات


​

 

[sahiko hamza]

وعليكم السلام
*
كرهتو عنتر كي تزوج وكرهتو مطمور كي خطب وهي رايحة

وتجيكم فيرسيون جديدة تعودو تحبو لي يعود يشيخ فالمنتديات ....
*
بيان هادي
ويبقى البحث الجاري في مخابر كرايزي
لمعالجة الفراغ في عقول المتضررين رات رات


​

غي هو

قالو واش طلعت نهارك اليوم قالو إيه طلعتو بالبيان وهو هذاك وين ناظ
أرواح انت وأفهم :music_whistling:
​

 

[Sârsoùra L'mkàlChà]

عندك الحق يا سهيل خويا
بالصح تقدر تقول حنا مناش منهم
يعنــــــي نص برك

كرهت عنتر كي تزوج و مطمور كي خطب

هادي صح قلتها
​

 

[عاشقة رجاص]

هاو الكوناكسيون وجات كونتر ليا اليوم
راني كتبت 10 ردود ووالو:busted_red:
المهم حبيت نزيد شوية بهارات ونفكرك بالفارسيون تاع البورطابل
الميلينيوم داير رايو
ربي يهدي ماخلق عباد تاع درك
مصابين بهزة فكرية
تسمم عقلي وعكة دينية جلطة أخلاقية
ربي يشفيهم ويشفينا
قولوا آمين:closedeyes:​

 

[DARINE05]

يا خويا سهيل راك حاقد على البنات بزاف ربي يعطيك وحدة من النوع لي يكره قلبك خيح ومكرة فيك نروح انا نخطب لخويا سهيل واش قلت ههههههههه

 

[sahiko hamza]

عندك الحق يا سهيل خويا
بالصح تقدر تقول حنا مناش منهم
يعنــــــي نص برك

كرهت عنتر كي تزوج و مطمور كي خطب

هادي صح قلتها
​

ماشي نص نقدر نقول كامل هههههه
وي وي مزالللكم شحال من فيريسيون :music_whistling:
​

 

[معاك يا الخضراء]

مي بدات تتبدل الحالة في نظري أنا ملي خرج المسلسلات المكسيكية ( وين تعلمتو الحب )
مع أناكريستينا وفاليريا و و و وتم بدات الحالة تتخلط

واي كفاه ما هدرتش على كسندرا و ازمرلدا :no_1::no_1::no_1:
شوف كلش و لا عمار و اسمر :sneaky2::sneaky2: راني نشقالك للجلفة :sneaky2::sneaky2::sneaky2:
اما مطمور و عنتر يحيا خليها لربي :tears::tears:
مطمور زوج و خلاني :heh: :heh:
يا سااااااحيقو
والله و نشوفك تتفرج في كابتن ماجد غير نقعد و نلعب بالبوبية :closedeyes::closedeyes:
الزمن راهو يتبدل يا عمو :music_whistling: ​

 

[Manar19]

:tears:سي فغي المسلسلات ياترو سورتو على المراهقات....بصح مش هوما السبب الرئيسي للتغير للي راهو صاري....كاينين حوايج بزاف...من بينهم البعد عن الدين شوية....العوامل الاجتماعية ...متلا الاخ مبقاش يهتم بختو وللا يحوس عليها....الوغ الطفلة وللات تخرج وتحوس على روحها...تقضي...تخدم....تقرا....وللا تحوس على شريك لعمر...كما يقول جحا تاعنا....عوامل اقتصادية....وللي هي غلاء لمعيشة....للي خلات الاهل ميقدروش على المصاريف....الاب دو الدخل المتوسط يا ربي يجيب لغدا ولعشا با بليس....وهدي العوامل خللات الطفلة والمراة بصفة عامة تخرج....وهدا يؤدي الى اختلاط الجنسين...وللي يؤدي الى احتكاك....ومن تم اقامة علاقات....(علىبالي خرجت على الموضوع شوية)....
كرهت عنتر كي تزوج و مطمور كي خطب
انا كرهت بوقرة كي تزوج وهو صغير:tears:

 

[sahiko hamza]

هاو الكوناكسيون وجات كونتر ليا اليوم
راني كتبت 10 ردود ووالو:busted_red:
المهم حبيت نزيد شوية بهارات ونفكرك بالفارسيون تاع البورطابل
الميلينيوم داير رايو
ربي يهدي ماخلق عباد تاع درك
مصابين بهزة فكرية
تسمم عقلي وعكة دينية جلطة أخلاقية
ربي يشفيهم ويشفينا
قولوا آمين:closedeyes:​

جيت نرد عليك بلوكات اللمة
المشكل فيك مشي فلاكونيكسيون ههههه
سلام راسك يا مخلوقة


البورطابل والملنيوم راهم روطار
جاتنا فيريسيون تاع رونالدو وروبيرتوباجيو
عاندناهم باه نديرو كيفهم
مي اوموا سبور
مي انتموما كي فقكتو فقتو بالناقص :music_whistling:

وربي يقدر الخير
​

 

[عاشقة رجاص]

جيت نرد عليك بلوكات اللمة

المشكل فيك مشي فلاكونيكسيون ههههه
سلام راسك يا مخلوقة
ماتزيدليش يرحم باباك:tears:​

البورطابل والملنيوم راهم روطار
جاتنا فيريسيون تاع رونالدو وروبيرتوباجيو
جاتهم وحدهم أنا خاطي أنا حليش برك:music_whistling:
عاندناهم باه نديرو كيفهم
مي اوموا سبور
مي انتموما كي فقكتو فقتو بالناقص :music_whistling:
ياو قلتلك قول هوما أنا خاطي:busted_red:​

وربي يقدر الخير
آمين يارب والله غير عدنا نشوفو ظواهر الله يستر​

مام نتوما يعني لي gارصون ......... ولانقولك مبعد نديرها في موضوع خير :wink:
حقا نسيت ماقلتلكش شكرااااا
على موضوعك بارك الله فيك
وماتجملش أنا خاطي :busted_red:​

 

[sahiko hamza]

يا خويا سهيل راك حاقد على البنات بزاف ربي يعطيك وحدة من النوع لي يكره قلبك خيح ومكرة فيك نروح انا نخطب لخويا سهيل واش قلت ههههههههه

اوكـي مذا بيا مي تحبني وتعرف طيب لفريت :music_whistling:
​

 

[THE GNAWIE]

وشنو هذا خو
كامل حقد
*انا نقولك صح عندك الحق
مي ماشي كامل والله مازال
كاين بنات الاصل
*و زيد نتوما gانيت فيكم ما يكفيكم
قليل همكم​

 

[sahiko hamza]

مي بدات تتبدل الحالة في نظري أنا ملي خرج المسلسلات المكسيكية ( وين تعلمتو الحب )
مع أناكريستينا وفاليريا و و و وتم بدات الحالة تتخلط

واي كفاه ما هدرتش على كسندرا و ازمرلدا :no_1::no_1::no_1:
شوف كلش و لا عمار و اسمر :sneaky2::sneaky2: راني نشقالك للجلفة :sneaky2::sneaky2::sneaky2:
اما مطمور و عنتر يحيا خليها لربي :tears::tears:
مطمور زوج و خلاني :heh: :heh:
يا سااااااحيقو
والله و نشوفك تتفرج في كابتن ماجد غير نقعد و نلعب بالبوبية :closedeyes::closedeyes:
الزمن راهو يتبدل يا عمو :music_whistling: ​

هههههههه
يسحقك ساحيقو يا ريموتا :music_whistling:
​

 

[amira_algeria]

وزيد المسلسلات التركية كملت على الباقي لي كان عندها شوي عقل راح و ميرسي على الموضوع سهيل مي راك جايبها غير عقاب لبنات هههه

 

[sahiko hamza]

:tears:سي فغي المسلسلات ياترو سورتو على المراهقات....بصح مش هوما السبب الرئيسي للتغير للي راهو صاري....كاينين حوايج بزاف...من بينهم البعد عن الدين شوية....العوامل الاجتماعية ...متلا الاخ مبقاش يهتم بختو وللا يحوس عليها....الوغ الطفلة وللات تخرج وتحوس على روحها...تقضي...تخدم....تقرا....وللا تحوس على شريك لعمر...كما يقول جحا تاعنا....عوامل اقتصادية....وللي هي غلاء لمعيشة....للي خلات الاهل ميقدروش على المصاريف....الاب دو الدخل المتوسط يا ربي يجيب لغدا ولعشا با بليس....وهدي العوامل خللات الطفلة والمراة بصفة عامة تخرج....وهدا يؤدي الى اختلاط الجنسين...وللي يؤدي الى احتكاك....ومن تم اقامة علاقات....(علىبالي خرجت على الموضوع شوية)....
كرهت عنتر كي تزوج و مطمور كي خطب
انا كرهت بوقرة كي تزوج وهو صغير:tears:

ههههه
وقيلا هنا مادخلس غلاء المعيشة ؟
لأنو السبب باين من المسلسلات ونقلك ملي خرجو قناة ألبيسي من تم ماجاناش الخير منكم


بوقرة ؟؟؟


خليك واقعية أحسن :closedeyes:
​

 

[02asma02]

والله يا خويا هدا واش راه صاري في هذا الوقت ربي يهديهم
​

 

[amira_algeria]

مكانش رد:tears: ولا وحدة بوحدة هههه

 

[iméne09]

ههههههههههههههههههه راك حكيت ووفيت عندك الحق في كل كالمة قلتها كلامك راه موزون ع الصح مي مزال كاين الخير في لبنات مراهمش كامل هكدا كما كاين لخايبة تلقى لميحة وهدو هوما لحوايج لي ياترو في لبنات ومام دراري تبدلو بارسكو بكري راح يكري مع تكنولوجيا طورت اوبليجي لبنات يطورو ومزال نزيدو نشوفو لعجب ربي يهدي ماخلق
يعطيك الصحة سهيل موضوع وعليه الكلام ​

 

[khalil hip hop]

انا بدت الحالة في نظري