كوكا بالطون وبطريقة جديدة من مطبخي

[nada242008]

المكونات

للعجينة
500 غ فرينة
رشة ملح
رشة سكر
10 م ك زيت
وماء دافيء للعجن

الحشو
2 علب طون بالزيت
بصلة كبيرة
فلفلة خضراء حلوة
فلفلة حمراء حلوة
نصف فلفلة خضراء حارة
4 الى 5 حبات طماطم كبيرة
2 بيضات مغليين ومبشورين
زيتون اسود منزوع النوى
هريسة اختيارية
ملح + فلفل اكحل

الطريقة
-اولا نحضر العجينة ونتركها ترتاح
ثم نقسمها الى قسمين
نفرد القسم الاول ونضعه في بلاتو ونثقبه بالشوكة ثم ندخله الى الفرن الى ان يشقر لونه

- ثم نقوم بتحضير الحشو
في مقلاة على نار متوسطة نقطع البصل جوانح + م ص من الزيت

ثم نضيف كمية الطون مع الزيت اللي في العلبة

ثم نضيف الفلفل الاخضر والاحمر الحار والحلو مقطع مربعات

ثم كمية الطماطم المرحية وملح وفلفل اكحل ونتركها على النار حتى تنشف من الماء مع الخلط المستمر

وهذا شكلها بعدما تنشف

ثم نطفي عليها النار ونضيفلها البيض والزيتون

وفي الاخير كمية قليلة من الهريسة

بعد ما تطيب العجينة اللي في الفرن نضع فوقها الحشو

ثم نضع فوقها القسم الثاني من العجينة وندهنه بصفار بيضة مع شوية حليب

ندخلها الى الفرن ونشعله من فوق حتى تطيب العجينة الفوقانية
نتركها تبرد ثم تقسم وتقدم

تحياتي للجميع:surrender:

 

[كوثر الوهرانية]

مشاء الله عليك اختي ندوشة جاتك تشهي يعطيك الصحة اختي راكي ساجية تاع الصح

 

[s_luna]

بارك الله فيك أمّ ندى
شكرا
​

 

[chamousa]

الله يبارك ندي خرجت تشهي ربي يحفظك تسلمك ايدك عزيزتي

 

[momoude]

يعطيك الصحة ام ندى على الوصفة ولاكن عندي اقتراح لكان جات مورقة كيما نتاع البيتزيريا تاني تجي هايلة ويعطيك الصحة مرة تانية

 

[هــــيلدا]

:sneaky2::sneaky2: وكتاش درتيها،، علاه مبعثتيليش شوية:tears:

يعطيك الصحة اطاطا،، جاتك تهبل،،

ندوشة نقدر نطيبها في الفور??:surrender:

من هداك النهار ونا نندب علا الكويزينيار محبوش يعدلوه:tears: قالولي اصبري للصيف:sneaky2:

هاد لعشية راح ندير الكروكي واذا مطابش نديرو تطبيق نيء:yahoo::yahoo:

:yahoo::yahoo::yahoo: صحيتي حبوبتي،، ربي يخليك:yahoo:
​

 

[marwa mimi]

والله باينة بنينة بزاف يعطيك الصحة

 

[assia11]

هايلة الكوكا ندا يعطيك الصحة

 

[nada242008]

مشاء الله عليك اختي ندوشة جاتك تشهي يعطيك الصحة اختي راكي ساجية تاع الصح

الله يسلمك يا كوثر
ربي يحفظك اختي

بارك الله فيك أمّ ندى
شكرا
​

وفيك يبارك يا لونا
نورتيني

الله يبارك ندي خرجت تشهي ربي يحفظك تسلمك ايدك عزيزتي

شكراا شموستي الغالية على المرور الطيب
تحياتي

يعطيك الصحة ام ندى على الوصفة ولاكن عندي اقتراح لكان جات مورقة كيما نتاع البيتزيريا تاني تجي هايلة ويعطيك الصحة مرة تانية

اكيد بالعجينة المورقة تجي خير وخير
وانما هذي ساهلة ومكوناتها متوفرة في البيت وماتطلبش وقت طويل
الف شكر عزيزتي على المرور الجميل

