فيـلم جزايري هندي مور الدورة تع الباطيمة ماتفوتوش هه

[امورة المنتدى]

السلام عليكم خاوتي لعزاز هاد الميضوع اتهناو الليدي تاعي مش تع خويا ههههههه

المهم راكم بيان كامل ؟ طاطا هيلدا عمو غزال والعايلة لافامي كامل بخير ايا طولنا ندخلو فالميضوع

ايا مرة خرجت عند وحدة حبيبتي نتسلف كايي راكو تعرفو الدنيا اختبارات ههه ايا راني نشوف واحد

واش يدير عابالي ع9ون ايا قاعد يغمز يغمز ويشاور بيديه

تشوفوه تقولوا هادا سورمون عـ9ـون ايا من بعد درت ورايا نلقى واحدة كيما هو تشاورلو

قلت واقيل فاميليا سور قاعدة نتبع الاحداث نقطة بنقطة تحسيت روحي نشوف فيلم هندو

تع هيتريك روشان مع ايشواريا راي (جودا اكبر) ههههههه

ايا الحالة ماتفهمو في خالتها والو لوخر يغمز لوخرا وجها حمر لوخر يشاور للتيليفون لوخرا تكتب فالنيميرو تع لابوس

ايا بعد شوية راحت ليه بعد ماشاورلها بيديه انا قلت اللحظة الحاسمة ربي برك ماكاش بوبليسيتي

كيما يديرو الهنودة ههههههه

واخيرا نطق لسانهم وعرفت بلي مش عـ9ـا9ـن

من بعد جات صحبتي مسكينة غاضتها عمرها كي راطات الفيلم

واش رايكم فالعقلية السوبر هههههه الجديدة ؟؟؟؟

نيو عقلية هههههه عقلية dz

ههه غدوا يادرا وش من عقلية جديدة هههه

**نتمنى يعجبكم ميضوعي**

كي نشوف الحلقة الدوزيام نحكيها لحبابي

**ايا خلاصو دراهمكم**

**اموووورة الزينة**:yahoo:

 

[SARA_BRAHIM]

ههههه اليوم فيلم هندو غدوا فيلم بوليسي أكشن
​

 

[نسمة حب]

حنا يصراو غي افلام الرعب

 

[zooro]

هههههههههههههه

يا اموره راكي تحضري غير على هاد الافلام

شوقتينا للحلقه الجايه بلاك تكون فيها ضحايا ولا لا
​

 

[~ مستشـآرهـ طـرزآنـ ~]

والله غير وحدك يا أمورتي..ههههههههههههه
بالاك يحكو (عن طريق الألغاز)..يفهمو بعضاهم غير هوما زوج..!!!
المرة الجاية عسّي بيان بالاك تفوتك كاش لقطة من فيلم آخر ههههههه​

 

[iméne09]

ههههههههههههههههه فيلم وعليه لكلام انا تاني غاضتني عمري كي ماشفتش تقرعيجة كماهدي:tears: علاش ماعيطتيليش سير قرعاجة من لكبار ياك حلاوتها بالاشاراة فكرتيني في بن عاشور تاع صم وبكم هوما تان تحلبو بعقلية نيو هكداك زعما سونسمير يهدر معاها ومكانش لي يفيقلو ويفهمها باش مايحلبوهمش بيها مي ديما راهم يخترعو حاجة جديدة عندهم وحد تخمام مكانش قاع كفاش تفهميه وبلاك غدوة تشوفي فيلم تركي يلزم تجيبي لحكاية سخونة من لول حتى للافان :heh:
يعطيك صحيحتك ع الطرح الهايل يا امورتي زينة ​

 

[Sârsoùra L'mkàlChà]

هههههه خلعتيني يا مهبولة
انا كي قلتيلي اشواريا حسباتلي نتيا

بالصح خادو بهــــــــــــــــالل تع الصح
يعني ما لقاو وين يتلاقاو ولا كيفاش غير مور البطيمة و بلغة لعـ9ـا9ـن
يخي كاليتي يخي

انا لوكان يديرهالي نكرهو ثم


شوفي بالاكي اطولي بالحلقة الثانية ههههههههه
​

 

[السلطانة]

وعليكم السلام
هههههههه هادو ديمونغو
طوايش قدام الشعب
يخي عباد يخي

 

[BARCA232]

السلام عليكم فكرتيني بفيلم
تاع وردية مين راح هو يلقى العروسة فاتت وخلاته للزاوج
مالا هذه هي لغة المجذاب
هاوووو العلم راهم يقروووووو
شكرا امورة
​

 

[bob16]

عيش تشوف وعيش تسمع ربيى يخلف​

 

[kou147kou]

هههههههه فيلم هندو صح رانا متشوقين للحلقة الدوزيام

 

[SOUHA]

هههههههههههه
نروح نعقب الامتحان ونجيك نرد اوكي اني حجزت في الاوتيل ههههه

 

[ياسمين عنابة]

أموووووووووووووووور ةوعليها الكلام
هههههههههههههههههههههه ع9ا9ن

 

[algerienne2]

اليوم فيلم هندي غدوا مسلسل تركي

 

[جزائرية للابد18]

فيلم روعة اختي وينا قناة يعرضوه mbc4ولا زي افلام لازم نتفرجوا

 

[DARINE05]

اووووو هاذ فيلم فووور خصنا التصاور ونديروه في زي افلام

ا يدير حالة ههه

 

[cocasse]

هههههههههههههههههههههه
هذا الفيلم نتاع hom ko dewanna kargaee نتاع أكشاي و كاترينا.......

..................
لالا هذا التيتانيك لبالعقلية نتاع العرب​

 

[AnGeL*dZ]

ههههههههههههههههههههههههههههههههههههههه
رآحتلي ماتفرجتش معآك هآذ الفيلم :tears:
وزيد على الهوآء مبآشرة بدون فاصل اعلاني:music_whistling:
نوعيــــــــــة جديدة هآذي ماوصلتش عندنا
هاو ربي يهديهم :closedeyes:
​

 

[didin91]

اختي امورة المنتدى سمحيلي مي إخراج سيئ للغاية حاولو ثانية

 

[Cow-boy]

الحمد الله الي فاتت غير مع الهنودة و ما دخلتوش جيهت الهوليوود

راكي لصقتينا ورانا نسناو في الحلقة الزاوجة :u_pc: