ايماجينو واش يستاهل لي يدير الخير

Z

zooro

:: عضو مُشارك ::
إنضم
14 ماي 2010
المشاركات
351
نقاط التفاعل
0
النقاط
6
سلام

واش راكم يا الخاوه لباس عليكم و عليكم الباس بخير راكم و راكم بخير

اليوم حبيت نحكيلكم على واش راه صرالي و بلاك لالا سير صرالكم انتوما تاني كيفي


المهم انا جاء عندي صاحبي و تسلف من عندي شويا تاع حوايج باه يخدم بيهم ايا قلت معليش راه صاحبي اعطيتلو اداهم على جال باه يخدم بيهم ايامات و يرجعهم

راح من نهار ادا لحوايج مزادش دار من جيهتي و كي عيطتلو قتلو يا خويا رجعلي حوايجي الا كملت بيهم

واش قالي في رايكم:scared:

هاو قالي اكري باشي و ارواح ديهم راهم محطوطين


انا نسلفلو و من بعد جزاء الخير نكري و نروح نجيب حوايجي


والله غير يقول الواحد يحلف ما يزيد يمد حاجتو لحتا واحد

ايا و انتوما واش سلفتو من حوايج و راحولكم كيما انا

عالجو معايا هاد الضاهره حمبوكم


​
 
ايييييييه يا خويا زورو
شت والله يدير العبد الخير يلقاه شر كيما هذي العقليات يخلو العبد يحلف ميديرش ربي فيهم خلاص
 
هههههههههههههههه شحال من خطرة تصرالي تسلفلهم ودير فيهم بليزير وهوما يرجعوهولك شر يعني كيشغل كي تقولهم رجعوهولي مايعجبهمش الحال يحب يدولك حاجتك بسيف بورتون رزقك مراكش تطلب من عندهم يعني تسلف وتزيد من فوق تروح انت تجيبو هدي عقليةdz بيريمي الله غالب دوك يلزم ماديرش الخير في لي مايستاهلش
مرسي خو ع الطرح
​
 
قال darine05:
ايييييييه يا خويا زورو
شت والله يدير العبد الخير يلقاه شر كيما هذي العقليات يخلو العبد يحلف ميديرش ربي فيهم خلاص
إضغط للتوسيع...


ايه اختي دارين انا تاني ديفوا نقول نحلف عليهم مي الله غالب متربيتش نبخل حتا واحد
​
 
سلام خويا زورو
و الله عندك الحق شريكى
هاو ولينا نمدو حوايجنا و نحصلو
أنا قبل ما نخدم فى الفاست فوود كنت نخدم فى محل تاع ريpاراسيون تاع لى بورتابل
جانى واحد ولد كرطى قالى يا خويا نوصيك اذا لقيتلى بورتابل سونى ايريكسون w595 قالى لوكان تلقاهولى تيكات أورانج غير أحكمو عندك و أنا نجى نخلصك
ايه خلاص لقيتلو البورتابل عند واحد عواد السوق و بون أوكاز و جبدت دراهم خلصتو من عندى
ايه عيطتلو قتلو أرواح رانى لقيتلك البورتابل تاعك جانى يجرى
وصل عندى قتلو هاك البورتابل و أعطينى دراهمى هاو رانى خلصتو من عندى
قالى ما عليش هات البورتابل و كى تروح لعشية للدار تلقى دراهمك واجدين
أوكى قريت فيه النية و عطيتو البورتابل
صدقنى يا زورو خويا ليومنا هذا ما شفت منو حتى دورو و لحكاية يجى عندها 6 أشهر

واش تحب خويا انا وكلت عليه ربى على خاطر هو فى بالو راه كلحنى و راه دار بيا مقلب
كيما قلت أنت هذا جزاء لى يعمل الخير فى الغير
بصح أنا نقول هكذا خير باش المرة الجاية مانخلطش بين الرجال و البارود عراسى
صحيت خويا على الموضوع الزين
تقبل مرورى





​
 
قال iméne09:
هههههههههههههههه شحال من خطرة تصرالي تسلفلهم ودير فيهم بليزير وهوما يرجعوهولك شر يعني كيشغل كي تقولهم رجعوهولي مايعجبهمش الحال يحب يدولك حاجتك بسيف بورتون رزقك مراكش تطلب من عندهم يعني تسلف وتزيد من فوق تروح انت تجيبو هدي عقليةdz بيريمي الله غالب دوك يلزم ماديرش الخير في لي مايستاهلش
مرسي خو ع الطرح
​
إضغط للتوسيع...


