سلاطة مهراس او الزفيطي من مطبخي

[عفاف الجزائرية]

السلام عليكم ورحمة الله وتعالى وبركاته
اليوم درت للغداء سلاطة مهراس او الزفيطي او كاين عنده اسم اخر
ورغم اختلافه حبيت اليوم نحطلكم السلاطة المهراس المسيلية باه تتعرفو عليها وتجربوها لما لا
نبداو بسم الله نحطو الدقيق نعجنوه بالماء والملح

بعد ذلك نشوي الطماطم والفلفل الاخضر الحار والثوم على الطاجين فوق النار

كي يطيبو ننقو الطماطم نحطوها في مرميطة مع كاس ماء وشويا ملح ونقطعو فيها نصف ربطة كسبر

وننقيو الفلفل والثوم نديروهم في المهراس

ونزيدولهم فلفل احمر يابس نغسلوه وننقيوه من الزريعة وملح

نهرسو الخليط اللي في المهراس حتان يصبح رطب ومدقدق

نطيبو الكسرة في الطاجين

بعد ما تطيب الكسرة نطبقوها على 4 ونحطوها في المهراس ونهرسو حتان تدقدق مليح وتتخلط مع الخليط اللي كنا هرسناه من قبل وفي نفس الوقت نكونو لحنا الخبزة التانية في الطاجين وكي تطيب نطبقوها على 4 ونلوحوها في المهراس وندقوه وهي الكسرة سخونة

وبعد ذلك نحطو الخليط نتاع الطماطم والكسبر بالتدريج

ونبقاو ندقو في المهراس حتان تتفتت الكسرة مليح

ونبقاو نضيفو الطماطم والماء نتاعها حتان تختلط كل المكونات مليح
وفي الاخير نحطولها شويا كسبر وشهية طيبة

وكيما موالفة نقوللكم ما تضحكوش عليا
ننتظر ردودكم واراءكم وتقييمكم ونقاشاتكم على سلاطة المهراس

​

 

[nada242008]

امممم هايلة هايلة يا عفاف
حنا في بسكرة نسميوها بومهراس
نفس الكسرة بصح نفتوها كيما شخشوخة الظفر بش كي تهرسيها تجيك ساهلة
وفي المهراس مع فلفل اخضر حار وثوم و ملح وطماطم حب مقطعة فقط وتهرسيها مليح
يعني كاين اختلافات بسيطة
بارك الله فيك يالفحلة وسلمت يداك

 

[Moha le sage]

رد محجوز للمتحدث
​

 

[حكيك]

يعطيك الصحة على الوصفة
عفاف الاول مرة نسمع بيها
انا حسب راي يبالي الشرق اكثر
تفنن في الاطباق التقليدية من الغرب
راي الخاص شكرا

 

[Mafia-beo16]

باينة بلي بنينة والله شهيتينا
مرسي فوفة كولوها بصحتكم
اسمعي بلاك تنسايني خليلي شوية ههههههههه

 

[عفاف الجزائرية]

امممم هايلة هايلة يا عفاف
حنا في بسكرة نسميوها بومهراس
نفس الكسرة بصح نفتوها كيما شخشوخة الظفر بش كي تهرسيها تجيك ساهلة
وفي المهراس مع فلفل اخضر حار وثوم و ملح وطماطم حب مقطعة فقط وتهرسيها مليح
يعني كاين اختلافات بسيطة
بارك الله فيك يالفحلة وسلمت يداك

حنا تاني نفتتوها رقيقة وندقوها تجي اسهل
بصح ماما تقوللنا ديروها كاملة وهرسوها تقوللنا لاه تفنينتو باه تدقو خبزة كاملة ولا
كي كبرنا كبرنا على العادة نتاع كسرة مجمولة وندقوها
مشكورة فوفة على مرورك
​

يعطيك الصحة على الوصفة
عفاف الاول مرة نسمع بيها
انا حسب راي يبالي الشرق اكثر
تفنن في الاطباق التقليدية من الغرب
راي الخاص شكرا

الله يسلمك حبيبتي حكيك هاذي اكلة تقليدية نتاعنا اضافة للشخشوخة واالمحاجب والكسكس والمقطعة والعيش وووووووووو
ان شالله كل مرة نحطلكم حاجة
وانا من الوسط يعني نتفننو تاني ولا لالا:music_whistling::music_whistling:
مشكورة على المرور حبيبتي
​

 

[عفاف الجزائرية]

