نديك بدارك ولا ما نزوجش

[Eva dz]

سلام جماعة كيراكم ؟ ... ان شاء الله قاع تكونو انتيك

اليوم جيت نحكي على الزواج و طلبات الزواج !

بزاف طلبات في الجرائد "" راكم عارفين واش من جريدة "" مع خالص احتراماتي لمقالات مهمة مي الصفحات تاع طلبات الزواج نكرههم وحاسة بلي اللي يدير طلب الزواج تمة ( ....... )

:music_whistling: لا أمانع ان كانت مطلقة او ارملة بأولاد .. اريد ان يكون لها سكن خاص ... عاملة .....الخ

:heh: و بلاك هي تخلص مصاريف العرس ..

هاو مسكينة بارت و رجعت تكتب تم في الجريدة ...

ولا ما لقاتش عريس رجعت تجري موراه في صفحات الجرائد

وااااع انا ولية مسكينة خدعوني ....... شكون يقبل بيا .... عندي الدراهم و عندي دار و سيارة

غير رواح اديني ، اعطيني اسمك نعطيك دراهمي " و الدراهم منين جاوك " :heh: هاو باينة

مام كاين اللي صح باباها خلالها الرزق و كاين اللي تعبت على روحها ، مي هاد التعب واش عرفنا نوعيتو !!

هاو فين راه النيف تاع الرجال هنا ؟؟ ... كاين اللي طماعين ما عندهمش حاجة اسمها شرف ... الله يسترنا

اللي يهمو الدراهم برك ماعلابالهش المرا كي تكون دايرة !!

المهم انا ما نلوم حتى واحد يديرطلب الزواج خاطرش كل واحد و حياتو ، و كل واحد يتعاقب على اعمالو لا على اعمال غيره ....

انا حابة نعرف واش رايكم في طلبات الزواج و بالأخص اللي يشترط سكن خاص و لا يمانع ان كانت ارملة او مطلقة او ....... و لديها اطفال

:closedeyes: نتمنى تجاوبو بصراحة

 

[احمد الصحراوي]

السلام عليكم
فعلا معك حق في كل ماقلتيه
اما عن سؤالك
انا حابة نعرف واش رايكم في طلبات الزواج و بالأخص اللي يشترط سكن خاص و لا يمانع ان كانت ارملة او مطلقة او ....... و لديها اطفال
هدا طماع المثل يقو (الطمع يفسد الطبع) واش حبيتي يجيك من واحد طبعو فاسد اتوقعي منو كلش

شكرا على الموضوع بارك الله فيك

 

[sami19280]

والله صح الظاهرة عمت العديد من الجرائد وكاين حتى الخاصة لهاذ الشي

مي هذيك تاع راه عندي اموال ودار ومالقيتش فتى احلامي وووو.الزواج تاع الجرائد هذا مايسلكش.
​

 

[DARINE05]

زعما يزوجو من الجرايد ......وشكون لي يدي وحدة تعرض في روحها في لجورنان :glare:
حتى وداها ويلي يعاير فيها ويقولها علاه نسيتي كيفاه تزوجتي :heh:
ربي يهديهم اللي تحط عمرها في الجرايد :tears:...............

 

[chiva.]

ههههههههههههههههههههههههههههههه جرنال كدب في كدب سيرتو جورنال النهار

النصف الاخر:

حاطلك قائمة الدكور في جهة
وحاطلك قائمة البنات في جهة

ملا زوجوهم لي راهم في جورنال مع بعضهم ؟ والله تحير

المشكل يقلك شابة عمرها 45 سنة ؟؟؟ هههههههههههه وين ركبتلها شابة نص قرن غير الماء يحمى وزيد بزيادة يحطلك قصص عندي شهر تزوجت وهرب عليا راجلي ولا تزوج غير ومنيش عارف ديما تلقى نفس المشكل هههههههههههههههههه يودي جرنال هايل نتاعنا عمر الورق برك والغاشي طايح على راسو يصدق هدي القصص ياو فاقو

 

[Eva dz]

السلام عليكم
فعلا معك حق في كل ماقلتيه
اما عن سؤالك
انا حابة نعرف واش رايكم في طلبات الزواج و بالأخص اللي يشترط سكن خاص و لا يمانع ان كانت ارملة او مطلقة او ....... و لديها اطفال
هدا طماع المثل يقو (الطمع يفسد الطبع) واش حبيتي يجيك من واحد طبعو فاسد اتوقعي منو كلش

شكرا على الموضوع بارك الله فيك

الشكر لك على هذا المرور فعلا الطمع يفسد الطبع

والله صح الظاهرة عمت العديد من الجرائد وكاين حتى الخاصة لهاذ الشي​

مي هذيك تاع راه عندي اموال ودار ومالقيتش فتى احلامي وووو.الزواج تاع الجرائد هذا مايسلكش.​

وي صح ، الله يدي برك ... شكرا على المرور

زعما يزوجو من الجرايد ......وشكون لي يدي وحدة تعرض في روحها في لجورنان :glare:
حتى وداها ويلي يعاير فيها ويقولها علاه نسيتي كيفاه تزوجتي :heh:
ربي يهديهم اللي تحط عمرها في الجرايد :tears:...............

