- إنضم
- 2 أكتوبر 2008
- المشاركات
- 1,442
- نقاط التفاعل
- 5
- نقاط الجوائز
- 157
سلام على كل اهل اللمة
حبيت بعد العودة تاعي نطرح عليكم موضوع بلاك انتوما كامل تشاطروني فيه الراي
ما راكمش حاسين بلي الجزاير راهي قاعدة غير تطلع قيمتها وتزيد بين الدول
انا كنت وقت الارهاب نظن بلي بلادنا مستحيل تزيد ترجع وما بقالها
والو تتباهى بيه بين الدول حتى عدت نشوف الموزمبيق خير علينا
جاز علينا وقت صعيب عدنا نشوفو فيه رواحنا اللخرين بين الامم
مشتاقين كلش هادا البنان ياكلوه غير ولاد الوزاراء
والبورتابل يهزوه غير السفراء والله يا الميكرو و الانترنت نشوفوهم غير فالافلام تاع
الماريكان . وزيد حبست بلادنا من كل النواحي منين تقلب وجهك تلقاها
كحلة حتى البالو وعدنا كي نلعبو نخافو من اي فريق ونروحو نلعبو واحنا
ضامنين الخسارة . وكي تلعب ليكيب ناسيونال ما نسمعوش بيها حتى
غير كي يخلص الماتش باه نسقيو بقداه خسرنا
وهادي الجزيرة تجيب فالمجازر وهادا فيصل القاسم يقطع . المهم
حالة عشنا فيها وعيشونا فيها .
ودرك شوفو واين عدنا الحمد الله كي تعدلت تعدل فيها
كل شئ رايحين تقولولي مازال ما حققناش كل شئ انا نقلكم الحمد
الله مادام عدنا نفتحو التلفيزيون ونلقاو اخبار المونديال ولعرب كامل
يتغناو بالجزاير ويصور فالجزايريين كي فرحانيين وزاهيين عندي
الدنيا وما فيها نعمة من عند ربي . رايحين تقولولي واش بيك حكيتي
في هاد الموضوع نقلكم هادا واين كنت نتفرج وشفت
المظاهرات اللي في فرنسا على جال الفيلم تاع المخرج
الجزايري بوشارب اللي يحكي فيه على الاستعمار وواش دار
اتخيلو مهرجان كان بكل شهرتو عاد النقاش فيه غير
على فيلم جزايري العالم كامل سمع بيه . هنا تعرفو بلي
الجزايري مهما غاب عمرها شمعتو تنطفي لانو الجزاير
بلاد الرجال وكيما ولدت اللي دمروها ولدت رجال واقفين باه يشرفوها
حبيت بعد العودة تاعي نطرح عليكم موضوع بلاك انتوما كامل تشاطروني فيه الراي
ما راكمش حاسين بلي الجزاير راهي قاعدة غير تطلع قيمتها وتزيد بين الدول
انا كنت وقت الارهاب نظن بلي بلادنا مستحيل تزيد ترجع وما بقالها
والو تتباهى بيه بين الدول حتى عدت نشوف الموزمبيق خير علينا
جاز علينا وقت صعيب عدنا نشوفو فيه رواحنا اللخرين بين الامم
مشتاقين كلش هادا البنان ياكلوه غير ولاد الوزاراء
والبورتابل يهزوه غير السفراء والله يا الميكرو و الانترنت نشوفوهم غير فالافلام تاع
الماريكان . وزيد حبست بلادنا من كل النواحي منين تقلب وجهك تلقاها
كحلة حتى البالو وعدنا كي نلعبو نخافو من اي فريق ونروحو نلعبو واحنا
ضامنين الخسارة . وكي تلعب ليكيب ناسيونال ما نسمعوش بيها حتى
غير كي يخلص الماتش باه نسقيو بقداه خسرنا
وهادي الجزيرة تجيب فالمجازر وهادا فيصل القاسم يقطع . المهم
حالة عشنا فيها وعيشونا فيها .
ودرك شوفو واين عدنا الحمد الله كي تعدلت تعدل فيها
كل شئ رايحين تقولولي مازال ما حققناش كل شئ انا نقلكم الحمد
الله مادام عدنا نفتحو التلفيزيون ونلقاو اخبار المونديال ولعرب كامل
يتغناو بالجزاير ويصور فالجزايريين كي فرحانيين وزاهيين عندي
الدنيا وما فيها نعمة من عند ربي . رايحين تقولولي واش بيك حكيتي
في هاد الموضوع نقلكم هادا واين كنت نتفرج وشفت
المظاهرات اللي في فرنسا على جال الفيلم تاع المخرج
الجزايري بوشارب اللي يحكي فيه على الاستعمار وواش دار
اتخيلو مهرجان كان بكل شهرتو عاد النقاش فيه غير
على فيلم جزايري العالم كامل سمع بيه . هنا تعرفو بلي
الجزايري مهما غاب عمرها شمعتو تنطفي لانو الجزاير
بلاد الرجال وكيما ولدت اللي دمروها ولدت رجال واقفين باه يشرفوها
