خبز المطلوع او خميرة من مطبخي

[nada242008]

اليوم جات في بالي الخميرة قلت نديرها ونصورها ضربت على شكارة الدقيق لقيت غير شوية:bored:
قلت ماعليهش نطيبها لاشتى جات قرصة واحدة:like_1:

المكونات

لكل قرصة مطلوع ملعقة كبيرة خميرة خبز
ملعقة كبيرة زيت
ملح
ماء دافيء للعجن

الطريقة
نخلط السميد والخميرة مع الزيت جيدا ثم نبللها بالماء الدافيء ونخلط بدون عجن

نغطيها ونتركها ترتاح لمدة ربع ساعة
ومن بعد نبدا نضيف في الماء تدريجيا وندلك
نواصل الدلك :showoff:مع اضافة الماء حتى نتحصل على عجينة طرية
وفي اخر خطوة نضيف الملح مع شوية ماء ومانرخفش العجينة بزاااف

ونستمر في الدلك حتى تتشكل فقاعات في العجينة يعني انها مدلوكة جيدا:showoff:

نغطيها
نفرش منديل ونرشه بالفرينة ونحط فوقه قرصة الخبز ونسطحها براحة اليد حتى لانترك اثار للاصابع

ونرشها من فوق ايضا بالفرينة
نغطيها بمنديل اخر ونخليها تختمر
في الوقت اللي تختمر فيه نحضر الطاجين ونحطو يسخن على نار متوسطة
بعدما يسخن الطاجين نقلب عليه قرصة الخميرة

نلاحظ انها انتفخت

نطيبها على الجهتين
ثم نطيب الحواشي اي حواف القرصة بتقريبها من حافة الطاجين

بعدما تبرد نقسمها

ماتديروش كيفي قسمتها وهي سخونة:no_1:

تحياتي للجميع:surrender:
نسيت ما ذكرتش حاجة
بعدما تطيب الخميرة ندهنها باسفنجة او كتانة فيها شوية زيت
باش تجي تلمع:angel:

 

[nawal1980]

اممم الريحة جابتني لعند الخميرة
يعطيك الصحة ندوشة
قوليلي من فضلك واش حب يقول
كار تاع طماطم؟؟؟؟؟
ما عرفتهاش

 

[nada242008]

اممم الريحة جابتني لعند الخميرة
يعطيك الصحة ندوشة
قوليلي من فضلك واش حب يقول
كار تاع طماطم؟؟؟؟؟
ما عرفتهاش

كار طماطم = علبة طماطم مصبرة تاع الكيلو
هذيك هيا اللي نكيلو بيها السميد

 

[s_luna]

يعطيك الصحّة يا الفحلة
​

 

[ibtesem]

يعطيك الف صحة ندي على الخميرة
والله جات هايلة بصحتكم
انت درك تسخفي فيا والله واش لحكلية
يابنتي حابا نشيان حرهم عليك
واع واع واع
هدي ندى ماشي انا
ههههههههههههه​

 

[nada242008]

يعطيك الصحّة يا الفحلة
​

الله يسلمك لونا
شكرااا

يعطيك الف صحة ندي على الخميرة
والله جات هايلة بصحتكم
الله يسلمك بسومة العزيزة
انت درك تسخفي فيا والله واش لحكلية
يابنتي حابا نشيان حرهم عليك
هههههههههه طرف خميرة مايسمنش
وينحي السخفة
واع واع واع
هدي ندى ماشي انا
ههههههههههههه​

يلا نوضي يالفحلة طيبيها للبنات وتفكري ريحة لبلاد:wink:

 

[sandoussa3000]

الله يبارك جات تهبّل
انا ديما كي نطيبها تجي مشيانة كيفي ههههههههههههه
جامي طلعت هاكي تشوفي في اختك الخايبة سندوسة
لازمني نجيك تديريلي ستاج حبوبتي ام ندوش
ربي يحفظك يا غالية

 

[nawal1980]

شفتي منكم نتعلم كار طماطم هي علبة الكيلو تاع الطماطم ما كنتش علابالي
يعطيك الصحة جاتك شابة

 

[imane27]

y3atik saha nada ala matlouh jak hayal bsahatkoum

 

[nada242008]

الله يبارك جات تهبّل
انا ديما كي نطيبها تجي مشيانة كيفي ههههههههههههه
جامي طلعت هاكي تشوفي في اختك الخايبة سندوسة
لازمني نجيك تديريلي ستاج حبوبتي ام ندوش
ربي يحفظك يا غالية

ضحكتيني سندوسة
نقلك كي تحطيها تخمر ما تخليهاش تطول قيس ما يسخن الطاجين طيبيها
كون تخليها مدة تطلع وتعاود تتفش في الطاجين
جربي العفسة هذي ورديلي الخبر
مرحبا بيك سندوسة

شفتي منكم نتعلم كار طماطم هي علبة الكيلو تاع الطماطم ما كنتش علابالي
يعطيك الصحة جاتك شابة

نوالو هذا مصطلح بسكري حر
كار طماطم نقيسو بيه السميد :angel:
كي تروح اختك راهي ترجعلك الخبر

y3atik saha nada ala matlouh jak hayal bsahatkoum

الله يسلمك ايمان
ربي يحفظك اختي

 

[كوثر الوهرانية]

