تجمع العرايس للجهاز والتصديرة

L

lina20

:: عضو مُشارك ::
إنضم
19 ماي 2008
المشاركات
429
نقاط التفاعل
99
النقاط
17
وش رايكم يا بنات نديرو تجمع للعرايس :heh::heh: اللي يجهزو بش ننصحوا بعضنا ونسفادو كامل.
انا هدا وين بديت نجهز حابة نبدا بالتصديرة ومن بعد لحوايج لخفاف اللي ينشراو.
راني نستنى ردودكم :music_whistling: وكل وحدة تقولنا وش دارت وهكذا نشجعوا بعضنا.:yahoo:
 
هذا موضوع جيد انا راني في الخدمه الي عندها اي استفسار بالنسبه للجهاز لانو هذا فات عليا والحمد لله
وين راكم يالمخطوبين والحايرين :heh: ما تتقلقوش :confused: ادخلو برك واكتبوا وين راكم واصلين :sadwalk: راح نكمل معاكم حتى نهار عرسك :thumb_up2: حتى اذا حبيتو بالخاص بالرحب والسرور
تحياتي "ام ميسون"​
 
يعطيك الصحة ام ميسون انا غير كيما بديت نجهز وقررت نبدا بالتصديرة يعني الحوايج الثقال .
حبيت ندير
-روب دوسواري
-قفطان
-قندورة فرقاني
-وهراني
-قندورة باربار berbere
ونكري كاراكو بصح ماعلاباليش منين يكريو
وش رايك ???? انصحيني :tears:
 
انا يلزم تبداي امعايا من aل z
 
انا مازال راني لاهية بدراستي وماخممتش في هاد الموضوع
واللي تحب اي مساعدة بالنسبة للجهاز عندي بزاااااااف الافكار ويمكن نجيبلكم نماذج من الجهاز التلمساني ادا حبيتو
والله يسخر لكل بنات المسلمين ويبارك لكل المقبلين على الزواج​
 
اوكي خواتاتي نبده معا الاخت لينا التصديرا راكي خيرتي حوايج شبان حاولي يكون الوان مخترلفة بين وحده وحده باش يبان التغيير والفرق والكاراكو مليح كي تكريه والله انا الكاراكو تاعي قاعد مقابلني هههههههههههه ساعه على ساعه يتلبس درتو غالي الله يعوضني خير لانك راح تخدمي الفرقاني يعني رازم تخيري بين الفرقاني والكاراكو لانهم يكلفو للاثنين الله يعينك ويسهل عليك كل صعيب زيدي كاشما عندك
 
صباح الخير عليكم البنات، بصحتك أختي لينا تلبسيهم بالصحة و الهنا و الله يعاونك، أنا حاجة راهي مهبلتني ،حابة نسقسيكم شحال ندي معايا من مفرش( لغرفة النوم) بما أني أول واحدة أتجهز في العائلة ما عنديش فكرة حتي الوالدة كل مرة شحال تقولي ،غير كيما راني بديت، شريت واحد أبيض بالكروشي ب 7500دج و آخر لونه سكري مطروز فيه 7 قطع ب 7000دج ،واش نزيد؟ و شريت مناشف( سرابة) فيها 3 قطع باللون الوردي:heh:و قلت أنزيد لون أبيض و خلاص، واش رايكم؟
و مازال القائمة طويلة منبعد نزيدلكم
 
قال wassila21:
صباح الخير عليكم البنات، بصحتك أختي لينا تلبسيهم بالصحة و الهنا و الله يعاونك، أنا حاجة راهي مهبلتني ،حابة نسقسيكم شحال ندي معايا من مفرش( لغرفة النوم) بما أني أول واحدة أتجهز في العائلة ما عنديش فكرة حتي الوالدة كل مرة شحال تقولي ،غير كيما راني بديت، شريت واحد أبيض بالكروشي ب 7500دج و آخر لونه سكري مطروز فيه 7 قطع ب 7000دج ،واش نزيد؟ و شريت مناشف( سرابة) فيها 3 قطع باللون الوردي:heh:و قلت أنزيد لون أبيض و خلاص، واش رايكم؟
و مازال القائمة طويلة منبعد نزيدلكم
إضغط للتوسيع...
السلام عليكم اختى وسيلة مبروك عليك الزواج و العقوبا اللي مزال
انا ماشي متزوجة بصح نقدر نفيدك لخاطرش اختى تزوجت العام اللي فات وعاونتها فى الجهاز ديالها
بالنسبة للمفرش السرير زيدي واحد يكون اللون ديالو فاتح موف ولا crevete يجى يهبل ولا اى لون يعجبك انتي
اما المنشفات اشري اللون ابيض و زيدي اشري 2او3 منشفات مختلفة اللون لمسح الرجلين
و اذا استحقيتي اي حاجة كيما الملابس الداخلية او المكياج قوليلى نعاونك
 
و زيدي اشري 2او3 منشفات مختلفة اللون لمسح الرجلين
إضغط للتوسيع...

