رانا في نهاية العام هيا كل واحد يجري على روحو......

[إحســاس بــراءة]

السلااااااااام عليكم و كيراكم ياالغاليين ان شاء الله كامل بخير:yahoo:
عندي بزاااااااااف ماكتبتش مواضيع الله غالب كنت مع الامتحانات و كان ممنوع عليا ندير ردود و مواضيع:u_pc: :u_pc:
من الصباح وانا نهدر و مازال مادخلتش في الموضوع :heh:
هيا ندخلو في السيريو:closedeyes:

المهم اليوم حبيت نهدر على وحد الظاهرة راهي تصرا في الجامعة و نقدر نقول كامل جامعات الوطن راه يصرا فيها الشئ هادا
بعد امتحانات نهاية السنة و بعد ما يحطو les notesتلقى الناس هادو كامل مامش عاديين و الكل يجرو ورا الاساتذة تاعهم لاخاطر خاصهم نقاط و حابين يجيبو العام نتاعهم :mellow:
كاين شي ناس مايبانوش عام كامل و في النهاية يولو غير هوما اللي يدورو و مبعد في الاخير يجيبو عامهم بالساهل:tears:

علاه يعني واحد يقرا و يتعب و يسهر الليالي باه يجيب العام نتاعو و لاخر عام كامل راقد و في الاخير يجيب العام قبل لاخر
المشكلة هادا مايحضر ليكور ماعلابالوش حتى بالمواد اللي راه يقراهم و مبعد تلقاه في لافيشاg من بين الناس اللي جابو عامهم
اااااااو هادا شكون و منين جا و كيفاه جاب عامو ربي اللي عالم

علاه الشئ هادا كامل وعلاه مانحبسوش من هاد الشئ و علاه كلش رجع يتشرا وبالمعرفة و وصل لحتى للنقاط يتشراو واش يبقى قولولي
والله الحالة هادي تغيض و تغيض تاع الصح انا نقرا ونتعب و نجيب كلش بالتعب و وحداخر بمساعدة الاستاذ تلقاع طالع
يقلك الناس كامل راهي هاك و علاه ولينا نعاندو في اشياء كيما هادي علاه مانعاندوش في حوايج اللي يجيبو الفايدة
كامل شايفين و عارفين و ساكتين
والله تبقى حاير و مستعجب
معامن تهدر و شكون اللي يسمعلك غير ربي
الشكوى لربي سبحانو هادا مانقولو و ربي يهدي الناس هادو و خلاص
اسمحولي راني طولت في الهدرة:heh:
هادي هي و مرسي ليكم و ماتنساوش تدعولنا بالتوفيق
سلاااااااااااام

 

[HWK4ALGERIA]

انا شخصيا عندي عمي استاذ جامعي، ف أخر العام يختفي عن الانظار، باه مايجيهش واحد قيادة ومعاه بنتو والا وليدة خاصاتو نقطة،،، وبالمقابل أساتذة اخرين ف الصيف يروحو يصيفو وكي يجو جايين يبدلو الطوموبيل بوحدة تاع عامها،،، وموديل خير من اللي فات؟؟؟؟؟ منين الله أعلم،،،
المهم الواحد يجتهد وينجح على جال روحو وباه يفرحو بيه والديه، ويرضى عليه مولانا سبحانو، ويدير روحو صم بكم عمي، وخلاص باه مايتعقدش،،،، والي حاب يطير بلا جنحين ما علابالناش بيه، وما يصح الا الصحيح وشكرا على الموضوع.

 

[DARINE05]

هيه يا بشرى اختي واش تحبي هذوك العباد غير ولات فلان وفلان يجي يلعبها بطاكسي اخر عيطة والقراية او يجيب ربي و في الاخير هوما لي ينجحو هذي هي بلادي اي هذا الظاهرة برتو حنا في السويام ولات الاساتذة احا يطيرو و في الاخير هوما اللي ديما يعطوهم مليح وفي الجامعة اي باينة الرشوة تخبط انا نفضل نجيبها وحدي ولا شتات نعود في الجامعة يخي نورمال ونطلع فاهمة خير ميتمزى عليا بروف منهيه تلقيه الزربية تع الصلاة معندوش في دارو القبلة ميعرفهاش وين جات ويجي ينفخ علينا في روحو

 

[حسان2010]

الدنيا وجوه واخرتها فعااليل
واش تحبي بلااد ميكي كل شي فيها مفرريكي

 

[مغرورة بأنوثـتي]

نورمال راك في الدزاير​

 

[adelskikda]

