قلبي تقطع بالندامة // من واقعنا اليومي

[MAN1850]

صباح النور
لكل الاعضاء في منتدانا الغالي

راني حاير في بلاد ميكي الي رانا عايشين فيها
وش من بترول وش من دراهم وش من ....

ولله مكانش الي يقطعلي قلبي كيما نشوف واحد مريض مش لاقي يتداوى ولا فقير مش لاقي يصرف ولا مضلوم مش لاقي يرجع
هذو حوايج صح يقطعو القلب و يطيحو الدموع على الخد
الي يحس صح و الي ما يحسش يستنى نهار الي يقابل و يشوف بعينييه

انا اليوم الصباح / عندها وحد الساعة /
كنت نكونيكتي في اللمة حتى صونا الباب
هبطت لقيت واحد باين ناس ملاح كبير في العمر وحد الـ 40 سنة
اسمر اللون ملامح انسان مرتاح مع ربي

كي فتحتلو الباب شاف فيا و هبط راسو للارض و هو قريب تطيحلو الدمعة
انا ما فهمت والو حتى قالي يا خويا الانسان مرات تصرالو و مرات يكون لاباس بيه
و قالي انا عندي بنتي توفات اليوم و لازمني نروح للبلاد و ما عنديش الدراهم
و مبعد طلعو راسو لقاني نشوف فيه و ساكت
قالي اسمحلي و جا رايح

قتلو ارواح دقيقة نشوفلك

طلعت للدار زعمى باه نشوفلو اذا كاين الدراهم ولا لالا
و انا كان صح عندي كمية لو كان نمدلو وش يسحق يبقالي بزاف

بصح انا ما حبيتش نمدلو المرة الاولى على خاطر شكيت فيه مدمن مخذرات
هبطت و قتلو اسمحلي ما كانش

و مبعد كي طلعت
فكرت و فكرت و فكرررررتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت
و ندمــــــــــــــــــــــــــــــــتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت



على خاطر كي ما مديتلوش الدراهم ممكن راح يدير حوايج اخرين
يسرق مثلا

و هو من وجهو يبان ناس ملاح
ولله ما علابالي حسيت روحي بخيل
و هذا راك كبير عليا بلبزاف

هنا نعترف بلي اليوم استفتحو على غلطة من عندي كبيرة
الله يصبرني و ربي ينوبلو و خلاص
​

 

[هــــيلدا]

تمت الموافقة//

 

[amouna.dz]

صباح النور خويا
قصتك مؤثرة بزاف بصح خويا ما تندم ماوالو هاذي حاجة نورمال تصرا للناس كامل ياخي علابالك الدنيا مافيهاش الامان خلاص تلقى امام و يدير كوارث يعني ماتخليش حاجة كيما هاذي تأثر عليك هكا باسكو كاين احتمال كبير يكون يلعب بيك هذا الراجل وكاين احتمال يكون صح عندو هاذاك المشكل مي معليش ربي راهو علابالو بنيتك الصافية وعلابالو بللي راك تحوس تعاون هذا الراجل بصح الله غالب ظرك الواحد عاد مايديرش كونفيونس خلاص
ميرسي خويا على موضوعك الرائع بارك الله فيك وربي يكثر من امثالك
​

 

[MARIA_4algeria]

ماتندمش ممكن يكون تخميمك صح ممكن لا
شكرا لكـ​

 

[Jagwar]

الصراحة راحة و انت خذيت أجرك كيف صارحتنا خويا
و الله يا خويا الانسان كيف يخمم يخرج صدقة ما يديرش فى بالو لى من رايحة على خاطر كيف تنويها تم راك خديت أجرها
حنا رانا نصدقو للمساجد و نسمعو بلى دراهم المسجد سرقوهم يسمى الصدقة تاعنا داها سارق
المهم وين حاب نوصلك بهدرتى خويا
من هنا ورايح ننصحك اذا كنت قادر على الصدقة و جاك و احد يطلب فيها ما ذابيك ما تخممش بزاف أسكو هذا محتاج و لا غير سارق على خاطر أنت عند ربى سبحانه راها محسوبة ليك صدقة
و انما الأعمال بالنيات
و علابالك راك عجبتنى بزاف يا شريكى
على خاطر كاين ناس تغيضها الحال على أمور تافه فى الحب و لا فى المال مى انت راه غاضك الحال من نفسك فى عمل الخير
و هاذى تحسب لك أخى
بارك الله فيك و جعل كل ما فعلته فى ميزان حسناتك
تقبل مرورى