اكيــد زواج فاشل اسعدني مرورك

ههههههههههههههههههههههههههههههه جرنال كدب في كدب سيرتو جورنال النهار

النصف الاخر:

حاطلك قائمة الدكور في جهة
وحاطلك قائمة البنات في جهة

ملا زوجوهم لي راهم في جورنال مع بعضهم ؟ والله تحير

المشكل يقلك شابة عمرها 45 سنة ؟؟؟ هههههههههههه وين ركبتلها شابة نص قرن غير الماء يحمى وزيد بزيادة يحطلك قصص عندي شهر تزوجت وهرب عليا راجلي ولا تزوج غير ومنيش عارف ديما تلقى نفس المشكل هههههههههههههههههه يودي جرنال هايل نتاعنا عمر الورق برك والغاشي طايح على راسو يصدق هدي القصص ياو فاقو

ههههههههههههه نستعرفبيك جبدتها " جريدة النهار "

هاو غير الخرطي

ربي يهدي ،، شكرا على مروركم العطر الذينور صفحتي

 

[ميسومة الدلوعة]

انا في راي الي يدير طلب زواج نورمال خلاص والي قابل بامراة مطلقة او ارملة تاني نورمال
بصح هادي نشرط عليها سكنة هدا رخيص بلا ما نحكيو
مارسي حنونة على الميساج

 

[Eva dz]

شكرا على مرورك ، و رأيك

 

[abdou23]

السلام عليكم

أختي و خاوتي اللي ردو على الموضوع قداه عمركم؟؟؟؟؟؟
راكم تحكيو على حاجة أكبر منكم. أنتم و أنا ما زلنا ما وصلناش لعمر هادوك الناس حتى نعرفو كيفاش يفكرو ما زالت الدنيا قدامنا نبحثو على الشريك بعقلنا و هم ما بقاش عندهم وقت أحنا ما زال ما وصلناش لدرجة اليأس اللي وصلولها ما نقدروش نحكمو على إنسان حتى نتحطو في الموقف اللي تحط فيه أما على الناس اللي تبحث على زواج مصلحة هادي أمور خاصة بيهم إذا لقاو اللي يقبل بشروطهم نتمناولهم ربي يهنيهم ببعض ....رغم أني متأكد بلي أكثر الطلبات كاذبة أو ناس قاعدة تgسر سلام

 

[zahra09]

انا خطرات نشك نقول ماشي صاح ايماجيني تتزوجي بارجورنال ماجياش حتى ومتكونش شروط مجياش نحط اعلان باش نتزوج والله مجايا لمرا تتزوج مع واحد متعرف لا اصلو لا فصلو والراجل كيف كيف
اما الطمع راه فكامل المجلات ماشي غير فجورنال​

 

[hind*alg-]

اوووووووو
انا تاني حرت فيهم حنونة مافهتش


.........نعرف حاجة برك ينضرب راجل يحوس على مرا عندها دار ودراهم
هدا واش دير بيه هدي لمرا يرحم باباك اهي زوجت بطماع استغلالي ماشي راجل لي يستر عليها
.....ومرا تعرض في روحا هدي تاني وفي لجرنان جياحة
............تقبلي مروري اختي

 

[نسيم الربيع]

واش نقولك ختي هاذو هوما الطمامعه والله ياواحد مره كتب باغي وحده تكون بيضا وطويله و جميله و متخرجه وتخدم وعندها سكن خاص ووحده كيما هاذي تندب بيك؟؟ هاذو ميحوسوش على زواجه هاذو الطمع راه ياكل فيهم ... شكرا اختي على الموضوع

 

[فراشة الايمان]

عادي في بلادي

 

[Eva dz]

صحيتو جماعة على ردودكم و تفاعلكم

انا ما نلوم حتى واحد خاطرش كل واحد و حياته و كل واحد ختار طريق يسير عليها

الله يصلح لحوال برك