:sneaky2::sneaky2: وكتاش درتيها،، علاه مبعثتيليش شوية:tears:
درتها اخر ليلة قبل مانروح لبسكرة
يعطيك الصحة اطاطا،، جاتك تهبل،،
الله يسلمك بنيتي الغالية مرور هو اللي يهبل
ندوشة نقدر نطيبها في الفور??:surrender:
فور اليكتريك تقصدي
اكيد تقدري وتجي خير من تاع الكوشة
من هداك النهار ونا نندب علا الكويزينيار محبوش يعدلوه:tears: قالولي اصبري للصيف:sneaky2:
ديباني بالفور حتان يخدموها وخلاص حبوبة
هاد لعشية راح ندير الكروكي واذا مطابش نديرو تطبيق نيء:yahoo::yahoo:
اكيد يطيبلك ويجيك مليح
راني نسنى كل جمعة تقولي نطيب كروركي:sneaky2:
:yahoo::yahoo::yahoo: صحيتي حبوبتي،، ربي يخليك:yahoo:
شكرااا يا اجمل والطف سرسورة
ربي يحفظك:surrender:
​

:surrender::surrender::surrender:

والله باينة بنينة بزاف يعطيك الصحة

الله يسلمك اختي
نورتيني بمرورك العطر

هايلة الكوكا ندا يعطيك الصحة

الله يسلمك اسيا
بارك الله فيك

 

[imane27]

y3atik saha nada bayna bnina ya shatra

 

[هــــيلدا]

عمتي،، ههه

العجينة مفيهاش الخميرة??

الكروكي تطبيق فاشل،، من بعد نحطو

كون تزيد تجي هاذي فاشلة نعتزل الطبخ ههههه
​

 

[امينة ك]

ممممممممممممم باين عليها تشهي
يعطيك الصحة
​

 

[sandoussa3000]

الله يبارك
يعطيك الصحة غاليتي
درك نطبقها وان شا الله برك ماتنحرقش ههههههههه
شكرا غاليتي ام ندى
ربي يحفظك كل اطباقك رائعة

 

[nawal1980]

جات هايلة الكوكا ياندى يعطيك الصحة

 

[salima1981]

شكرا لك اختى على الوصفة باينة فيها جد شهيييييييييييييية يم يم يم


الله يعطيك الصحة
​

 

[nada242008]

عمتي،، ههه

العجينة مفيهاش الخميرة??

الكروكي تطبيق فاشل،، من بعد نحطو

كون تزيد تجي هاذي فاشلة نعتزل الطبخ ههههه
​

لالا مافيهاش الخميرة كمية الزيت وحدها تخليها تجي مبسسة وتدوب في الفم
وعلاه مانجحلكش الكروكي بلاك الخميرة قديمة
لالا ان شاء تنجحلك
سرسورة كل حرقنا وفشلنا باش تعلمنا كل ماتفسدي حاجة تتعلمي حوايج
ماتتقلقيش وكملي وان شاء الله حاجة ماتفشل

ممممممممممممم باين عليها تشهي
يعطيك الصحة
​

شكراا امينة
الله يسلمك اختي

الله يبارك
يعطيك الصحة غاليتي
درك نطبقها وان شا الله برك ماتنحرقش ههههههههه
شكرا غاليتي ام ندى
ربي يحفظك كل اطباقك رائعة

ربي يخليك سندوسة
وان شاء الله ماتتحرقش
انت ثاني كي تعودي تطيبي اقعدي راقبي ما تروحيش تحوسي وتخليها:u_pc:
شكراا سندوسة على مرورك الجميل

جات هايلة الكوكا ياندى يعطيك الصحة

شكراا حبوبتي نوال
ربي يحفظك

شكرا لك اختى على الوصفة باينة فيها جد شهيييييييييييييية يم يم يم


الله يعطيك الصحة
​

نورتيني سليمة بمرورك العطر
بارك الله فيك اختي

 

[nada242008]

y3atik saha nada bayna bnina ya shatra

شكراا ايمان على ردك الجميل
تحياتي:surrender:

 

[mamouka]

يعطيك الصحة

 

[ibtesem]

يعني انا اخر من يعلم معليش
كامل كليتو بصحتكم
بصحتك ندو على الكوكا جاتك هايلة
فكرتيني في محجوبة تاع الكوشة كانت تعملها امي
اكيد نطبقها انشاء الله​

 

[ibtesem]

عمتي،، ههه​

العجينة مفيهاش الخميرة??​

الكروكي تطبيق فاشل،، من بعد نحطو​

كون تزيد تجي هاذي فاشلة نعتزل الطبخ ههههه​

هيلدا انا اليوم عاودت الكروركي تاع ندودة جا هايل
اكيد انت كان مشكلكي في الخميرة انشاء الله كي نجي نجيبلك
معايا الخميرة تعيش عشرة سنين يعني اطيبو بيها اولادك انشائ الله
:heh::heh::heh::heh::heh::heh::heh::heh::heh::heh::heh::heh::heh::heh:
هذو كامل بناتك اكونو رواد في المطبخ
هههههههههههه