؟!%0&=> واش رايك يا آدم و أنتى كيفاش تعملى يا حواء )=+*-(0°@

[Jagwar]

السلام عليكم و رحمة الله تعالى و بركاتة

مساء الفل للجميع

تحية خاصة لـ 48 ولاية

بعد الغمة تاع البارح و الشوك تاع الـ 3-0

هاو بدا يرجع المورال لبلاصتو بعد ما هبط على راسو :busted_red:


المفيد


تخيل يا آدم أنك رحت تحوس بالفلوكة تاعك و لا اليخت تاعك فى وسط لبحر أنت و الوالد نتاعك و الزوجة تاعك
و فجأة هاج عليك لبحر و الموجة تدى و تجيب فيك و أستر يا ستار :tears:
و الفلوكة الصغيرة تاعك ما بقاتش تتحمل أكثر
و لازم واحد من الزوجة تاعك و لا الوالد نتاعك يضحى بروحو و يقفز من الفلوكة قبل ما تغرق مع اعتبار طبعا أنك انت لازمك تبقى فى الفلوكة ما تقدرش انت تضحى بروحك على خاطر انت لى تعرف تمشيها و انت لى تعرف الطريق
يا ترى كيفاش راح تعفس على قلبك و بشكون راح تضحى بين الوالد تاعك لى رباك و سهر عليك و بين الزوجة تاعك أم ولادك و بيتك :tears:

نفس الشيء بالنسبة للبنات ( حواء ) لوكان انتوما جيتو فى بلاصة آدم و تحتمت عليكم تضحو يا اما بزوجك و تاج راسك و أب ولادك و الا الوالد تاعك لى شقى على جالك حتى أصبحتى حواء كاملة .

سؤال صعب بالتأكيد و رانى نستنى فى الاجابة تاع كل واحد فيكم

فانتظار ردودكم أقول لكم دمتم بود ...





​

 

[هــــيلدا]

تمت الموافقة،،


اخااه نطيش روحي انا ونخليهم في زوج،، وغير متناقشنيش،،

المهم هوما يبقاو حيين،، وربي راح يكون في عونهم ويلقاو الطريق،،

اشومي كيفاش تخير بينهم الاثنين،، متصلحش طووول،، تيتم ولادك ولا تيتم روحك?
مكانش منها//​

 

[MR-REDOUANE]

نطيشهم لزوج و مبعد نلحقهم....بالاك نطيش مرتي و نعاود نتزوج
​

 

[نسيم الربيع]

اختيار صعب جداا بصح يروح واحد خير من3 انا يبالي نخير الاب تاعي لانو راح يكون كبر وشبع من الدنيا وانا كي نتيتم راني كبرت بصح ولادي مزالو صغار ويحتاجو باباهم كثر مما نحتاج بابا وانا صعيب باه نكبرهم وحدي راح يكون قرار صعب جداا لكن لازم نختار .... شكرا على الموضوع

 

[abdodido]

ههههههه والله غي تخلع هدي وانا كيفاش ندير نوري للوالد كيفاش يمشيها ونطيش روحي هدي هي العفسة
واش رايك؟؟؟؟؟؟؟؟

 

[مفآهيمـ الخجل]

ســـؤال صعيـــب

نظن اني راح نضحي بالزوج

ما شكيتش نطيش بابا

مارسي عليك خو
​

 

[امينة لبرايجية]

سااهلة نرمي روحي انا ونخليهم يعيشوا المهم مايصرالهم حتى حاجة

 

[DARINE05]

انا اللي نطيش روحي ونخليهم للزوج

والله سؤال صعيب شيبتنا معاااه

 

[Mr mino]

بايييييييينة طول الزوجة

وميش هيا اللي تقفز بغرضها انا

اللي نرميها

مانلقاش اوكازيو كما هذي نتهنى منها

ياربي وتصرالي يارب

​

 

[ايمان 02]

بلاك الزوج يتعوض لكن الام والاب لالالالالالالالالالالالالالالالا
​

 

[MARIA_4algeria]

اكيد الزوج مانقدرش نطيش والدي مهما يكن
شكرا لكـ​

 

[ĜąМę ǒVĕŗ]

نضحكي بزوجي ​

.............

 

[Sârsoùra L'mkàlChà]

آآآآآآو
نطيش روحي انا و نخليهم هوما
​

 

[The.Legend]

ندير كيما دار ديكابريو في التيتانيك ...​

 

[عفاف الجزائرية]

والله يا السي بومبا يا اللي ديما عفايسك بومبا
فكرتني في وحد القصة قالك كاين مجموعة هجمو على دار قالو للزوجة خيري واحد اللي نقتلوه بين ابنك وزوجك واخوك
قالتلهم:
الزوج موجود(قادرة تعاود الزواج وتلقي سيد سيدو اللي يفحششها وينسيها في الزوج الاول)
الابن موجود(تاني كي تعيش لابال في مع الراجل التاني تجيبلو بوبون ماشا الله عليه
اما الاخ اذا كان والدها متوفي ماكانش اللي يجيبلها اخ من صميم الوالدين يعني من ام واب
على هذا مسك الختام لوكان يخيروني بين الزوج والوالد بودن ادني شك نرميه من الفلوكة اذا كان يعرف يعوم راه يتعافر مع روحو ويرجع للشط
واذا كان ما يعرفش نرجع انا والوالد وندير الجنازة نتاعو
​

 

[بيكهام]

نطيش لفلوووكة

​

تحياتي لك
تشاو تشاو​

 

[السلطانة]

وعليكم السلام ياه اسامة واش هاد الموضوع
كنت رايحة نهرب شفتك تشوف فيا قلت عيب فاقلي هههه
ياه حاجة باينة نطيش الراجل
هلا نطيش papi لي رباني ودللني طول حياتي

 

[هــــيلدا]

بايييييييينة طول الزوجة

وميش هيا اللي تقفز بغرضها انا

اللي نرميها

مانلقاش اوكازيو كما هذي نتهنى منها

ياربي وتصرالي يارب

​

:laugh::laugh: نتا مفيكش الخير:sneaky2: ربي يصبرها المغبونة عليك:glare::glare:
​

 

[BOUSS]

بصح ماقوتليش هدي الفلوكة شحال ترفد من الكيلو سينوندوروها
رجيم اناوحدي اندير105كلغ الخليقة 60 وبابا 65 رني نسنا
في وزن الفلوكة بلاما تنسا جيلي صوفطاج هههههه

 

[hind*alg-]

ياحي على هدا سؤال
الله لاتوصلنا ليه:surrender::scared:
مي بابا هو صح ووووراجلي تاني وانا نرمي روحي انا وخلاص ولا لالا لقيتها مانروحوش حتان يكون درابو فااااااااااااااااااااااااااار :music_whistling::yahoo:​