الله يعطيك الصحة اختي ندوشة راكي فحلة نتاع الصح كي تعرفي طيبي المطلوع و الله غير نستعرف بيك مرة و عليك الكلام ايييه فكرتيني بصغري قبل منمرض من دراعي
مشاء الله عليك و تاكلوها بالصحة نتي و ندوشة الصغيرة بوسيهالي بزاف

 

[nada242008]

الله يعطيك الصحة اختي ندوشة راكي فحلة نتاع الصح كي تعرفي طيبي المطلوع و الله غير نستعرف بيك مرة و عليك الكلام ايييه فكرتيني بصغري قبل منمرض من دراعي
مشاء الله عليك و تاكلوها بالصحة نتي و ندوشة الصغيرة بوسيهالي بزاف

شكراا كوثر على المرور الجميل والرد الاجمل
بارك الله فيك اختي والله يعطيك الصحة ويحفظلك الاولاد:surrender:

 

[حاملـة المسك]

فعلا اختي ندى يخلوها تكمل تطلع في الطاجين لاحظو انكم لما تقلبوها التقليبة الاولى تكمل تطلع
بارك الله فيك ندى وا سمحيلي نقلك ولغيرك كفاش ندير مطلوعي
كيلة علبة طماط
2ملاعق فرينة
ملعقة بودرة لحظة
رشة خفيفة سكر
للنكهة مبشور الليمون او البرتقال
سنوج او البسباس او حبة حلاوة احيانا انا اجمع الكل
المقادير هذي تديرلي 2 مطلوعات
و البقية كما قلتي اهمها ترتاح ساعة قبل عجنها

نسقسيك اختي ندى فقط حوشتي لحواشي لانو حسب الصورة يبانو بيوضا ياربي تكوني فهمتيني

و صحا لهدوك ليدين لعجنو و طيبو​

 

[nada242008]

فعلا اختي ندى يخلوها تكمل تطلع في الطاجين لاحظو انكم لما تقلبوها التقليبة الاولى تكمل تطلع
بارك الله فيك ندى وا سمحيلي نقلك ولغيرك كفاش ندير مطلوعي
كيلة علبة طماط
2ملاعق فرينة
ملعقة بودرة لحظة
رشة خفيفة سكر
للنكهة مبشور الليمون او البرتقال
سنوج او البسباس او حبة حلاوة احيانا انا اجمع الكل
المقادير هذي تديرلي 2 مطلوعات
و البقية كما قلتي اهمها ترتاح ساعة قبل عجنها

نسقسيك اختي ندى فقط حوشتي لحواشي لانو حسب الصورة يبانو بيوضا ياربي تكوني فهمتيني

و صحا لهدوك ليدين لعجنو و طيبو​

شكراا على الاضافات اختي
كار سميد يعملك زوج قرص بصح يكونو صغار وهذي مسالة اختيارية
بالنسبة للمنكهات نفضل برش الليمون وكون نزيد حاجة اخرى ماياكلوهاليش
حوشيتها بصح بعدما صورتها ونحوشيها غير شوية مانحبهاش مشوطة
الف شكر عزيزتي على المرور والاضافة الطيبة
والمرة الاية ماتنسايش تصورنا خميرتك

 

[حكيك]

بارك الله فيك اختي جاتك شابة
يعطيك الصحة

 

[nawal1980]

شكراا على الاضافات اختي
كار سميد يعملك زوج قرص بصح يكونو صغار وهذي مسالة اختيارية
بالنسبة للمنكهات نفضل برش الليمون وكون نزيد حاجة اخرى ماياكلوهاليش
حوشيتها بصح بعدما صورتها ونحوشيها غير شوية مانحبهاش مشوطة
الف شكر عزيزتي على المرور والاضافة الطيبة
والمرة الاية ماتنسايش تصورنا خميرتك

شكرا ليك اختي بائعة الكبيرت على الوصفة

 

[nawal1980]

ندوش اختي نعيمو انا الي راني نعلملها تهدر بالبسكرية
والله حاجة مليحة كل واحدة تهدر بلغتها المحلية ونتعلمو من بعض اللهجات
ان شاء الله كي نروح لدارنا نصورلكم الخميرة تاعنا
وبالزيادة في دارنا الطاجين نسيناه شرات يما واحد الكوشة من بلاد قبايل سبيسيال تاع الخبز والبيتزا كاش اتجي روعة
نسيت ما قولتلكش حنا الخميرة نديروها بالفرينة برك وتجي خفيفة
ان شاء الله كاش نهار نحطلكم الوصفة

 

[اميرة المنتدى]

تطبيق رائع

 

[حاملـة المسك]

شكراا على الاضافات اختي
كار سميد يعملك زوج قرص بصح يكونو صغار وهذي مسالة اختيارية
بالنسبة للمنكهات نفضل برش الليمون وكون نزيد حاجة اخرى ماياكلوهاليش
حوشيتها بصح بعدما صورتها ونحوشيها غير شوية مانحبهاش مشوطة
الف شكر عزيزتي على المرور والاضافة الطيبة
والمرة الاية ماتنسايش تصورنا خميرتك

يجو اقل سمكا و هذي كما قلتي مسألة اختيارية كل عائلة كفاش تحب
باذن الله... درك راهي حاكمة على خبز الكوشة و لا رخساس بوطلعة
ياريت اختي ندى كل عضوة تدخل اي وصفة و تكون عندها فكرة او اضافة جديدة متبخلناش
الجزائر واسعة و الافكار متنوعة
و لهن كل الشكر
​

 

[حاملـة المسك]

شكرا ليك اختي بائعة الكبيرت على الوصفة

العفو أختي نوال​