**--*-تطبيقي لي شوصون نتاع اختي ام ندى-*--**

[عفاف الجزائرية]

كيفاه اركم ان شالله تكونو كامل بخير والحمد لله
ليوم ما لقيت ما ندير للغدا وسيرتو كي عدت غير انا وماما وبنت اختي برك في الدار
يعني حاجة خفيفة والسلام
حبيت ندير الوصفة نتاع لي شوصون بالجريوات والفرماج نتاع اختي ام ندى
وعندي خويا يموت في هاذو الحوايج وام ياكلش الجريوات

وغاضني رايح عندو طريق

ايا مالا ندير لينا بالجريوات ونديرول هو بالبطاطا والبيض والفرماج

هاهو التطبيق نتاعي بالجريوات

وما تضحكوش
​

وهاذي بالبطاطا

(سكرفجتها في السكرفاج الخشين حمصتها في الزيت مع ملح وفلفل اكحل شرشمت زوج يبضات وسكرفجتهم في الخشين خلطت معاهم الفرماج والمعدنوس وطليت العجينة بالهريسة

وحطيت الخليط وسكرت ودرتو يطيب)
شوفو وقولولي رايكم
بصح جات بنينة بزااااااف يعطيك الصحة عفوفة

سلالالالالالالالالالالالالالالالام

نسيت الرابط الاصلي للوصفة

https://www.4algeria.com/vb/showthread.php?t=230930
​

 

[مفآهيمـ الخجل]

جاوك هايليـــن

يعطيك الصحـــهـ ختـــي
​

 

[nada242008]

تطبيق ممتاز:luve_1:
يعطيك الصحة عفوفة وتاكلوهم بالهنا ان شاء الله
وطريق السلامة لخوك ان شاء الله

 

[عفاف الجزائرية]

جاوك هايليـــن

يعطيك الصحـــهـ ختـــي
​

يعطيك الصحة اختي على مرورك
​

تطبيق ممتاز:luve_1:
يعطيك الصحة عفوفة وتاكلوهم بالهنا ان شاء الله
وطريق السلامة لخوك ان شاء الله

احم احم احم كنت نستنى فيك يا استاذة تجي تعلقي وتقيميني على تطبيقي
ربي يبارك فيك اختي عفاف ويحفظ ندوشة
نحبك
​

 

[imane27]

jawak shabin y3atik saha afaf

 

[عفاف الجزائرية]

jawak shabin y3atik saha afaf

الله يسلمك حبيبتي ايمان
ربي يخليك مشكورة على المرور
​

 

[saboha]

يعطيك الصحة لى شوصون هايلين

 

[عفاف الجزائرية]

الله يسلمك اختي صبوحة
مشكورة على مرورك
​

 

[DARINE05]

يعطيك الصحة عفاف مرا ونص

 

[عفاف الجزائرية]

الله يسلمك حنونة دارين
ومالا نلعبو ولا
والله يا نتي رانا نشوفوك ان شالله
​

 

[Moha le sage]

تكروازيت مع موضوعك ونا جيعان كرشي بيباتلي بالتقرويط هههه

ذرك مش فاهمهما هاذي ..بانتلي كيما الكوكا ومعرف ..
بيناتنا منحبهاش كي تكون محشية بالباطاطا خطراش تولي كي السفيرية .. هي تكون محشية بالجاج ولا الحم مرحي و ليزارتيكل لخرين خير ..

بصح حالتنا العادية تجبرنا نمونجيو وش نلقاو .. و الي في يدو كل يوم عيدو ..

سوايع سوايع تدير ختي كي شغل بوراك ومحشي بالبطاطا .. ونا ناكل فيه و نتخيل فيه محشي باللحم هههه

يعطيك الصحة عفوفة .. و بصحتو خوك

في انتظار الجديد تاعك ديما ..


بيناتنا راكي تطلعيلنا غير في الحوايج لي صلحتيهم .. اللي محروقين و اللي مصلحوش علابالي راهم بالكوطة ههههههه معليش راني فايق بيك غير انا ..قالك استر ما ستر الله هههههه ..راني نضحك علابالي بيك فحلة


بصح التصاور ماشي كيما لي يضوق ...


​

 

[بنت الـــ سـوف ـــواد]

تطبيق ممتاز اختي عفاف
جاتك هايلة لي شاصون تاع
وطريق السلام لى خوك
تسلم ايديك
​

 

[ibtesem]

جميلة جدا واكيد لذيذة
بارك الله فيك حبيبتي

 

[اميرة المنتدى]

شكرا على الوصفة يعطيك الصحة ​

 

[كوثر الوهرانية]

تطبيق ممتاز اختي عفاف يعطيك الصحة

 

[@R@ZIK]

يعطيك الصحة اختي عفاف
مانخافوش عليك مرا ونص
100/100​

 

[nawal1980]

جاك هايل ما شاء الله
يعطيك الصحة اختي عفاف

 

[MIMICHA1977]

تسلم ايدك
يعطيك الصحة عفوفة وتاكلوهم بالهنا ان شاء الله