​

 

[DARINE05]

ممكن يكون موش محتاج ويحوس يشري بهم حاجة اخرى
مرسي على الموضوع

 

[MAN1850]

تمت الموافقة//

شكرا :ax_flw:
​

صباح النور خويا
قصتك مؤثرة بزاف بصح خويا ما تندم ماوالو هاذي حاجة نورمال تصرا للناس كامل ياخي علابالك الدنيا مافيهاش الامان خلاص تلقى امام و يدير كوارث يعني ماتخليش حاجة كيما هاذي تأثر عليك هكا باسكو كاين احتمال كبير يكون يلعب بيك هذا الراجل وكاين احتمال يكون صح عندو هاذاك المشكل مي معليش ربي راهو علابالو بنيتك الصافية وعلابالو بللي راك تحوس تعاون هذا الراجل بصح الله غالب ظرك الواحد عاد مايديرش كونفيونس خلاص
ميرسي خويا على موضوعك الرائع بارك الله فيك وربي يكثر من امثالك
​

عندك الحق اختي في هذي مابقاتش ثقة
معليش الواحد مرة اخرى يعرف وين يحط رجلو
شكرا على المرور / نورتي الموضوع
​

ماتندمش ممكن يكون تخميمك صح ممكن لا
شكرا لكـ​

اذا كان صح حاجة فووور و اذا كان لا // يا ندامتي

الصراحة راحة و انت خذيت أجرك كيف صارحتنا خويا
و الله يا خويا الانسان كيف يخمم يخرج صدقة ما يديرش فى بالو لى من رايحة على خاطر كيف تنويها تم راك خديت أجرها
حنا رانا نصدقو للمساجد و نسمعو بلى دراهم المسجد سرقوهم يسمى الصدقة تاعنا داها سارق
المهم وين حاب نوصلك بهدرتى خويا
من هنا ورايح ننصحك اذا كنت قادر على الصدقة و جاك و احد يطلب فيها ما ذابيك ما تخممش بزاف أسكو هذا محتاج و لا غير سارق على خاطر أنت عند ربى سبحانه راها محسوبة ليك صدقة
و انما الأعمال بالنيات
و علابالك راك عجبتنى بزاف يا شريكى
على خاطر كاين ناس تغيضها الحال على أمور تافه فى الحب و لا فى المال مى انت راه غاضك الحال من نفسك فى عمل الخير
و هاذى تحسب لك أخى
بارك الله فيك و جعل كل ما فعلته فى ميزان حسناتك
تقبل مرورى

​

يعطيك الف صحة :thumb_up2:
خويا ردك مميز و يخلي الواحد ضميرو يرتاح

عندك الحق ما تهمش الصدقة وين تروح المهم النية / الأعمال بالنيات
خويا راني شاك هذا السيد جاء يحوس على خدمة هنا في حاسي مسعود
على خاطر ولاو يجيو بزاااف هنا يحوسو على خدمة و كي ما يلقاوش
يديرو اي حاجة باه يجيبو االمصروف

شكرا شكرا شكرا على مرورك اخي
نورت الصفحة :az_flw:

ممكن يكون موش محتاج ويحوس يشري بهم حاجة اخرى
مرسي على الموضوع

اذا كان هكذا يعني كنت صحيح في الي درتو
و الحمد لله على كل حال
​

 

[بوعكـاز]

اسكت برك خلي البير بغطاه
ربي يجيب الخير برك هاذا مانقولو

 

[N@riM@N]

والله رانا شايفيين وعافسين ع قلوبنا
قالش هاودك الناس العين بصيره والايد قصيره
ربي يجيب الخير هداك مكان​

 

[بيكهام]

ناس عشقت المال وفي هذا الزمان مبقاش لمان
واش انقلك تحية عطرة ليك وبرك الله فيك
وراهي نيتك صافية مهم انتا خممت قدام
تصرفت
ومتخدع ومتامن
تشاو تشاو​