باينة بلي بنينة والله شهيتينا
مرسي فوفة كولوها بصحتكم
اسمعي بلاك تنسايني خليلي شوية ههههههههه

مشكورة اختي على مرورك
وارواحي برك ونديرلك مهراس جديد
ماشي خسارة فيك
مشكورة على المرور
​

 

[الجزائري05]

والله سخفتيني يا عفاف و زعم دارها فالدار غير السمانة هذي :scared::scared:
بارك الله فيك على الصور و راني نسالك مهراس:music_whistling:
ماتنسايش تبعثيها لبيلا وتعلميها دير المهراس
موضوع تم تقييمو من طرف الجزائري05
5نجوم
و أحلى تقييم لصاحبته
​

 

[بنت الـــ سـوف ـــواد]

يعطيك الصحة اختي عفوفة على بو مهراس راكي سخفتني
جاك هايل اختي
احنا في الواد منديروش دوقته في دار جدي في بسكرة بنة ماعندي مانقول عليها بصح طريقتهم تختلف على طريقتك كيما طريقة ام ندوش
بارك الله فيك اختي
ان شاء الله كان خرجو اهلي وخالوني في دار وحدي نجربه راني سخفت عليه

الله مايحرمنا من وصفتك ​

 

[asmaa_h]

mmmmmmmmmmmmmmm tchahi

 

[عفاف الجزائرية]

والله سخفتيني يا عفاف و زعم دارها فالدار غير السمانة هذي :scared::scared:
بارك الله فيك على الصور و راني نسالك مهراس:music_whistling:
ماتنسايش تبعثيها لبيلا وتعلميها دير المهراس
موضوع تم تقييمو من طرف الجزائري05
5نجوم
و أحلى تقييم لصاحبته
​

اوك خويا ميزو بيلا خليها عليا الماكلات المسيلية كامل نعلمهملها
وان شالله نديرلك مهراس في خاطر المنظر الجميل
مشكور على التقييم
​

يعطيك الصحة اختي عفوفة على بو مهراس راكي سخفتني
جاك هايل اختي
احنا في الواد منديروش دوقته في دار جدي في بسكرة بنة ماعندي مانقول عليها بصح طريقتهم تختلف على طريقتك كيما طريقة ام ندوش
بارك الله فيك اختي
ان شاء الله كان خرجو اهلي وخالوني في دار وحدي نجربه راني سخفت عليه

الله مايحرمنا من وصفتك ​

اوك اختي لعزيزة ديريه وحطيلنا التطبيق نتاعك ونقيموك عليه
مشكورة حبيبتي على مرورك الذي اسعدني
​

mmmmmmmmmmmmmmm tchahi

مشكورة على المرور
​

 

[هــــيلدا]

:yahoo::yahoo::yahoo::yahoo:

يعطيك الصحة،،اطاطا الشاطرة

جامي ذقتو:tears:

ضرك نطايش عند ندوشة تديرلي واحد:yahoo::yahoo:
​

 

[H@teM]

مالا هدا هوا الزفيطي لي قالي عليه بلال
مرسي اختي تسلم ايديك
بصح شهيتينا باه ناكلوه اممممممم
​

 

[حاملـة المسك]

و عليكم السلام و رحمة الله و بركاته

:scared::scared::scared:
لحقت على الحسوة رووووتار وزيدت بومهرااس :tears:

تسلم ايديك يا القافزة.....يعطيك الصحة
حنا الكسرة نفتوها و تكون شويا كبيرة على كسرة المروقي
نسكرفجو الطماطم نهرسو الثوم مع الفلفل
و نرضخوها في المهراس....اختلاف بسيط
كاينة طريقة اخرى نسموها البطوط الاختلاف مع بومهراس اننا نضيفو
البوفجوخ و القارص و شويا ماء و الحشيش ( كسبر )
بااالاك نهار نديرهالكم

مشكوووووورة

و تزيدو الفلفل الاحمر اليابس.....يايما النار شعلت في فمي ​

​

 

[عفاف الجزائرية]

:yahoo::yahoo::yahoo::yahoo:

يعطيك الصحة،،اطاطا الشاطرة

جامي ذقتو:tears:

ضرك نطايش عند ندوشة تديرلي واحد:yahoo::yahoo:
​

ديري الكوراج وارواحي ليا وتشوفي واش نديرلك
قبل ما تروحي نزيدك ب 8 كيلو
ميرسي اطاطا كي طليتيلي على موضوعي
​

مالا هدا هوا الزفيطي لي قالي عليه بلال
مرسي اختي تسلم ايديك
بصح شهيتينا باه ناكلوه اممممممم
​