السلام عليكم أختي، والله غير فكرتيني الله يفكرك في الشهادة حتى هذو يلزم نشريهم بارك الله فيك، بالنسبة للمفرش حبيت اللون أخضر أو موف، و هذو الثلاثة نخليهم للمناسبات، و حبيت نسقسيك و لكل يوم شحال ندي للشتاء(كووات) و للصيف؟
 
اختى وسيلة بالنسبة ل كووات اشري 3او 4 بالوان مختلفة و couvre de lit الي سبق ليك و شريتيهم قولتي غادي تخليهم للمناسبات اذن اشري 2 وحداخرين تبدلي بيناتهم
 
الله الله راكم ناشطين ربي يبارك ويزيد ولقولبا الي بقاو
 
السلام عليكم البنات، وينكم؟ هذه غيبة، واقيل فريتوها و شريتوا كلش:yahoo:
أنا راني درجة درجة كل ما يكون عندي صوردي نشري حويجة،المهم نقولكم واش زدت شريت هكذا تكون عند البنات فكرة ،شريت طقم روب الحمام فيه :الروب ،فوطة كبيرة ،فوطة متوسطة و البنتوفة ،لونه أبيض و فيه قلوب بالأحمر:heh:و المبلغ 5200دج (درت المبلغ باش نقارنوا بين كل مدينة و مدينة) ،وزدت 4 سربيتات يعني المجموع 7 و يكفي كملت صوالح الحمام،
حبيت نسقسيكم ،شفت أدوات الحمام يتباعوا فيهم كرسي صغير،طاسة، الكاسة،مراية.......... و مزينين بالحاشية، إذا حاجات مهمة ولا العكس؟
المرة الجاية نوريلكم واش ندير تصديرة
 
ربي يكمللكم كامل يا البنات ويعينكم بالنسبة ليا انا صغيرة ومزلت نقرا ومعنديش خبرة في هاد الحوايج بصح رانى نستفيد منكم
 
الله يبارك ربي يكلم
يا اخت وسيله غير اشريهم انا راني خدمتهم عند وحده انت ليقيهم واحدين خيرلك
حبيت نفكرك واش رايك اذا تخدمي عند الخياطه بريا بالقماش ومطروزه ومعاها فراش من نفش القماش وطروز يحطو في البريا الروب تاع الحمام والفوطه والفراش تاعو باه تروحي بيهم الحمام مرتبين وديريه لونو ابيض كيما الروب يخرج هاااااااااايل
 
شكرا لكي أختي أم ميسون، فكرة شابة مي المشكل خطيبي منع عليا الحمام :santa_1: عليها سقسيتكم إذا يصلحوا في الدار؟
علابالي راح نهبلكم بالأسئلة ديالي،و راح تقولوا صامطة هذه :glare:، ما عندي من غيركم ألي نسقسيه راكم كي خواتاتي
بالنسبة للمطارح شحال في العادة ندي؟الوالدة قالتلي 2 و أنا حبيت 3 مي حشمت منها، و الزربية قلت نشري واحدة تكون شابة و ثقيلة خير ما نكثر، خاصة أني راح نسكن مع العائلة الكبيرة و الضيق علابالكم، و من بعد إذا سكنت وحدي نزيد، واش رايكم؟
 
السلام عليكم ختيتو وسيلة سمحولي جيت متاخرة شوية بصح نقدر نساعدك

بما انو خطيبك منع عليك الحمام ديري المقامة تاع الحمام وخليها بجنب وكي تروحي للدوش اديها معاك

اما الزربيات راهو خرج واحد الموديل تاع الزرابة هايل

هوما جايين خفاف وكي تحطي رجلك تحسي كي شغل صوف وفيهم لونين مختلفين واشكال رائعة

وادا كترتي ادي معاك صالون تاع مسك اليل ولا كيما تحبي ولا دي تفريشة نورمال تاع كل يوم

وتقبلي مروري

وشكرااااااااا وربي يكمل ان شاء الله
 
بالنسبه للزربيه عندك الحق المطارح غير ما تكثيش خودي راي ماماك اذا كنت مع العايله
 
السلام عليكم.........انا حبيت انشارك امعاكم انا تاني مخطوبة و عام الجاي انشاء الله عرسي..........او راني بشويا امعا هداك تروسو اكلالي كامل ادراهمي يعني وخدني..........راني نتقعد برك.........على كل انا راني غير نشري بصح راني خايفة ادا هد لحوايجنسحقهم ولا خصارت الدراهم
على كل حال اعجبني موضوعك وراني حنشارك امعاكم​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top