هذي هي بلادنا واش تحبي ...........شكرا على الموضوع

 

[ايمان 02]

صح يا بشرى يجيب عاموا بصح قوليلي واش كاين في راسو ا؟؟؟؟؟؟؟؟؟؟ ما فيه والو تصيبي لي يقرا مستواه اعلى بكثير منو والخلاص غدوة عند ربي
يعطيك الصحة على الموضوع بشرى
​

 

[فراشة الايمان]

بلاد المحسوبية و الوساطة عندك واسطة تفضلي ما عندكش قلعي لبرا​

 

[إحســاس بــراءة]

وعليكم السلام

الحمدولله كي خلصتي امتحاناتك ..أني توحشتك يالموصيبة :closedeyes:
نرجعو للموضوع ...
ايه يابنتي عندك الحق غير يبدى لأفيشاج يبدو الناس لي عمرك ماشفتهم حضرو لموديل واحد يجرو من أستاذ لأستاذ ...وهذا يرطب لخر يخلص في قهوة ...ايه كلشي عاد بلمعريفة والفلوس وبعض الاستذة ربي يهديهم نساو أنهم يبيعوا في شرف المهنة تاعهم كي يبيعو لي نوت ولا لفلوس عماتهم وغواهم الشيطان وكاين حتى ليبدى يحوس على المعرفة غيرباش يوصل للأستاذ الفلاني تاع الموديل الفلاني لي مبلعلوش العام
ونحكيلك جداتي واش يصرى فيها في هذوا ليام تهبلي من راسك يابش بش
كل يوم تجيها وحدة والله ماتعرفها :scared: وتحشمها غير باش خالي يبلع لوليدها ولا بنتها العام
تصدقي ناس مارجعتش تحشم خلاص عيب عليهم مايقراوش العام كامل وفي لفان يبهدل يماه ويبقى راسلها لبيوت ماتعرفهمش .​

الله يسلمك خيتي
ياو انا تان توحشت ردردك يا مهبولة:yahoo:
مرسي ليك
ايه يا اختي عندك الحق مابقاتش حشمة و لا خوف من ربي ادا جات حاجة تاع دراهم نورمال كلش ساهل المهم مدلي الدرياهم برك
هاكدا ويقلك كيفاه البلاد ماتسقمتش هادي هي
الله يهيدهم برك
ربي يحفظك نواااااااااااااال مرسيييييييييييي:yahoo:

 

[إحســاس بــراءة]

انا شخصيا عندي عمي استاذ جامعي، ف أخر العام يختفي عن الانظار، باه مايجيهش واحد قيادة ومعاه بنتو والا وليدة خاصاتو نقطة،،، وبالمقابل أساتذة اخرين ف الصيف يروحو يصيفو وكي يجو جايين يبدلو الطوموبيل بوحدة تاع عامها،،، وموديل خير من اللي فات؟؟؟؟؟ منين الله أعلم،،،
المهم الواحد يجتهد وينجح على جال روحو وباه يفرحو بيه والديه، ويرضى عليه مولانا سبحانو، ويدير روحو صم بكم عمي، وخلاص باه مايتعقدش،،،، والي حاب يطير بلا جنحين ما علابالناش بيه، وما يصح الا الصحيح وشكرا على الموضوع.

شكرا ليك خويا ايه عندك الحق في واش قلت
الانسان حتى وادا ماوصلش لازم يحاول و يحاول المهم يجيب حاجة بعرق جبينو ماشي مبنية على الخدع
الانسان اللي جاب عامو بلا قراية واش من فايدة؟
شرا ليك خويا
بارك الله فيك

 

[إحســاس بــراءة]

هيه يا بشرى اختي واش تحبي هذوك العباد غير ولات فلان وفلان يجي يلعبها بطاكسي اخر عيطة والقراية او يجيب ربي و في الاخير هوما لي ينجحو هذي هي بلادي اي هذا الظاهرة برتو حنا في السويام ولات الاساتذة احا يطيرو و في الاخير هوما اللي ديما يعطوهم مليح وفي الجامعة اي باينة الرشوة تخبط انا نفضل نجيبها وحدي ولا شتات نعود في الجامعة يخي نورمال ونطلع فاهمة خير ميتمزى عليا بروف منهيه تلقيه الزربية تع الصلاة معندوش في دارو القبلة ميعرفهاش وين جات ويجي ينفخ علينا في روحو

يعطيك الصحة خيتي عندك الحق والله
المهم الواحد يجيب حاجة بعرق جبينو هاداك هو الصح
ربي هو الموفق
مرسي ليك
بارك الله فيك:yahoo:

 

[إحســاس بــراءة]

الدنيا وجوه واخرتها فعااليل
واش تحبي بلااد ميكي كل شي فيها مفرريكي

هاديك هي وجوه وفعايل
بصح كاين ربي هو اللي راه يشوف
مرسي ليك
الله هدينا برك
شكرا

 

[إحســاس بــراءة]

نورمال راك في الدزاير​

وي اختي
الله يجيب الخير برك
مرسي ليك

 

[إحســاس بــراءة]

هذي هي بلادنا واش تحبي ...........شكرا على الموضوع

لاشكر علة واجب
الله يجيب الخير
شكرا ليك

 

[إحســاس بــراءة]

صح يا بشرى يجيب عاموا بصح قوليلي واش كاين في راسو ا؟؟؟؟؟؟؟؟؟؟ ما فيه والو تصيبي لي يقرا مستواه اعلى بكثير منو والخلاص غدوة عند ربي

يعطيك الصحة على الموضوع بشرى​

ايه يا ايمان اختي
هاديك هي اللي تغيض ماكان والو في الراس بصح يجيب العام بالساهل
بصح كاين ربي هو يتوكل الامر
مرسي ليك ربي يحفظك

 

[BOUSS]

ربي يوفقك ختي نوصيك حاجة اتعبي امليح في العمل انتاعك
اتنالي انشاء الله والطللبا الي يشرو العام انتاعهم هاذوك شارين
دالا محكوم عليهم الفشل فور بنت ابلادي وللقدام ربي يوفقك

 

[إحســاس بــراءة]

يييييييييييييييه بشرى رجعت تكتب ههههههه
انا حسبت راحتلك لكلافي ولا ديسرتي بيها هههههه
شوفي بشبوشه درك لبلاد كامل فسدت يعني تهدري ولا متهدريش مش راح تتغير باسكو خلاص مشات هكا
مي نتي اتعبي واقراي واسهري لاجلك انتي فقط يعني تتفاخري بروحك وجبتي كل شيء بتعبك وهاذا يشرفك نتي قبل غيرك اما هاذوك لي يتحتو الاساتذه ويجرو وراهم هاذي وكانها ذل اصلا متعمريش راسك ومتهتميش بيهم
يهمك نفسك نتي ومستواك لانك راح تحتاجيه في حياتك واكيد ربي ميخيبش عبدو لي يتعب ويسهر
ربي يسهلك بشبوشه تستاهلي كل الخير والله

مرسي ليك بلالو يعطيك الصحة
هههه لالا الديسار راح بكري هههههههه
كنت مشغولة بالامتحان برك واش من ديسار هاد:u_pc:
وي علابالي الواحد اللي تاكل لى ربي مايسال حتى واحد
جامي ويدا خممت نقول لاستاذ يزيدلي حتى ربع نقطة جامي درتها و جامي نديرها
نقرا و نتعب وربي هو اللي يخلصني نجيب نقطة بجهدي خير من 10 نقط بلا والو واش من فايدة ادا جبت نقاط هاكدا
الصح يبان يبان يطول ولا يقصر و ماينفع غير الصح
مرسي ليك بلال
ربي يحفظك خويا :yahoo:

 

[إحســاس بــراءة]

بلاد المحسوبية و الوساطة عندك واسطة تفضلي ما عندكش قلعي لبرا​

صح اختي هادا بواش غسدت البلاد
ربي يهدي كل واحد
مرسي ليك

 

[إحســاس بــراءة]

ياي نعرفك شاطره نعرفك ديما تتكلي علا نفسك ومتحتاجيش الاستاذ يزيدلك نقطه مي تحبي نزيدلك انا كاش ديسير اني هنا متخميش ههههههه
الحمد الله كي كملتي ورجعتي لهنا ربي يسهلك ويجازيك علا تعبك ان شاء الله

هههههههههه لالا غير الديسار اللي لالا
يعطيك الصحة و يكثر خيرك
الله يسملك وربي يوفق كل واحد و ينجحنا اجمعين
مرسي :yahoo:

 

[BARCA232]

السلام عليكم
واش نقولك على الجامعة اليوم اولا نسميها الحرام الجماعي
لافيجاج كي يقرب يبان كامل الشعب والترطاب للأساتذة الأنذال الذين يستغلون الفرصة ويوصلو الى اهداف الكل يعرفها
وزيدي ناس تاع لكتاف
انا مرة كان خاصني 02نقاط باه نبلع في العام رحت للأستاذ قالي ساهل
غير ماتتقلقش
أعطاني 0.05
​