هاذا هو خويا حاتم بالذات والصفات
الله يسلمك
ماشي خسارة فيك قول بسم الله ويكون عندك
​

و عليكم السلام و رحمة الله و بركاته

:scared::scared::scared:
لحقت على الحسوة رووووتار وزيدت بومهرااس :tears:

تسلم ايديك يا القافزة.....يعطيك الصحة
حنا الكسرة نفتوها و تكون شويا كبيرة على كسرة المروقي
نسكرفجو الطماطم نهرسو الثوم مع الفلفل
و نرضخوها في المهراس....اختلاف بسيط
كاينة طريقة اخرى نسموها البطوط الاختلاف مع بومهراس اننا نضيفو
البوفجوخ و القارص و شويا ماء و الحشيش ( كسبر )
بااالاك نهار نديرهالكم

مشكوووووورة

و تزيدو الفلفل الاحمر اليابس.....يايما النار شعلت في فمي ​

​

المهم لحقتي خير ما لحقتيش طول
ماكانش اختلاف بزاف بيناتنا
بصح واشي هو البوفجوخ
ان شالله نهار ديريه وحطيلنا نشوفوه
مشكورة حبيبتي على المرور
​

 

[عفاف الجزائرية]

:yahoo::yahoo::yahoo::yahoo:

يعطيك الصحة،،اطاطا الشاطرة

جامي ذقتو:tears:

ضرك نطايش عند ندوشة تديرلي واحد:yahoo::yahoo:
​

ارواحي اطايشي عندي ونديرلك واش تحبي ما يكون غير خاطرك
​

مالا هدا هوا الزفيطي لي قالي عليه بلال
مرسي اختي تسلم ايديك
بصح شهيتينا باه ناكلوه اممممممم
​

هاذا هو خويا حاتم بالذات والصفات
اتفرج فيه مليح باه تشفى عنو وكي تتلاقاه قلو راني شايفك من قبل
والله ماهو خسارة فيك
​

و عليكم السلام و رحمة الله و بركاته

:scared::scared::scared:
لحقت على الحسوة رووووتار وزيدت بومهرااس :tears:

تسلم ايديك يا القافزة.....يعطيك الصحة
حنا الكسرة نفتوها و تكون شويا كبيرة على كسرة المروقي
نسكرفجو الطماطم نهرسو الثوم مع الفلفل
و نرضخوها في المهراس....اختلاف بسيط
كاينة طريقة اخرى نسموها البطوط الاختلاف مع بومهراس اننا نضيفو
البوفجوخ و القارص و شويا ماء و الحشيش ( كسبر )
بااالاك نهار نديرهالكم

مشكوووووورة

و تزيدو الفلفل الاحمر اليابس.....يايما النار شعلت في فمي ​

​

شفتي ماكانش فرق بزاف بين مهراسنا وبومهراس نتاعكم
حطي نتاعكم ونشوفو كيفماه داير
مشكورة بائعة الزلاميط
​

الواحد قاعد في رحمة ربي منعرف علاه داخل يسخف في روحو هنا
يا عفاف اكي معروضه لدارنا وجيبي معاك مهراسكم

ههههههههههههه والله هاذي الاخرة نتاع الصح
راكي معروضة وجيبي مهراسكم
ماشي خسارة فيك خويا بلال
​

 

[ρriηсєѕѕ]

ولله غير شهيتنى يا عفاف

انا رانى نموت عليها

نروح نقول لماما ديرلى

مشكوره
​

 

[حاملـة المسك]

المهم لحقتي خير ما لحقتيش طول
ماكانش اختلاف بزاف بيناتنا
بصح واشي هو البوفجوخ
ان شالله نهار ديريه وحطيلنا نشوفوه
مشكورة حبيبتي على المرور
​

[/QUOTE]

العفووووو

https://www.4algeria.com/vb/showthread.php?p=2588433#post2588433

​

 

[حاملـة المسك]

شفتي ماكانش فرق بزاف بين مهراسنا وبومهراس نتاعكم
حطي نتاعكم ونشوفو كيفماه داير
مشكورة بائعة الزلاميط


راكي سافا
كو د صولاي و لا حرارة الفلفل دوخاتك
الردود بالدوبل :music_whistling:
طفي الميكرو و روحي تريحي...تصبحي بإذن الله بخير
​

 

[عفاف الجزائرية]

هاذا وين فهمت واش هو البوفجوخ
حنا نسميوه فلفل مرقد
​