ايه ايمان والله غير عقليه بيريمي تاع الصح

ربي يبعدهم عليا و عليك

شكرا علو مرورك نورتي
​
 
قال messi bomb:
سلام خويا زورو
و الله عندك الحق شريكى
هاو ولينا نمدو حوايجنا و نحصلو
أنا قبل ما نخدم فى الفاست فوود كنت نخدم فى محل تاع ريpاراسيون تاع لى بورتابل
جانى واحد ولد كرطى قالى يا خويا نوصيك اذا لقيتلى بورتابل سونى ايريكسون w595 قالى لوكان تلقاهولى تيكات أورانج غير أحكمو عندك و أنا نجى نخلصك
ايه خلاص لقيتلو البورتابل عند واحد عواد السوق و بون أوكاز و جبدت دراهم خلصتو من عندى
ايه عيطتلو قتلو أرواح رانى لقيتلك البورتابل تاعك جانى يجرى
وصل عندى قتلو هاك البورتابل و أعطينى دراهمى هاو رانى خلصتو من عندى
قالى ما عليش هات البورتابل و كى تروح لعشية للدار تلقى دراهمك واجدين
أوكى قريت فيه النية و عطيتو البورتابل
صدقنى يا زورو خويا ليومنا هذا ما شفت منو حتى دورو و لحكاية يجى عندها 6 أشهر

واش تحب خويا انا وكلت عليه ربى على خاطر هو فى بالو راه كلحنى و راه دار بيا مقلب
كيما قلت أنت هذا جزاء لى يعمل الخير فى الغير
بصح أنا نقول هكذا خير باش المرة الجاية مانخلطش بين الرجال و البارود عراسى
صحيت خويا على الموضوع الزين
تقبل مرورى





​
إضغط للتوسيع...


ها خويا ميسي بومب والله غير راك نيه بزاف

درك ولينا في وحد الوقت ربي يستر الخير ولى لازملك تحسبلو الف حساب قبل ما ديرو

مي ربي مايضيع حق واحد ديرها في حسابك و لي كلالك دراهم يخرجها فيه ربي غير كون هاني

و انتا يخلفهالك ربي من فضلو الواسع


ربي يخليك خويا

شكرا ليك
​
 
شكرا لك اخي بارك اللخ فيكـــ
------
الكنـــــjiji94ـــــترول​
 
نورمال انا صراتلي هاد العفسة بصح ادا درت الخير كمل عليه ومتحكيش لحكاية هادي بزاف باش يبقى الخير نتاعك باين وشكرا على الطرح القيم
 
أشحال من خطرا تصرالي واش أدير صاحبك يلزم تصبر
ليدير الخير يلق الخير و نشاء الله ايقدرنا عليه
 
قال soussoubatna:
نورمال انا صراتلي هاد العفسة بصح ادا درت الخير كمل عليه ومتحكيش لحكاية هادي بزاف باش يبقى الخير نتاعك باين وشكرا على الطرح القيم
إضغط للتوسيع...


ربي يخليك اختي صحيتي
​
 
قال شتوان:
أشحال من خطرا تصرالي واش أدير صاحبك يلزم تصبر
ليدير الخير يلق الخير و نشاء الله ايقدرنا عليه
إضغط للتوسيع...


امين يا ربي

ربي يقدرنا و يقدركم

شكراااا اختي

​
 
تاع الصح هاذ الظاهرة منتشرة بزاف انا تاني صرات معايا اكثر من مرة
 
قال norجزائرية:
تاع الصح هاذ الظاهرة منتشرة بزاف انا تاني صرات معايا اكثر من مرة
إضغط للتوسيع...


ايه يا اختي و ديما راهي متزايده

ربي يقدر الخير برك

شكرا على مرورك اختي

​
 
هههههههههههه
والله تضحك
كون جيت انا في بلاصتك كون دخلت فيه دبزا مايزيدش ينوض
صراتلك كيما انا
خطرا جات الطفلة تدي كراس
تاع الجغرافيا
انا مديتهولها وقالتلي راني نرجعهولك انا عنضالي فيها صاح دروك ترجعهولي اسنيت اسنيت ماجاتش
ايه رحت عندها قلتلها لاماه ماجبتيهش قالتلي ولاه انت مقروطين رجليك
هزيت الكراس و خبطتها كف وجيت رايحا

هادا هوا اللي يدير الخير
ربي يهدي العباد
 
حتى انا دارتها بيا وحدة قالتلي راني رايحة للعرس سلفيلي la robe تاعك
و انا كي الدابة سلفتهالها من ثم مزدتش شفت الطفلة
و كلت عليها ربي داتلي احسن robe عندي
مرسي على الموضوع
 
والله وقتنا نورمالمون كل واحد يجبد على غرادو ماكانش الخير
الخير راح بكري مع ناس النية
ربي يهدي
ميرسي خويا زورز
​
 


يعطيكم الصحه

رنا كامل كيف كيف

ربي يجيب الخير
​
 
شكرا على الموضوع
 
العودة
Top